[:gj]અહેમદ પટેલને નોટિસ કેમ આપવામાં આવી ? દિલ્હીમાં કોઈ વજન રહ્યું નહીં[:]

[:gj]દિલીપ પટેલ allgujaratnews.in@gmail.com

કોંગ્રેસના ખજાનચી અહમદ પટેલને આવકવેરા વિભાગે હવાલા ટ્રાન્જેક્શન કેસમાં સમન્સ મોકલ્યું છે. હવે અહમદ પટેલના 400 કરોડ રૂપિયાના હવાલા કેસમાં આવક વેરા વિભાગે પૂછપરછ કરવા નોટિસ પાઠવીને હાજર થવાનો આદેશ આપ્યો છે.અગાઉ અહમદ પટેલને 11 ફેબ્રુઆરી 2020એ સમન્સ મોકલ્યું હતુ અને 14 ફેબ્રુઆરી 2020 હાજર થવા જણાવ્યું હતું. આ સમન્સ IT ACTની સેક્સન 131 હેઠળ મોકલવામાં આવ્યું હતું. અહમદ પટેલને  શ્વાસ લેવામાં તકલીફ થઈ રહી છે. ફરીદાબાદની એક હોસ્પિટલમાં સારવાર લીધી હતી.

અહેમદ પટેલની કોંગ્રેસમાં કોઈ ભૂમિકા ન રહેતા પ્રદેશ પ્રમુખ તરીકે ગુજરાત આવવા તખ્તો તૈયાર કરી રહ્યાં છે. ત્યારે ભાજપના તેમના મિત્ર મદદે આવ્યા હોવાની ચર્ચા છે.

મિત્રનું ઋણ  

રાહુલ ગાંધીએ લોકસભાની 2019ની ચૂંટણી માટે ફંડ એકઠું કરવા સાથે લીધા હતા. તે અગાઉ અહેમદ પટેલને અમાનજનક રીતે રાહુલ ગાંધીએ રીતસર હાંકી કાઢ્યા હતા. પણ અહેમદ પટેલ નાક રગદોળય નહીં તેથી પોતાનું મહત્વ બતાવતાં હતા. પણ હવે દિલ્હીમાં તેમને પક્ષમાં કોઈ ગણકારતું નથી. તેઓ પોતાનું નાક રહી જાય તે માટે ગુજરાતના પ્રદેશ પ્રમુખ બનવા માટે તૈયારી કરી રહ્યાં હતા તે જ સયમે તેમને નોટિસ આપવામાં આવી છે. તેઓ વડાપ્રદાન નરેન્દ્ર મોદીના ખાસ મિત્ર છે અને કોંગ્રેસની સારી એવી વાતો તેઓ પહોંચાડતાં રહ્યાં છે. હવે પક્ષમાં કોઈ સ્થાન ન રહેતાં તેમને બચાવવા માટે મિત્ર મદદ કરી રહ્યાં હોવાની કોંગ્રેસના આંતરિક વર્તુળોમાં ચર્ચા ઊભી થઈ છે.

વિદેશી નાણાંની હેરાફેરી

વિદેશી નાણાંની હેરાફેરી માટે કામ કરતાં નિદેશાલય એટલે કે એન્ફોર્સમેન્ટ ડીપાર્ટમેન્ટ (ઈડી) દ્વારા સ્ટર્લિંગ બાયોટેક બેન્કના લોનના કૌભાંડના ગુનામાં કોંગ્રેસના જાણીતા નેતા અહેમદભાઈના જમાય ઈરફાન અહેમદ સિદ્દીકીની તપાસ શરૂ થઈ છે અને તેમનું નિવેદન લેવામાં આવ્યું છે. આ દાવામાં અહેમદ પટેલના પુત્ર ફૈઝલનું નામ હોવાથી તેમની પૂછપરછ પણ થઈ શકે છે.

