વાંકાનેરના ખેરવા પાસે બે એસ.ટી. બસ વચ્ચેના અકસ્માતમાં 25થી વધુ ઈજાગ્રસ્ત

મોરબી,તા:૧૧  વાંકાનેરના ખેરવા પાસે બે એસ.ટી. બસ વચ્ચે અકસ્માત સર્જાયો, જેમાં 25થી વધુ મુસાફરો ઈજાગ્રસ્ત થયા છે. જાણવા મળ્યા મુજબ ઈજાગ્રસ્તો પૈકી પાંચને ગંભીર ગણાવવામાં આવી રહ્યા છે, જ્યારે એક એસ.ટી. બસના ચાલકને પણ ગંભીર સ્થિતિમાં હોસ્પિટલે ખસેડાયો છે.

જાણવા મળ્યા મુજબ સવારે સાત વાગ્યાની આસપાસ વાંકાનેર-રાજકોટની એસ.ટી. બસ નંબર જીજે-18ઝેડ-0373 અને રાજકોટ-વાંકાનેરની એસ.ટી. બસ સામસામે અથડાતાં અકસ્માત સર્જાયો હતો. અકસ્માત એટલો ગંભીર હતો કે એક એસ.ટી.નો ચાલક બસમાં ફસાઈ ગયો હતો. ફસાયેલા એસ.ટી.ના ડ્રાઈવરને પતરું ચીરીને બહાર કાઢવામાં આવ્યો હતો.

બંને એસ.ટી. બસ વચ્ચેના અકસ્માતમાં 25થી વધુ મુસાફરો ઈજાગ્રસ્ત થયા છે, જેમને વાંકાનેરની હોસ્પિટલમાં દાખલ કરવામાં આવ્યા છે, જ્યારે ગંભીર રીતે ઈજાગ્રસ્ત મુસાફરોને રાજકોટ ખસેડવામાં આવ્યા છે.