પક્ષપલટુ અલ્પેશ ઠાકોરને વડી અદાલતની અર્જન્ટ નોટિસ

મહેસાણા : અલ્પેશ ઠાકોરની મુશ્કેલીમાં વધારો. અલ્પેશ ઠાકોર ને ધારાસભ્ય પદેથી ગેરલાયક ઠેરવવાની માગણી સાથે કોંગ્રેસે કરેલી અરજી હાઈકોર્ટે પ્રાથમિક રીતે સ્વીકારતા અરજી કરી દાખલ… હાઈકોર્ટે વિધાનસભા સ્પીકર અને અલ્પેશ ઠાકોર ને ઇસ્યુ કરી કરી અર્જન્ટ નોટિસ… 27 જૂનના રોજ હાથ ધરાશે અંતિમ સુનાવણી ઠાકોર સેનાના કાર્યકર્તાઓ અને હોદ્દેદારોની એક બેઠક મળી હતી. મહેસાણા ઠાકોર સેનાના પ્રમુખ રામજી ઠાકોર સહીત તેમના ટેકેદારોએ રાજીનામાંઓ આપીને રાષ્ટ્રીય ઠાકોર સેના નામનું નવું એક સંગઠન ઉભું કર્યું છે. પ્રમુખ પદ પર રામજી ઠાકોરને નિયુક્ત કરાયા છે. ઠાકોર સેનાના આ નવા સંગઠન દ્વારા ઠાકોર સમાજની કેટલીક માંગણીઓની રજૂઆત સરકાર સમક્ષ કરવામાં આવશે. અલ્પેશ ઠાકોરના કોંગ્રેસ સાથે છેડો ફાડ્યા પછી અને ભાજપ સાથે શોદાબાજી કર્યા પછી ઠાકોરસેનામાં પણ કેટલીક જગ્યા પર વિવાદ થયો છે અને ઘણી જગ્યા પરથી ઠાકોર સેનાના કાર્યકર્તાઓ રાજીનામાંઓ આપી રહ્યા છે. અલ્પેશની સેના વિખેરાઈ રહી છે.ભરોસો તોડ્યોઠાકોર સેનાના પ્રમુખ જીબાજી ઠાકોરે અગાઉ જાહેર કર્યું હતું કે, અલ્પેશ ઠાકોરને ભાજપમાં જોડાવું હોય, ઠાકોર સેના ભેગી કરીને તેમનો વિશ્વાસ લેવા પડશે. જે અભિપ્રાય હોય તે તેમણે લેવો પડે. જો તેઓ પૂછ્યા વગર નિર્ણય કરે તો તેમાં સંગઠન ક્યાંક ને ક્યાંક નારાજ થઈ શકે છે. આમ, સૂત્રો કહે છે કે,  અલ્પેશ ઠાકોર રાજકીય શોદાબાજી માટે જાણીતા છે. તેઓએ લોકસભાની ચૂંટણીમાં પણ શોદાબાજી કરીને કામ કર્યું હતું. તેથી હવે તેમના પર ઠાકોર સેનાને પણ ભરોશો નથી. લોકસભા ચૂંટણીના પરિણામ પછી ઠાકોરસેનાના અધ્યક્ષ અને ધારાસભ્ય અલ્પેશ ઠાકોર અને બાયડના કોંગ્રેસના ધારાસભ્ય ધવલસિંહ ઝાલા નાયબ મુખ્ય પ્રધાન નીતિન પટેલને મળીને દોઢ કલાક સુધી રાજકીય શોદાબાજી કરી હતી. કોંગ્રેસના સભ્ય પદેથી રાજીનામુ આપ્યા પછી કોંગ્રેસ પ્રદેશ કમિટી દ્વારા અલ્પેશ ઠાકોરનું ધારાસભ્ય પદ રદ્દ કરવાની રજૂઆત કરવામાં આવી છે. તેમાં તેમને ગમે ત્યારે હાંકી કાઢવામાં આવે તેમ છે. તેથી તે હવે ભાજપ સાથે રાજકીય શોદાબાજી પર ફરી એક વખત ઉતરી આવ્યા છે. પ્રદેશ અધ્યક્ષ અમિત ચાવડા સહિત કોંગ્રેસના 10 ધારાસભ્યોનું ડેલિગેશન વિધાનસભા અધ્યક્ષને મળ્યું હતુ. અને કોંગ્રેસના મેન્ડેટ પર ચૂંટાઇ આવેલા અલ્પેશનું ધારાસભ્ય પદ રદ્દ કરવા માંગ કરી હતી.