વડોદરાના સંદેસરા ગ્રુપ

રૂ.5 હજાર કરોડ રૂપિયાના બેંકિંગ ગોટાળાના દાવાનો સામનો કરી રહેલા વડોદરાના સંદેસરા ગ્રુપ સામે એન્ફ્રોસમેન્ટ ડિરેકટોરેટ (ઇડી)એ બેંક ગોટાળા અને મની લોંડ્રિંગના આ મામલે ઇડીએ સંદેસરા ગ્રુપની કંપની સ્ટર્લિંગ બાયોટેકની 4701 કરોડ રૂપિયાની સંપત્તિ જપ્ત કરી છે. જેમાં 300 બેંક એકાઉન્ટ,300 શેલ કંપનીઓ સીઝ કરાઇ છે. જપ્ત કરવામાં આવેલી સંપત્તિમાં અંદાજે 4000 એકર જમીન પણ છે. સંદેસરા ગ્રુપના માલિક કોંગ્રેસના સીનિયર નેતા અહેમદ પટેલના ખાસ વ્યકિત છે. જેને અહેમદ પટેલે અનેક વખત મદદ કરી હતી.

કોઈએ નામ લીધો અને ફસાયા

વરિષ્ઠનેતા એહમદ પટેલ અને તેમના પરિવાર સુધી નાણાકીય કૌભાંડ આવી પહોંચ્યું છે. સંદેસરા ગ્રુપના અધિકારી સુનિલ યાદવે ઇડીને આપેલા એક નિવેદન અનુસાર એહમદ પટેલના પુત્ર ફૈઝલ પટેલ અને જમાઇ ઇરફાન સિદ્દિકીએ વિદેશી નાણાંની હેરાફેરી કરી હોવાનું કહીને અહેમદ પટેલના કુટુંબનું નામ પણ લીધું હતું. યાદવનું નિવેદન છે કે, સંદેસરા ગ્રુપના માલિક ચેતન સંદેસરા અને તેમના વિશ્વાસુ ગગન ધવનને સિદ્દીકીને અનેક વખત 15 થી 20 લાખ રૂપિયા આપ્યા છે. યાદવના સ્ટેટમેન્ટને પ્રિવેન્શન ઓફ મની લોન્ડ્રીંગ એક્ટની સેકશન 50 હેઠળ નોંધવામાં આવ્યું છે. યાદવના સ્ટેટમેન્ટને અદાલતી કાર્યવાહી માનવામાં આવે છે અને તેના સ્ટેટમેન્ટને કોર્ટમાં રજૂ કરવામાં આવ્યું હતું.

સંદેસરા ગ્રુપે ત્યારે ઇડીને આપેલા લેખિત નિવેદનમાં ઉલ્લેખ કર્યો હતો કે ચેતન સંદેસરા અવારનવાર એહમદ પટેલના દિલ્હી સ્થિત આવાસે જતા હતા. યાદવનુ નિવેદન પ્રિવેંશન ઓફ મની લોન્ડ્રિંગ એક્ટની કલમ 50 અંતર્ગત રેકોર્ડ કરાયું છે. જેના આધારે પૂછપરછ શરૂ થઈ છે. યાદવે એમ પણ કહ્યું હતું કે, ફૈઝલ પટેલના ડ્રાઈવરને પણ રોકડ આપવામાં આવી હતી. આ રોકડ અહેમદ પટેલના પુત્ર ફૈઝલ પટેલને પહોંચાડવાની હતી. 6 મહિના પહેલાનો આ દાવો ચાલી રહ્યો છે.

20 કરોડ કોંગ્રેસના હતા ?

મધ્યપ્રદેશ, ગોવા અને દિલ્હીમાં આવક વેરા વિભાગે દરોડા પાડીને શોધી કાઢ્યું હતું કે, હવાલા દ્વારા રૂ.20 કરોડ દિલ્હીમાં એક મોટી પાર્ટીના કાર્યાલય માટે તુઘલક રોડ પર રહેતા મહત્વપૂર્ણ વ્યક્તિના ઘરે મોકલવામાં આવ્યા હતા. આવકવેરા વિભાગે અગાઉ અહેમદ પટેલના એકાઉન્ટન્ટ પર દરોડાની કાર્યવાહી કરી હતી. નાણાં એકઠા કરવાના દસ્તાવેજ, હાથથી લખેલી ડાયરી, કમ્પ્યુટર ફાઈલો અને એક્સેલ શીટ મળી હતી.

