ખેડૂતોને નહીં પણ બિલ્ડરોને ફાયદો કરાવતી કોમ્પ્યુટર મોનિટરીંગ સિસ્ટમ

ગુજરાતમાં કોમ્પ્યુટરાઇઝ્ડ મોનીટરીંગ સિસ્ટમ મે 2015માં  અમલમાં આવી જમીન વિવાદને લગતાં ૯,૮૯૬ કેસો પડતર હતા અને ત્યારબાદ આજ સુધી ૧૭,૦૨૩ નવી અપીલ અને રીવીઝનના કેસો દાખલ થયા હતા. એટલે કુલ ૨૬,૯૧૯ અપીલ અને રીવીઝન કેસો પડતર હતા. તે પૈકી ઓન લાઇન સિસ્ટમને કારણે ૨૫,૨૩૯ અપીલ રીવીઝનના કેસોનો નિકાલ કરાયો હતો. ૧,૬૮૦ કેસો નિકાલ કરવાના બાકી છે. જેમીન વિવાદમાં જોકે બિલ્ડરોને સૌથી વધું ફાયદો થયો છે. રાજકીય બિલ્ડરો ખેડૂતોની આવી વિવાદીત જમીનો ખરીદતાં રહ્યાં છે.

ખેતીની જમીન અંગે વિવાદો ઊભા થતાં હોય છે ત્યારે ખેડૂતો તે જમીન માથાભારે વ્યક્તિ કે રાજકારણી કે પોલીસ અધિકારીને વેંચી દેતાં હોય છે જે વિવાદી મહેસૂલી કેસના નિકાલ માટે ઓન લાઈન પ્રથા શરૂં કરવામાં આવી હતી. જેમાં તો મોટા ભાગે બિલ્ડરો અને રાજનેતાઓના છૂપા પાર્ટનરોની જમીનો હોય છે.

રાજ્યના નાગરિકોના જમીન-વિવાદને લગતા કેસોનું ઝડપથી નિકાલ માટે અને જમીન રેકોર્ડ ઝડપથી ઉપલબ્ધ બને તે માટે રાજ્ય સરકારે મહેસૂલી કેસોના મેનેજમેન્ટ માટે અમલી કોમ્પ્યુટરાઇઝ્ડ કેસ મોનીટરીંગ સીસ્ટમ (CCMS) પ્રોજેક્ટને CSI Nihilent e-governance Awaord:2018 તરીકે વર્ષ ૨૦૧૭-૧૮ માટે પસંદગી કરાઈ છે.

હૈદરાબાદ ખાતે  એવોર્ડ સ્વીકારવામાં આવ્યો હતો.

CCMS પ્રોજેકટ અમદાવાદ ખાતે મે-૨૦૧૫થી શરૂ કરાયો હતો. કોમ્પ્યુટર સોસાયટી ઓફ ઇન્ડિયા(CSI)ની સ્થાનિક ટીમ દ્વારા કચેરીની મુલાકાત લઈને તમામ પાસાઓની ચકાસણી કરી ને ભલામણ કરાઈ હતી. કેસનું મોનીટરિંગ તથા
એનાલિસિસ કરવું વધુ સરળ બન્યું છે. સાથે સાથે નાગરિકોને કેસનું સ્ટેટસ, કેસની વિગત, કેસની સુનાવણીની તારીખ તથા હુકમની માહિતી પણ સરળતાથી મળી રહે છે. નાગરિકોના સમયની બચત, નાણાકીય બોજ પણ ઘટયો છે સાથે કામો પણ ઝડપી બન્યા છે.

અરજદારોના કેસને CCMSમાં દાખલ કરીને કેસનો ઓન લાઈન નંબર જનરેટ કરવામાં આવે છે. ત્યારબાદ કેસને લગતી તમામ વિગતોની સિસ્ટમમાં એન્ટ્રી કરીને કેસનું બોર્ડ જનરેટ થાય છે. જે મુજબ નોટિસ કાઢી તમામ પક્ષકારને બજવણી કરાય છે અને પક્ષકારોને મેસેજ દ્વારા જાણ થાય છે. કેસના સુનાવણી સમયે સ્ટેજ બદલવા, આખરી હુકમ થતાં કેસનો ઓનલાઇન નિકાલ કરીને revenueappeals.gujarat.gov.in પર અપલોડ કરવામાં આવે છે જેથી નાગરિકો સરળતાથી જાણી શકે છે.

નિકાલ થયેલા કેસોની ઇ-ધરા ખાતેથી ઓનલાઈન ફેરફાર નોંધ દાખલ કરી નોંધ નંબર જનરેટ કરી શકાય છે બાઇસેગ દ્વારા પણ Know Your Revenue Case નામની એપ્લિકેશન દ્વારા તથા વેબસાઈટ પરથી કેસની માહિતી/જાણકારી નાગરિકો માટે ઉપલબ્ધ બનાવાઇ છે.

CCMS પ્રોજેક્ટના અમલીકરણના પરિણામે જમીનની સમસ્યા સામે પારદર્શિતા વધી છે ઈન્ટરનેટના ઉપયોગને લીધે નાગરિકોને ઓછા સમયમાં ઓનલાઈન એકસેસ દ્વારા તમામ પક્ષકાર અને હુકમો કે ચુકાદાઓ પૂરા પાડવામાં આવી રહ્યા છે. રેકોર્ડના ડિજિટલાઈઝેશનના પરિણામે નાગરિકોને ખૂબ જ ઓછા સમયમાં તેમને જોઈતો રેકોર્ડ સરળતાથી ઉપલબ્ધ થઇ શકે છે.

(જમીનોના વિવાદ અંગે એવોર્ડ મળ્યો ત્યારે ખૂશી વ્યક્ત કરવા મહેસુલ વિભાગના અધિકારીઓ સરકાર સમક્ષ ગયા ત્યારની તસવીર)