રાજકોટમાં દરેક એક વ્યક્તિએ વાહન

રાજકોટમાં માણસ દીઠ એક વાહન થઈ ગયું છે. 25 લાખની વસતી સામે અહીં 23 લાખ વાહનો થઈ ગયા છે. રાજકોટ આરટીઓમાં 20.25 લાખ વાહનો નોંધાયા છે. રાજકોટમાં સૌરાષ્ટ્રભરના લોકો કાયમી વસવાટ કરવા આવે છે ત્યારે પોતાના ગામનું વાહન પણ લાવે છે. જે રાજકોટની વાહન વ્યવહારની કચેરીમાં નોંધાયેલું હોતું નથી. તેથી આવા 3થી 4 લાખ વાહનો રાજકોટની સડકો પર ચાલે છે. આમ ગુજરાતનો પ્રથમ એવું શહેર બની ગયું છે કે જ્યાં માણસ દીઠ એક વાહન છે.

2014-15માં 1.37 લાખ, 2015-16માં 1.24 લાખ, 2017-18માં 99 હજાર વાહનો નોંધાયા હતા. રોજના નવા 250 વાહનો રોજકોટમાં નોંધાય છે. વર્ષે સરેરાશ 90,000 વાહનો નવા કે જુના આવે છે. ગાંધીનગરની વાહન વ્યવહાર કમિશનરની કચેરીએ તૈયાર કરેલા અહેવાલમાં આ વિગતો બહાર આવી છે. આમ મુખ્ય પ્રધાન વિજય રૂપાણીના શહેરમાં સૌથી વધું વાહનો માથા દીઠ છે. આ વિક્રમ પહેલાં સુરત પાસે હતો હવે તેનો તાજ રાજકોટને શીરે ગયો છે. એક એવું અનુમાન છે કે, 10 વર્ષમાં 12 લાખ નવા અને જુના વાહનરાજકોટમાં આવી ગયા હશે ત્યારે શહેરના રસ્તા પર વાહન લઈને નિકળવું મુશ્કેલ બની જશે.

15 વર્ષથી વધું જુના વાહનો રાજકોટમાં સૌથી વધું છે. જે રાજકોટ વાહન વ્યવહાર કચેરીમાં નોંધાયેલા હોય એવા 3.5 લાખ અને બીજા જિલ્લાઓમાં નોંધાયેલા પણ રાજકોટમાં ચલાવવામાં આવતાં હોય એવા બીજા એટલી જ વાહનો હોવાનું માનવામાં આવે છે. તેનાથી પ્રદૂષણ વધે છે.

જિલ્લા-શહેરમાં કુલ વાહનો

બાઈક- 1238579

મોપેડ- 309961

કાર- 219289

કોમર્શિયલ વાહનો —-

ટ્રેકટર – 81627

ટ્રક- 30812

ટેન્કર- 1862

ડિલિવરી વાન- 43,523

ઓટોરીક્ષા- 30,456

પ્રાઈવેટ બસ- 4218

મેક્સી કેબ- 2575

ટેકસી કેબ- 5091

સ્કૂલ બસ- 854

પ્રાઈવેટ સર્વિસ વ્હીકલ- 469

એમ્બ્યુલન્સ- 572

જીપ- 4993

અન્ય વાહનો- 50,464

કુલ- 2025345