[:gj]પુત્રી પર દુષ્કર્મ કરનારા પિતાને ફાંસી, સુરતમાં બીજી ફાંસી [:]

[:gj]સુરતમાં પોતાની ૧૪ વર્ષની સગી પુત્રીને દુષ્કર્મનો ભોગ બનાવી તેને ગર્ભવતી બનાવ્યા બાદ હત્યા કરવાના ગુનામાં સુરત સેશન્સ કોર્ટે આરોપી પિતા ટુકના દાસને ફાંસીની સજા ફટકારી છે.

સુરતમાં છેલ્લા પાંચ મહિનામાં દુષ્કર્મ કેસમાં આ બીજી ફાંસીની સજા ફટકારવામાં આવી છે. એડિશનલ સેશન્સ જજ પી.એસ.કાલાએ આરોપી પિતા ટુકના દાસને રેરેસ્ટ ઓફ ધ રેર કેસ ગણી ફાંસીની સજા ફટકારતો મહત્વનો ચુકાદો સંભળાવ્યો હતો.

૩૦ જૂન ૨૦૧૭ના રોજ સવારે દસેક વાગ્યે સુરતના ડુમસ રોડ પર ખેતરની અવાવરુ જગ્યાએથી ૧૪ વર્ષીય કિશોરીની હત્યા કરાયેલી લાશ મળી હતી. આ કિશોરીનું ગળું દબાવી કોઇએ હત્યા કરી હોવાનું ફોરેન્સિક તપાસમાં બહાર આવ્યું હતું. કિશોરીની ઓળખ લિઝા ટુકના દાસ (રહે.પાંડેસરા અને મૂળ રહેવાસી ઓડિશા(ઉ.વ. ૧૪) તરીકે થઇ હતી.

પોલીસે સમગ્ર મામલે ઝીણવટભરી તપાસ કરતાં મૃતકના સગા પિતા ટુકના દાસે જ તેનું ગળુ દબાવી હત્યા કર્યાનું સામે આવ્યું હતું. પેટમાં ગર્ભ કોનો છે તે નહોતી કહેતી માટે હોસ્પિટલ લઈ જવાના બહાને રિક્ષામાં બેસાડી ઘરેથી લઈ ગયો હતો અને ગળું દબાવી હત્યા કરી હતી.

મુદ્દે ભૂતકાળમાં પુત્રીને પિતાએ માર પણ માર્યો હતો. ટુકના દાસની બીજી પત્ની છે. લિઝા પહેલી પત્નીની પુત્રી હતી.  કિશોરીના ગર્ભનું ડીએનએ ટેસ્ટ કરાવવામાં આવ્યું હતું. એફએસએલમાંથી આવેલા ડીએનએ રિપોર્ટમાં કિશોરીના ગર્ભના ડીએનએ અને કિશોરીના પિતાના ડીએનએ મેચ થયાં હતાં. કિશોરીનો બાયોલોજીકલ પિતા અને કિશોરીના ગર્ભનો બાયોલોજીકલ પિતા પણ ટુકના દાસ હોવાનું સામે આવ્યું હતું.[:]