ગુજરાતી
English
રાજ્યના ગૃહ વિભાગે ૧૧ જિલ્લાઓમાં પોલીસ ઇન્સ્પેક્ટર કક્ષાના ૧૬ નવા પોલીસ મથક, ૦૮ જિલ્લાના ૦૮ પોલીસ સબ ઇન્સ્પેક્ટર કક્ષાના પોલીસ મથકને પોલીસ ઇન્સ્પેક્ટર કક્ષામાં અપગ્રેડ કરવા તેમજ ૦૭ જિલ્લામાં ૦૭ નવી આઉટ પોસ્ટ, પોલીસ ચોકી રાજય સરકાર દ્વારા મંજૂર કરવામાં આવી છે. બીજા તબક્કામાં વધુ ૧૦ જિલ્લાના ૧૦ પોલીસ સબ ઇન્સ્પેક્ટર કક્ષાના પોલીસ મથકને પોલીસ ઇન્સ્પેક્ટર કક્ષામાં અપગ્રેડ કરાશે.
રાજ્યમાં ૧૯૬૦ના યાર્ડસ્ટીક અમલમાં આવ્યા બાદ આ મુજબ પોલીસનું મહેકમ હાલમાં હોવું જોઇએ. વર્ષ-૧૯૬૦ બાદ રાજયની વસ્તીમાં પણ નોંધપાત્ર વધારો થયો છે. અમદાવાદ ગ્રામ્યના નળ સરોવર અને કેરાળા જી.આઇ.ડી.સી., કચ્છ પશ્વિમ,ભૂજના મુન્દ્રા તાલુકાના પ્રાગપર, માધાપર અને માંડવી કોડાયા, છોટા ઉદ્દેપુરના ઝોઝ (બારીયા તરફ આવેલા), જુનાગઢના સાસણ ગીર, દાહોદના બી. ડી.વીઝન, પાટણના સરસ્વતી, ભાવનગરના મહુવા ગ્રામ્ય, મહિસાગરના બાલાસિનોર તાલુકા પોલીસ મથક અને લુણાવાડ પોલીસ મથક, સુરત ગ્રામ્યમાં બારડોલી રૂરલ પોલીસ મથક, સુરત શહેરમાં અડાજણ ખાતે નવું પાલ પોલીસ મથક અને ચોક બજાર નવું સીંગણપુર ડભોલી પોલીસ મથક તેમજ સુરેન્દ્રનગર જિલ્લામાં સાયલાના ધજાળા ગામે એમ કુલ-૧૧ જિલ્લાના ૧૬ નવા પોલીસ ઇન્સ્પેક્ટર કક્ષાના પોલીસ મથકને મંજૂરી આપવામાં આવી છે.
આ ઉપરાંત અમદાવાદ ગ્રામ્યના બાવળા ટાઉન, અમરેલીના બાબરા, આણંદના ખંભાત રૂરલ, કચ્છ પશ્વિમ,ભૂજના નખત્રાણા, ખેડા-નડિયાદના મહેમદાવાદ, ગાંધીનગરના માણસા, વડોદરા રૂરલના વાઘોડીયા પોલીસ મથક તેમજ સુરત ગ્રામ્યના કોસંબા પોલીસ મથક એમ કુલ હાલના ૦૮ જિલ્લામાં ૦૮ પોલીસ સબ ઇન્સ્પેક્ટર કક્ષાના પોલીસ મથકને પોલીસ ઇન્સ્પેક્ટર કક્ષાના પોલીસ મથકમાં અપગ્રેડ કરાશે તેમ રાજય ગૃહ મંત્રીશ્રીએ કહ્યું હતું.
અમદાવાદ ગ્રામ્યમાં હાસલપુર, આણંદમાં કરમસદ, ગીર સોમનાથમાં પ્રાચી, તાપી-વ્યારામાં ખરેડી, બોટાદમાં સારંગપુર, રાજકોટ ગ્રામ્યમાં ખોડલધામ અને સાબરકાંઠા જિલ્લામાં સિવિલ હોસ્પીટલ ચોકી આમ કુલ ૦૭ જિલ્લાઓમાં ૦૭ નવી આઉટ પોસ્ટ, ચોકી મંજૂર કરવામાં આવી છે.
