[:gj]દિલ્હી : ભારતીય જનતા પાર્ટીને મોટો ઝટકો લાગ્યો છે. ઉત્તર પ્રદેશના બહરાઇચથી સાસંદ સાવિત્રી બાઇ ફુલેએ પાર્ટીમાંથી રાજીનામું આપી દીધું છે. ભાજપ છોડવાની ઘોષણા પર સાંસદ સાવિત્રીબાઇએ ભાજપ પર આરોપ લગાવ્યો કે ભાજપ સમાજને વહેંચવાનો પ્રયાસ કરી રહ્યો છે.
છેલ્લા દિવસે બહરાઇચના સાંસદ સાવિત્રીબાઈ ફુલેએ દેશભરમાં ચાલતા હનુમાનજીની જાતિના વિવાદમાં કૂદકો લગાવીને સીએમ યોગી આદિત્યનાથના દાવાને સમર્થન આપ્યું હતું. સાંસદે કહ્યું હતું કે હનુમાનજી દલિત હતા. જો કે, યોગીના નિવેદન કરતા વધારે બોલતા તેમણે કહ્યું કે હનુમાનજી મનુવાદીઓના ગુલામ હતા.
સાવિત્રીબાઈ ફૂલેએ તાજેતરમાં જ રામ મંદિર મુદ્દે ભાજપ પર નિશાન સાધ્યું હતું. બહરાઇચના સાંસદે રામ મંદિરને દેશના ત્રણ ટકા બ્રાહ્મણો માટે પૈસા કમાવવાનું સાધન ગણાવ્યું હતું. તેમણે કહ્યું હતું કે, જો ભગવાન રામ પાસે શક્તિ હોત, તો અયોધ્યામાં રામ મંદિરનું નિર્માણ હવે કરી લેત.
ગયા મહિને ભાજપના સાંસદ હરીશ મીના પાર્ટી છોડીને કોંગ્રેસમાં જોડાયા હતા. દૌસાના સંસદસભ્ય મીનાએ કહ્યું હતું કે ‘પંજા’ વગાડતા તેઓ કોઈ શરત વિના કોંગ્રેસમાં જોડાયા હતા. હરીશ મીનાના મોટા ભાઈ નમોનારાયણ મીના કોંગ્રેસના વરિષ્ઠ નેતા છે.[:]
