કચ્છ અને નવસારીમાં ઉમેદવારો જાહેર

કોંગ્રેસ પાર્ટીએ લોકસભા ચૂંટણી 2019 માટે ત્રણ ઉમેદવારોની જાહેરાત કરી છે, જેમાં બે ગુજરાતના અને એક ઉત્તર પ્રદેશના ઉમેદવારનો સમાવેશ થાય છે.

કોંગ્રેસે ગુજરાતની કચ્છ લોકસભા સીટ પર નરેશ મહેશ્વરીને ટિકિટ આપી છે. ઉલ્લેખનીય છે કે, ભાજપે કચ્છ લોકસભા સીટ પરથી વિનોદ ચાવડાને રિપીટ કર્યા છે. વિનોદ ચાવડા સૌથી નાની વયે સાંસદ બન્યા હતા. ટિકિટ મળ્યા બાદ વિનોદ ચાવડાએ કહ્યું હતું કે, સરકારની યોજનાઓનો લોકોને સીધો લાભ મળે છે, તેને લઇને તેઓ સૌથી વધુ સક્રિય રહ્યા છે.

જ્યારે નવસારી સીટ પરથી ધર્મેશ ભીમભાઇ પટેલને ટિકિટ આપવામાં આવી છે. ઉલ્લેખનીય છે કે, ભાજપે નવસારી સીટ પરથી સી.આર.પાટીલને ટિકિટ આપી છે.