કોંગ્રેસની આક્રોશ રેલીમાં પોલીસનો આકરો રોષ

સ્વર્ણિમ સંકુલ માં મીડિયા ઉપર આવી પ્રવેશ પાબંધી…….*

રાજ્યમાં ખેડૂતોના દેવામાફી બેકારી જેવા વિવિધ મુદ્દે સી.એમ. ને  રજુઆત કરવા જતી કોંગ્રેસને મીડિયાની  પ્રસિદ્ધિ ન મળે અને મુખ્યમંત્રી નું ખરાબ ન દેખાય તેમાટે આજે પત્રકારો ને મુખ્યમંત્રી ની કચેરી થી દુર રાખવાના આદેશ કરવામાં આવ્યા છે.

રાજ્યમાં ખેડૂતોના દેવામાફી , મગફળી કાંડ , ટેકાના ભાવ જેવા વિવિધ મુદ્દે મુખ્યમંત્રી  પાસે વિપક્ષ કોંગ્રેસ તમામ  ધારાસભ્યો સાથે આજે રજુઆત કરવા જવાના હોવાથી મીડિયા ને દૂર રાખવાના આદેશ અચાનક કરવામાં આવતા અનેક તર્ક વહેતા થયા છે. તો બીજી તરફ કોંગ્રેસના તમામ ધારાસભ્યો ના આગમન અને રજૂઆત સમયે સચિવાલય કેમ્પસમાં અઘટિત ઘટના ન બને તે માટે ચૂસ્ત પોલીસ બંદોબસ્ત ખડકી દેવામાં આવ્યો છે.

સૂત્રો દ્વારા મળતી માહિતી મુજબ આજે સાંજે 4 કલાકે કોંગ્રેસના તમામ ધારાસભ્યો મુખ્યમંત્રી ને વિવિધ મુદ્દે રજુઆત કરવા જવાના છે.ત્યારે મુખ્યમંત્રી ના અગ્ર સચિવ એમ.કે.દાસ દ્વારા સ્વર્ણિમ સંકુલ  કે જ્યાં  મુખ્યમંત્રી  નાયબ મુખ્યમંત્રી  અને કેબિનેટ પ્રધાનોની  ચેમ્બરો આવેલી છે  ત્યાં  દરરોજ  સચિવાલય નું કવરેજ કરતાં મીડિયા પ્રતિનિધિ ઓ પર પ્રવેશ પાબંધી લગાવી દેવામાં આવી છે.

મનાઈ રહ્યું છે કે મુખ્યમંત્રીના અગ્ર સચિવ એમ કે દાસ દ્વારા અચાનક આ પ્રકારનો આદેશ કેમ કરવામાં આવ્યો ? તે યક્ષ પ્રશ્ન છે.

તો બીજી તરફ સુત્રોનું માનીએ તો મુખ્યમંત્રી સમક્ષ રજૂઆત કરવા આવી રહેલ્ કોંગી ધારાસભ્યો સામે સી.એમ .નું ખરાબ દેખાય નહીં. અને રજુઆત સમયે મીડિયા ની હાજરીથી સરકાર અસમંજસમાં ન આવી જાય. તે હેતુથી આ નિર્ણય કરવામાં આવ્યો હોવાનું જાણવા મળ્યું છે.જોકે રજુઆત કરવા આવી રહેલ અરજદારો માટે કોઈ પાબંધી લગાડવામાં આવી નથી. પરંતુ  આજે મીડિયા પર જે રીતે પ્રવેશ પાબંધી ના આદેશ કરવામાં આવ્યા છે.ત્યારે આ આદેશ કરવા પાછળ ખરેખર શું કારણ છે.? તે યક્ષ પ્રશ્ન છે.

તો બીજી તરફ સચિવાલય કેમ્પસમાં નિરાંતની પળો માણી રહેલા કેટલાક અધિકારીઓ અને કર્મચારીઓ આ મુદ્દાને લઈને ચર્ચાના એરણે ચઢયા છે. જેમાં એવી ચર્ચાઓ વહેતી થઈ છે. કે ખેડૂતોના મુદ્દે ભરાઈ ગયેલી સરકાર હવે મીડિયાથી પણ દૂર ભાગી રહી છે. માટે જ વિપક્ષ કોંગ્રેસે કરેલી રજૂઆતો નું સત્ય સામે આવે નહીં તે માટે જ ભાજપ સરકારે આ પેતરો રચ્યું હોવાનું ચર્ચાઈ રહ્યું છે. પરંતુ આ પ્રકારના આદેશ પાછળ ખરેખર કોનું ભેજું કામ કરે છે પ?  તે પણ ચર્ચાનો વિષય છે .તો બીજી તરફ મુખ્યમંત્રીના અગ્ર સચિવ એમ.કે.દાસે કોના કહેવાથી આ નિર્ણય કર્યો છે. તે કહેવું ઉચિત નથી .પરંતુ પારદર્શક વહીવટ ની  બંડ  પોકારતી સરકારને મીડિયાની હાજરી કેમ ખૂંચે છે તે સમજાતું નથી.