અહેમદ પટેલને રૂ.25 લાખની લાંચ  

ED (ઇડી) એ દિલ્હીની કોર્ટમાં 4 ઓગસ્ટ 2018માં કહ્યું હતું કે, તેમની પાસે સોનિયા ગાંધીના રાજકીય સલાહકાર તેમજ રાજ્યસભામાં ગુજરાતના સાંસદ અહેમદ પટેલના ઘરે રૂ. 25 લાખ પહોંચાડવામાં આવ્યા હોવાના પુરાવા ઉપલબ્ધ છે. સાંસદ અહેમદ પટેલને આ રકમ લાંચના સ્વરૂપે પહોંચાડવામાં આવી હતી. મની લોન્ડરિંગ કેસમાં ધરપકડ કરાયેલા આરોપી રંજીત મલિક નામના એક વ્યક્તિની પૂછપરછ દરમિયાન આ જાણકારી મળી હતી. આ કેસનો સંબંધ ગેરકાયદે રીતે રૂ. 5000 કરોડની લોન મેળવનારી ગુજરાતની સ્ટરલિંગ બાયોટેક કંપની વિરુદ્ધ કરવામાં આવી રહેલી સીબીઆઈ તપાસ સાથે જોડાયેલો છે. રાકેશ ચંદ્રા નામના એક વ્યક્તિએ આ પૈસા પહોંચાડ્યા હતા. તેણે રંજીત મલિકના કહેવા પર આ પૈસા દિલ્હીના 23, મધર ટેરેસા, ક્રેસેન્ટ રોડ પર પહોંચાડી હતી. જે કોંગ્રેસના નેતા અહેમદ પટેલનું સત્તાવાર નિવાસસ્થાન છે. ફોન પર થયેલી વાતચીતના રેકોર્ડિંગ સહિતના પુરાવાઓ તપાસ કરનારા અધિકારી પાસે છે. આમ ઇડી તરફથી અહેમદ પટેલ, પુત્ર અને જમાઇ પણ મનીલોંડરીંગ કેસમાં સંડોવાયેલા છે. તેમ છતાં કોઈની ધરપકડ કરવામાં આવી નથી.

ડાયરીનું રહસ્ય

ઈ.સ. 2011 માં ગુજરાતની કંપની સ્ટરલિંગ બાયોટેક પર દરોડા દરમિયાન એક ડાયરી મળી આવી હતી. આ ડાયરીમાં નેતાઓ, આવકવેરા અધિકારીઓ અને ઉચ્ચ પોલીસ અધિકારીઓને લાંચ રૂપે પૈસાની ચૂકવણી કરવામાં આવી હોવાની નોંધો મળી આવી હતી. જેની એફએસએલ તપાસ પણ નરેન્દ્ર મોદી સરકારે કરાવી નથી.

ફૈઝલ લોકસભાની ચૂંટણી લડવાનો હતો

અહેમદ પટેલનો પુત્ર લોકસભા 2019ની ભરૂચની ચૂંટણી લડવાનો છે એવી કોંગ્રેસમાં દરેક નેતાઓ જાણતા હતા. પણ એકાએક ફૈઝલ અહેમદ પટેલે પોતાના ટ્વીટર એકાઉન્ટ ઉપર 23 માર્ચે જાહેરાત કરી હતી કે, તે લોકસભાની ચૂંટણી લડવાનો નથી.

શું છે રાજકારણ

ગુજરાતમાં છેલ્લાં 20 વર્ષથી કોંગ્રેસ પર કબજો ધરાવતાં અને હવે દિલ્હીમાં રાહુલ ગાંધીના રાજીનામા બાદ સમગ્ર દેશની કોંગ્રેસ પર ફરી એક વખત પકડ જમાવવાની અહેમદ પટેલે શરૂઆત કરી તેની સાથે જ તેમના જમાઈ પર સીધો પ્રહાર કરાયો છે. ખરેખર તો આ દાવો ઘણો જૂનો છે. પણ તેનો ભાજપના રાષ્ટ્રીય પ્રમુખ અમિત શાહ અને વડાપ્રધાન નરેન્દ્ર મોદીના ઈશારે રાજકીય હથિયાર તરીકે ઉપયોગ થઈ રહ્યો હોવાનું ઘણાં કોંગ્રેસના નેતા માની રહ્યાં છે.

