તબિબનું અપહણ કરી વિડિયો ઉતારી વાયરલ કર્યો

અમદાવાદની નવકાર હોસ્પિટલના ડોક્ટર કલ્પેશ નકુમનું પાંચ શખ્સોએ કારમાં અપહરણ કર્યું હોવાની ઘટના બની હતી. એક મહિલા દર્દીનું સારવાર દરમિયાન મોત નીપજતાં તબીબ કલ્પેશ નુકમે તેમને વધુ પડતો એનેસ્થેસિયા આપ્યાની બેદરકારીથી જ મોત થયું હોવાના આક્ષેપ સાથે પાંચથી સાત શખ્સો આ ડોક્ટરનું કારમાં અપહરણ કરી વટવા-નારોલ તરફ લઈ ગયા હતા.

શાહપુરમાં રહેતા રૂખસાનાબાનુ પઠાણ નામની મહિલા સારવાર માટે આવી હતી. જ્યાં તેમને વધારે બ્લિડીંગ થતાં વધુ સારવાર માટે એસવીપી હોસ્પિટલમાં ખસેડવામાં આવ્યા હતા. જ્યાં તેમનું મોત થયું હતું.

છરીની અણીએ જાનથી મારી નાંખવાની ધમકી આપી તબીબ પાસે પોતાની જ બેદરકારીથી મહિલા દર્દીનું મોત થયું હોવાની કબૂલાત કરાવતા ત્રણ વીડિયો બનાવ્યા હતા. જો વાયરલ કરાયો હતો. પોલીસે ગણતરીના કલાકોમાં જ લોકેશન ટ્રેસ કરી સીસીટીવી ફુજેટના આધારે અપહ્યુત તબીબને મુકત કરાવ્યા હતા અને સમગ્ર મામલે સઘન તપાસ આરંભી હતી.

ટૂંક સમયમાં જ આ ગુનામાં સંડોવાયેલા આરોપીઓ પકડાઇ જશે. બીજીબાજુ, આ બનાવને પગલે શહેરના તબીબીઆલમમાં પણ ભારે ચકચાર મચી ગઇ હતી. તબીબીઆલમે આ સમગ્ર ઘટનાને ગંભીર ગણાવી તેને વખોડી કાઢી હતી.