[:gj]સોલાર સેલ-સોલાર મોડયુલનો રૂ.1100 કરોડનો અદ્યતન પ્લાન્ટ[:]

Rs.1100 crore advanced plant of solar cell-solar module

[:gj]

  • દક્ષિણ ગુજરાતના વલસાડના માંડા ગામમાં  રૂ. ૧૧૦૦ કરોડના મૂડીરોકાણ સાથે શરૂ થશે સોલાર સેલ-સોલાર
    મોડયુલનો અદ્યતન પ્લાન્ટ
  • સોલાર પી.વી મોડયુલ ઉત્પાદનમાં વિશ્વના અનેક દેશો સાથે વેપાર-કારોબાર ધરાવતા વારેગૃપ અને ગુજરાત સરકાર વચ્ચે ગાંધીનગરમાં MoU
  • ત્વરિત જમીન ફાળવણીની પરવાનગીઓ આપી દેવાઈ

ગાંધીનગર, 15 ફેબ્રુઆરી 2020

સોલાર પી.વી. મોડયુલ્સ અને સોલાર એનર્જી સોલ્યુશન્સની પ્રતિષ્ઠિત કંપની વારે પાવર દક્ષિણ ગુજરાતના વલસાડ જિલ્લાના માંડા ગામમાં સોલાર સેલ અને સોલાર મોડયુલનો રૂ. ૧૧૦૦ કરોડ રૂપિયાના મૂડીરોકાણ સાથે અદ્યતન પ્લાન્ટ સ્થાપશે.

ગુજરાત સરકાર વતી ઊદ્યોગ અગ્ર સચિવ એમ. કે. દાસ અને વારે ગૃપના ચેરમેન હિતેશ દોશીએ આ MoU પર હસ્તાક્ષર કર્યા હતા. બે હજાર જેટલા સ્થાનિક યુવાઓને રોજગાર અવસર મળતા થવાના છે.

૮ લાખ ઘરોને સોલાર રૂફટોપ પોલીસી તહેત આવરી લઇ સૌરઊર્જા વિનિયોગ તેમજ ૩૩ લાખ જેટલા MSME યુનિટસને ૧૦૦ ટકા સૌરઊર્જા ઉપયોગ માટે પ્રોત્સાહન આપવાના અપનાવેલા અભિગમને પરિણામે ગુજરાતમાં સોલાર મોડયુલ્સ અને સોલાર સેલની વિશાળ માંગ ઊભી થઇ છે.

સોલાર પી.વી. મોડયુલ્સ અને સોલાર એનર્જી સોલ્યુશન ક્ષેત્રે વિશ્વના ૬૦ જેટલા દેશોમાં વેપાર-કારોબાર ધરાવતી કંપની વારે ગૃપે ગુજરાતમાં આવી છે. આ ગૃપ ભારતમાં પ્રેશર ગેજ ક્ષેત્રે પપ ટકા ઉત્પાદન કરે છે.

આ ગૃપ દ્વારા ભારતમાં સૌથી મોટો બે ગીગાવોટની ક્ષમતાનો સોલાર પી.વી. મોડયુલ મેન્યુફેકચરીંગ પ્લાન્ટ સુરત અને ઉમરગામમાં કાર્યરત છે.

વારે ગૃપના ચેરમેન હિતેશ દોશીએ ગુજરાતમાં તેમના પ્રોજેકટ માટે જમીન ફાળવણી સહિતની તમામ પરવાનગીઓ ત્વરાએ વિનાવિલંબે મળી ગઇ છે. ગુજરાત સરકારના આ પ્રોત્સાહક અને પારદર્શી અભિગમથી પ્રભાવિત થઇને તેમનું ગૃપ નજીકના ભવિષ્યમાં જ રાજ્યમાં વધુ મૂડીરોકાણ કરવા ઉત્સુક છે.[:]