અહેમદ પટેલ સોનિયા ગાંધીના રાજકીય સલાહકાર હતા અને કોંગ્રેસ પ્રમુખ રાહુલ ગાંધી મોદી સરકાર પર નિરવ મોદી અને મેહુલ ચોકસી જેવા બેંકિંગ ગોટાળાના આરોપીઓની મદદ કરવાનો આરોપ લગાવી રહ્યા હતા. તે સમયે જ અહેમદ પટેલના પરિવાર ઉપર ઈડીની તપાસની શરૂઆત થઈ હતી. હવે અહેમદ પટેલ ફરી એક વખત કોંગ્રેસે બાજુ પર મૂકી દીધા છે ત્યારે કબાટમાં બંધ પડેલો દાવો ઉળેખવામાં આવ્યો છે.

ઈન્કમટેક્સ વિભાગના દરોડાને લઈને કોંગ્રેસે તે સમયે આરોપ લગાવ્યો હતો કે મોદી સરકારમાં રાજકીય વિરોધીઓ વિરુદ્ધ એજન્સીઓનો દુરુપયોગ કરાઈ રહ્યો છે. ત્યારે  અહેમદ પટેલે સવાલ કર્યો હતો કે ભાજપના એ નેતાઓ અને તેમના પુત્રોને ત્યાં દરોડાની કાર્યવાહી કેમ થઈ રહી નથી કે જેમના ઉપર આરોપ છે ?

અહેમદ પટેલે એમ પણ કહ્યું હતું કે સરકાર તેમની છે, એજન્સી તેમની છે અને જે પણ કરવાનું છે કરી લે. કોઈપણ દોષિત છે, તેની વિરુદ્ધ કાર્યવાહી કરે, પરંતુ સાથે જે ભાજપના લોકો છે, તેમનના જે પુત્ર છે, તેમની જે ફાઈલો પડી છે, ચાહે ઈડીની પાસે હોય, અથવા સીબીઆઈની પાસે હોય. તેમની પણ તો ઓછામાં ઓછી તપાસ કરો, શરૂઆત કરો.

અહેમદ પટેલે મોદીને મદદ કરી હતી

અહેમદ પટેલે મોદીને સોહરાબુદ્દીન કેસમાં મદદ કરી છોડાવ્યા હતા. નરેન્દ્ર મોદી જ્યારે મુખ્ય પ્રધાન હતા ત્યારે અહેમદ પટેલના દિલ્હીના નિવાસ સ્થાને એકલા ગયા હતા. તેમણે અહેમદ પટેલ સાથે ભોજન લીધું હતું અને 3 કલાક સુધી ચર્ચા કરી હતી. તે સમયે સૌરાબુદ્દીન અને ગોધરા હત્યાકાંડની સીબીઆઈની તપાસનો ગાળીઓ મોદી આસપાસ વિંટળાતો હતો. પણ પછી અચાનક આ કેસમાં વળાંક આવ્યો હતો અને મોદી સામે કોઈ કાર્યવાહી થઈ ન હતી.

સત્તાના સૂત્રધાર બનતાં ફરી આફત 

કોંગ્રેસના પ્રમુખ તરીકે રાહુલ ગાંધીએ રાજીનામું આપી દીધા બાદ ફરી એક વખત કોંગ્રેસના તમામ નિર્ણયો અહેમદ પટેલ લેવા લાગ્યા હતા. હવે તેમને પક્ષે કોરાણે મૂકી દીધા છે. રાહુલ ગાંધીના સમયમાં તેઓ હાંસીયામાં ધકેલાઈ ગયા હતા.  તે સમયે જ તેમના કુટુંબ પર કેન્દ્ર સરકારે ઘોંસ વધારીને દબાણ સર્જી દીધું છે.

રાજીનામું ન આપ્યું

લોકસભા 2019ની ચૂંટણીમાં ગુજરાતમાં એકપણ સીટ પર વિજય ન મળ્યો તેથી વિરોધ પક્ષના નેતા પરેશ ધાનાણી અને કોંગ્રેસ પક્ષના નેતા અમીત ચાવડાએ રાજીનામું આપી દીધું પણ કોંગ્રેસ માટે જે ખરેખર વિલનની ભૂમિકા ભજવી રહ્યાં છે તે અહેમદ પટેલે રીજીનામું આપ્યું નથી. રાજીનામું તો ઠીક પણ તેમણે જવાબદારી પણ સ્વિકારી નથી.[:]