ટ્રાફિક પોલીસ સાથે કોંગ્રેસ, 1500ને પ્રતિજ્ઞાા લેવડાવી

12 ઓગસ્ટ, રવિવારના રોજ શહેરમાં પંડિત દીનદયાળ ઓડિટોરિયમ ખાતે AEG દ્વારા શહેરની વિવિધ શૈક્ષણિક સંસ્થાઓના 1500થી વધુ વાલી, વિદ્યાર્થીઓની હાજરીમાં 350થી વધુ તેજસ્વી વિધાર્થીઓને સન્માનવાનો કાર્યક્રમ યોજાઈ ગયો એ કાર્યક્રમની થીમ “પાર્કિંગ સમસ્યા અને સમાધાન” પર વૈવિધ્યપૂર્ણ પરફોર્મન્સ યોજાયા હતાં.
આ કાર્યક્રમના મુખ્ય મહેમાન ગુજરાત કોંગ્રેસ પ્રમુખ અમિત ચાવડાએ 1500 વિદ્યાર્થીઓને ટ્રાફિક અને પાર્કિંગ સેન્સ માટે પ્રતિજ્ઞા લેવડાવી હતી અને જણાવ્યું હતું કે આજે જ્યારે શિક્ષણ સમાજના ચાર પાયાના સ્થંભ બાળક, પાલક, શિક્ષક અને સંચાલક ને ભેગા કરવાના આ મહાયજ્ઞ માટે અમદાવાદ એજ્યુકેશન ગ્રૂપને બિરદાવુ છું, ટ્રાફિકના નિયમો પાલન કરવા અને વ્યવસ્થિત પાર્કિંગ કરવું એ આપણા બધાંની સહિયારી જવાબદારી છે. લાયસન્સ વિના બાળકને વાહન ચલાવવા ન આપવું જોઈએ અને ટુ વહીલર પર આપણી સેફટી માટે હેલ્મેટ પહેરવી જોઈએ, હક અને ફરજ બંને સિક્કાની બે બાજુ છે માટે કાયદો હંમેશા નાગરિકોની સલામતી માટેજ હોય છે અનેં દરેક એને સન્માન આપવું જરૂરી છે.
અમદાવાદ એજ્યુકેશન ગ્રુપના પ્રેસિડેન્ટ સુહાગ પંચાલે જણાવ્યું હતું કે AEG સાથે 1 લાખ થી વધુ વિધાર્થીઓ પ્રત્યક્ષ કે પરોક્ષ રીતે સંકળાયેલા છે અમે અમારી સંસ્થા સમાજ પ્રત્યેની જવાબદારી નિભાવવામાં હંમેશા અગ્રેસર રહેશે
પ્રશ્નોતરી દરમિયાન વિધાર્થીઓ એ તજજ્ઞો ને ઘણા મહત્વના પ્રશ્ન પૂછ્યા હતા કે જેમાં સૌથી અઘરો પ્રશ્ન પૂછ્યો હતો કે પોલીસ સ્ટેશન બહાર જો સ્ટેશનમાં આવનાર મુલાકાતીએ ખોટી રીતે પાર્કિંગ કર્યું હોય તો નિયમ મુજબ પોલીસ અધિકારી સામે પગલાં લેવાય કે નહીં? જવાબ માં બાળકોને કહેવામાં આવ્યું હતું કે દેશમાં કાયદો દરેક ને માટે સરખોજ છે અને દરેક કાયદાને સન્માન આપવજ રહ્યું
આ કાર્યક્રમમાં ગુજરાત ફેડરેશન ના પદાધિકારીઓ અને AEG ચેરપર્સન વિજય મારુ, સેક્રેટરી રાકેશ પરમાર, પોગ્રામ કન્વીનર સંદીપ ત્રિવેદી, સલાહકાર સમીર ગજ્જર, ઝંકૃત આચાર્ય અને મીડિયા એડવાઇઝર હેમાંગ રાવલ તથા જાણીતા પત્રકાર દેવાંગ ભટ્ટે પોતાની હાજરી આપીને વિદ્યાર્થીઓને બિરદાવ્યા હતા.