[:gj]રાજ્યમાં ડેન્ગ્યૂનો કહેર યથાવત, અત્યાર સુધીમાં ૭૩૧૯ કેસ નોંધાયા[:]

[:gj]ગાંધીનગર, તા. 22

રાજ્યમાં છેલ્લાં કેટલાંક સમયથી ડેન્ગ્યૂનો કહેર ફેલાયો છે. રાજ્યના વિવિધ શહેરોમાં સરકારી અને ખાનગી હોસ્પિટલમાં મચ્છરજન્ય રોગ ડેન્ગ્યૂના અત્યાર સુધીમાં 7319 કેસ નોંધાયા છે. જે પૈકી 21 ઓક્ટોબરે 145 કેસ નોંધાયા છે. ડેન્ગ્યૂના કેસમાં વધારાને લઈને સરકાર ચિંતિત છે. અને આ અંગે પગલાં પણ લેવાઈ રહ્યા છે.

રાજ્યના મુખ્ય સચિવ જે. એન. સિંહે રાજ્યના જિલ્લા કલેક્ટર, જિલ્લા આરોગ્ય અધિકારીઓ, મ્યુનિસિપલ કમિશનર સાથે વિડીયો કોન્ફરન્સના માધ્યમથી રાજ્યમાં ફેલાઈ રહેલા ડેન્ગ્યૂના કહેરને લઈને ચિંતા વ્યક્ત કરી હતી. આ અંગે પ્રાપ્ત વિગતો અનુસાર મુખ્ય સચિવે ડેન્ગ્યૂ પ્રભાવિત જિલ્લાઓ અને શહેરોમાં સાપ્તાહિક ડ્રાય ડે અભિયાન ચલાવવાની ખાસ સૂચના આપી હતી. આ ઉપરાંત ડ્રાય ડે દરમિયાન ઘરના તમામ પાણીના કન્ટેઈનર ખાલી કરાવવા પણ આદેશો આપ્યા હતા.

બેઠક દરમિયાન મુખ્ય સચિવે તમામ જિલ્લાઓમાં દવાઓનો છંટકાવ કરાવવા અને તેની ઉપર સંપૂર્ણ દેખરેખ રાખવાની પણ સૂચના આપી છે. સાથે તેમને વિવિધ જિલ્લાઓમાંથી એવી માહિતી આપવામાં આવી હતી કે, મચ્છરોના ઉપદ્રવને અટકાવવા માટે જે તે જિલ્લાના તળાવોમાં 79,348 પોરા નાશક માછલીઓ નાખવામાં આવી છે. આ ઉપરાંત 4,31,425 ગર્ભવતી મહિલાઓને મચ્છરથી બચવા માટે મચ્છરદાનીનું વિતરણ પણ કરવામાં આવ્યું છે.

રાજ્યમાં નોંધાયેલા ડેન્ગ્યૂના કેસ 

રાજ્યમાં અત્યારસુધીમાં ડેન્ગ્યૂના કુલ 7319 કેસ નોંધાયા છે. જે મહાનગરપાલિકા અને જિલ્લાવાર સૌથી વધુ અને સૌથી ઓછા ડેન્ગ્યૂના કેસ આ મુજબ છે.

મહાનગરપાલિકા                                ડેન્ગ્યૂના કેસ

અમદાવાદ                                     1625

જામનગર                                      1242

ગાંધીનગર                                      251

રાજકોટ                                         491

વડોદરા                                         513

ભાવનગર                                      190

સુરત                                           164

જૂનાગઢ                                        49

જિલ્લા                                           ડેન્ગ્યૂના કેસ

બનાસકાંઠા                                     255

ગાંધીનગર                                     251

રાજકોટ                                        250

જામનગર                                      202

દ્વારકા                                          199

દાહોદ                                          158

સુરત                                           146

વલસાડ                                        140

કચ્છ                                            113

અમરેલી                                        105

સૌથી ઓછા કેસ 

જિલ્લા                                          ડેન્ગ્યૂના કેસ

નર્મદા                                          6

પોરબંદર                                       5

બોટાદ                                          5

ડાંગ                                            2

 

 

 [:]