૨૦૫૦ સુધીમાં વિશ્વની ૭૦% વસતી શહેરી વિસ્તારોમાં હશે

ગુજરાત ઇન્સ્ટિટ્યૂટ ઓફ ડિઝાસ્ટર મેનેજમેન્ટ (જીઆઈડીએમ) દ્વારા
BIMSTEC દેશોના પ્રતિનિધિઓ માટે ચાર દિવસીય તાલીમ કાર્યક્રમનો પ્રારંભ

ગુજરાત ઇન્સ્ટિટ્યૂટ ઓફ ડિઝાસ્ટર મેનેજમેન્ટ (જીઆઈડીએમ) દ્વારા તારીખ ૧૭ થી ૨૦ ડિસેમ્બર, ૨૦૧૯- એમ ચાર દિવસ માટે ”બે ઓફ બંગાળ ઇનિશિયેટીવ ફોર મલ્ટી-સેક્ટોરલ ટેક્નિકલ એન્ડ ઇકોનોમિક કો-ઓપેરશન (BIMSTEC)ના સભ્યો માટે ક્ષમતા વિકાસ અંગે તાલીમ કાર્યક્રમનું આયોજન કરવામાં આવ્યું છે. આ કાર્યક્રમ અંતર્ગત આ સભ્યોને ‘રિસ્ક ઇન્ફોર્મ્ડ અર્બન પ્લાનિંગ’ અંગેની સમજણ આપવામાં આવશે.
નેપાળ ખાતે ગત ઓગસ્ટ,૨૦૧૮માં આયોજિત ચોથી ”BIMSTEC સમિટ” અન્વયે ક્ષેત્રમાં ડિઝાસ્ટર રિસ્ક ઇન્ફોર્મ્ડ ડેવલોપમેન્ટ અને આ વિસ્તારમાં શાંતિ જળવાઈ રહે તે હેતુસર આ પહેલ કરી હતી.
‘બે ઓફ બંગાળ ઇનિશિયેટીવ ફોર મલ્ટી-સેક્ટોરલ ટેક્નિકલ એન્ડ ઇકોનોમિક કો-ઓપેરશન (BIMSTEC)’ અંતર્ગતના આ ક્ષેત્રીય સંગઠનમાં સાત દેશો- બાંગ્લાદેશ, ભૂટાન, ભારત, મ્યાનમાર, નેપાળ, શ્રીલંકા અને થાઈલૅન્ડનો સમાવેશ થાય છે. આ ઉપરાંત બંગાળના અખાતની આસપાસમાં આવેલો વિસ્તાર તથા ૧.૬૭ બિલિયન લોકો સંકળાયેલા છે, જેમની કુલ ઘરેલુ ઉત્પાદન ૩.૭૧ ટ્રિલિયન અમેરિકન ડૉલર્સ છે.
એક અંદાજ અનુસાર મુજબ વર્ષ ૨૦૫૦ સુધીમાં વિશ્વની ૭૦% વસતી શહેરી વિસ્તારોમાં રહેતી હશે. આ શહેરી વિસ્તારોના વિકાસને લીધે અહીં આગામી દિવસોમાં કુદરતી સહિતની સંખ્યાબંધ આપત્તિઓ આવી શકે છે અને તેનો સુચારુ ઢબે વ્યવસ્થાપન કરવું તે સમયની માંગ છે. આ ચાર દિવસના વર્કશોપ દરમિયાન ”યુનાઇટેડ નેશન્સ ઓફિસ ફોર ડિઝાસ્ટર રિસ્ક રિડક્શન (યુએનડીઆરઆર)” દ્વારા નિર્ધારિત શહેરીકરણની પ્રક્રિયા, રિસ્ક પ્રોફાઈલ અને તે અંગેની જાણકારી આ ક્ષેત્રના સભ્યોને આપવામાં આવશે. આ કાર્યશાળામાં વિવિધ દેશના સભ્યો તેમના અનુભવોનું પણ આદાનપ્રદાન કરશે.

આગામી દિવસોમાં સ્થાયી વિકાસ માટેનું ક્ષમતાની જાળવણી ઉપર જ શહેરો જીતશે કે હારશે તેવું સ્પષ્ટ કર્યું હતું. આ કાર્યશાળામાં ભારત સરકારના વિદેશ મંત્રાલયના પ્રતિનિધિ દ્વારા BIMSTEC દ્વારા કરવામાં આવતી પ્રવૃતિઓથી સૌને માહિતગાર કર્યા હતા.