[:gj]ગોંડલ માર્કેટિંગ યાર્ડમાં ડુંગળીની રેકોર્ડ બ્રેક આવક થઈ[:]

[:gj]રાજકોટ

કેન્દ્ર સરકાર દ્વારા ડુંગળીની આયાત અંગે કરાયેલી જાહેરાતના પગલે ડુંગળીના ભાવમાં ઘટાડો થવાની શક્યતા હતી. જેના કારણે ખેડૂતો ઉતાવળા થઈ માર્કેટ યાર્ડમાં ડુંગળીનું વેચાણ કરવા પહોંચ્યા છે. જેથી ડુંગળીના ભાવમાં તેજી જોવા મળી રહી છે. પરિણામે ગોંડલ માર્કેટ યાર્ડમાં એક જ દિવસમાં ડુંગળીની બોરીઓની આવકમાં સવા લાખથી વધુનો વધારો નોંધાયો છે.

ડુંગળીના ઉત્પાદનને વરસાદરૂપી ફટકાથી ડુંગળીના ભાવમાં આગ ઝરતી તેજી જોવા મળી રહી છે. બીજી તરફ કેન્દ્ર સરકારના પ્રધાને ડુંગળીની આયાત કરવાની કરેલી જાહેરાતને કારણે ડુંગળીના ભાવમાં ઘટાડો આવવાની શક્યતા છે. સૌરાષ્ટÙભરના માર્કેટ યાર્ડોમાં ડુંગળીની અઢળક આવક જોવા મળી છે. ગોંડલ માર્કેટ યાર્ડમાં પણ ડુંગળીની આવક શરૂઆતથી જ ડુંગળીની અઢળક આવકથી હવે યાર્ડ ડુંગળીથી ઉભરાઈ ગયું હતું.

ગોંડલ માર્કેટ યાર્ડમાં ડુંગળીની અઢળક આવક પાછળ ડુંગળીના ભાવમાં આગ ઝરતી તેજી અને બજાર ભાવમાં ઘટાડાની દહેશત જવાબદાર છે. ખેડૂતો વધુ પડતો કાચો-પાકો માલ યાર્ડમાં લઈને આવતા હોવાની વિગતો પણ સામે આવી છે. માર્કેટ યાર્ડમાં ડુંગળીનો બગાડ થતો હોવાથી યાર્ડ સતાધીશોએ ખેડૂતોને પોતાનો માલ ખેતરમાં પકાવીને લઈને આવવાની પણ અપીલ કરી હતી. બીજી તરફ વધુ પડતી ડુંગળીની આવકને ધ્યામાં લઈને યાર્ડ સતાધીશોએ બપોરના ૩ વાગ્યા સુધી ડુંગળીની હરાજી ચાલુ રાખવાની ફરજ પડી હતી. જ્યારે ગોંડલ માર્કેટ યાર્ડમાં ડુંગળીની અઢળક આવક વચ્ચે ડુંગળીની હરાજીમાં ૨૦ કિલોના ભાવ રૂપિયા ૧૧૦૦ સુધીના બોલાયા હતા.[:]