[:gj]ડ્રોનની મદદથી 500 ગુના નોંધવામાં આવ્યા [:]

Drone has registered 8 offenses

[:gj]ફરજ બજાવતા આરોગ્ય અને પોલીસ વિભાગના કર્મીઓ ઉપર થતાં હુમલાઓને ચલાવી લેવાશે નહીં. હુમલો કરનાર તત્વો સામે પાસા સહિતની કલમો લગાવીને કડકમાં કડક કામગીરી કરવામાં આવશે.
રાજ્યના પોલીસ વડા શિવાનંદ ઝાએ જણાવ્યું છે કે, આરોગ્ય કર્મીઓ જ્યારે સર્વેલન્સ માટે આવે તો નાગરિકો સંયમતા જાળવી તેમને પૂરતો સહકાર આપે, જો સહકાર આપવામાં નહીં આવે તો પોલીસ ચોક્કસ કડક હાથે પગલાં લેશે.
ક્ષુલ્લક બહાના બનાવીને કેટલાક લોકો હજું પણ ઘરની બહાર ફરતા હોય છે. રાજકોટ ખાતે એક યુવાન છેલ્લા ત્રણ દિવસથી દવા લેવા જવાનું બહાનું બનાવીને ૨૧ વખત જુદા જુદા વિસ્તારોમાં ફરતો હોવાનું સી.સી.ટીવી ફૂટેજ અને એ.એન.પી.આરના સોફ્ટવેરના માધ્યમથી પકડાતા તેની સામે પણ કાયદેસરની કાર્યવાહી કરવામાં આવી છે.

આવશ્યક ચીજ-વસ્તુઓના વિતરણમાં પણ યોગ્ય સોશ્યલ ડીસ્ટન્સીંગ જળવાતું ન હોવાના કિસ્સા ધ્યાને આવ્યા છે. શાકમાર્કેટ, બેંકો,કરિયાણાની દુકાનો ખાતે પણ ડ્રોન સર્વેલન્સ વધુ સઘન બનાવાયું છે.

લૉકડાઉનના કડક અમલ માટે શહેરોના કલસ્ટર કવોરન્ટાઇન અને બફર ઝોન વિસ્તારમાં પોલીસ દ્વારા અમુક જગ્યાએ હાઈ માસ્ક કેમેરાના માધ્યમથી એરિયલ વ્યૂથી સર્વેલન્સ કરવામાં આવી રહ્યું છે. આ ઉપરાંત શહેરના હાઈરાઈઝ પોઇન્ટ ઉપરથી પણ પોલીસ આવા તત્વો પર વોચ રાખી રહી છે. રાજ્યમાં આવશ્યક વસ્તુઓ હેઠળ આવતા ઉદ્યોગ કામદારોને સાવચેતીના ભાગરૂપે પોતાના જરૂરી પુરાવા રજૂ કરે તો તેમને જવા દેવાની સૂચના પોલીસને આપવામાં આવી છે.

આવશ્યક સેવાઓ હેઠળ આવતી વસ્તુઓની હેરાફેરી કરતા ટ્રકના ચાલકને પણ તેમના લાયસન્સ રજુ કરવાથી જવા દેવામાં આવશે .

ડ્રોન દ્વારા ૪૮૭ ગુના નોંધવામાં આવ્યા છે. જે હેઠળ આજ સુધીમાં કુલ ૩,૯૬૮ ગુનાઓ હેઠળ ૮,૯૫૮ લોકોની ધરપકડ કરવામાં આવી છે. CCTVના માધ્યમથી ૮૪ ગુનાઓ નોંધીને ૧૩૧ લોકોની અટકાયત કરી છે.

આમ અત્યાર સુધીમાં કુલ-૬૧૮ ગુનાઓમાં કુલ ૧,૧૭૪ લોકોની ધરપકડ કરવામાં આવી છે. આ ઉપરાંત સોશિયલ મીડિયામાં અફવાઓ બદલ ૨૮ ગુના નોંધાયા છે. અત્યાર સુધીમાં કુલ-૧૯૪ ગુનાઓ હેઠળ ૩૬૮ લોકોની ધરપકડ કરાઈ છે.

રાજ્યમાં લૉકડાઉન દરમિયાન ગઇકાલે જાહેરનામા ભંગના ૩,૦૫૯ ગુનાઓ,કવૉરન્ટાઈન ભંગના ૮૨૯ તેમજ અન્ય ૩૯૨ એમ કુલ ૪,૨૮૦ ગુનાઓ હેઠળ કુલ ૬,૩૯૨ લોકોની ધરપકડ કરવામાં આવી છે. જ્યારે ૨,૭૪૨ વાહનો પણ જપ્ત કરવામાં આવ્યા છે.[:]