અમિત શાહને જીતાડવા શોદોઅમદાવાદ જિલ્લા કોંગ્રેસની મળેલી બેઠકમાં અલ્પેશ ઠાકોર અને તેમના પિતા ખોડાજી ઠાકોર કે જે અમદાવાદ જિલ્લાના પ્રમુખ હતા, તેમણે સાથે મળીને ગાંધીનગર લોકસભા બેઠકના ગ્રામ્ય વિસ્તારમાં ભાજપના રાષ્ટ્રીય પ્રમુખ અમિત શાહને જીતાડવા માટે ષડયંત્ર કર્યું હોવાનો આરોપ મૂકવામાં આવ્યો હતો. ભાજપના નેતા 7 લાખની લીડથી જીતવા માંગતા હોવાથી અલ્પેશ ઠાકોર સાથે ઉત્તર ગુજરાતમાં કોંગ્રેસને ખતમ કરવા માટે શોદો કર્યો હોવાનો આરોપ મૂક્યા બાદ પિતા અને પુત્ર ભાજપના નેતાઓને મળ્યા હોવાની તસવીરો જાહેર કરી છે. સેલ્ફી ખેંચી હતી અને આડકરતી રીતે કોંગ્રેસ પ્રમુખ અમિત ચાવડા, પ્રતિપક્ષના નેતા પરેશ ધાનાણી અને રાષ્ટ્રીય કોંગ્રેસના પ્રમુખ રાહુલ ગાંધીને ચીમકી આપી હતી કે તેઓ ભાજપની સાથે છે.ભાજપને જીતાડવા ષડયંત્ર ઉત્તર ગુજરાતમાં લોકસભાની 4 બેઠક અને ગાંધીનગરની એક એમ 5 બેઠક પર અલ્પેશ ઠાકોરે કોંગ્રેસ વિરોધી ચૂંટણી પ્રચાર કરીને ભાજપના ઉમેદવારને વિજયી બનાવવા ષડયંત્ર રચ્યું હતું. આ તમામ સ્થળેથી અલ્પેશ ઠાકોરે કોંગ્રેસના કાર્યકરોને બોલાવી લઈને પોતાના બે અપક્ષ ઉમેદવારને ચૂંટણી જીતવા માટે કાવતરું રચીને કોંગ્રેસને હરાવવા માટે ભાજપ સાથે મળી ગયો હતો. તેમણે 70-90 કરોડમાં આ શોદા પેટે લીધા હોવાનો તેમના પર જાહેરમાં ઠાકોર સેનાના કેટલાંક કાર્યકરોએ મૂક્યો હતો.ધારાસભ્યપદ છોડવું પડશે કોંગ્રેસના નેતાઓએ અલ્પેશ ઠાકોરનું ધારાસભ્ય પદ રદ કરવા વિધાનસભાના સચિવ અને અધ્યક્ષને ભલામણ કરી છે છતાં હજી સુધી કોઇ કાર્યવાહી કરવામાં આવી નથી. રાધનપુરના પૂર્વ ધારાસભ્ય ભાવસિંહ રાઠોડ કહે છે, અલ્પેશ તો ભાજપમાં જ છે. અલ્પેશ ઠાકોર રાજીનામું આપીને 6 મહિનામાં ફરીથી ચૂંટણી લડશે. પોતાની રાધનપુર સીટ પરથી ભાજપમાંથી તેઓ ચૂંટણી લડશે. આ વાત લોકોને પસંદ પડી નથી.કોંગ્રેસના નેતા ખોડાજી ઠાકોરના પુત્રમુખ્યમમંત્રી વિજય રૂપાણીને મળવા તેમના સરકારી બંગલે પહોંચ્યા હતા. ત્યારે તેઓ ભાજપમાં જવાના છે એવી અફવા તેમણે ફેલાવી હતી. પણ ખરેખર તો તે ધવલસિંહ ઠાકોરને એક ગુનામાં બચાવવા માટે મુખ્ય પ્રધાનને મળવા ધવલસિંહ સાથે ગયા હતા. અલ્પેશ ઠાકોરે સીએમ રૂપાણી સાથેની મુલાકાત સ્પષ્ટ કરતા કહ્યું હતું કે, ઠોકર સમાજના યુવક સામે થઈ રહેલા પોલીસ કેસ સંદર્ભમાં મળવા ગયા હતા. ખરેખર ધવલસિંહને માછીમારી તળાવના કેસમાં છોડાવવા માટે ગયા હતા.અમિત શાહ રમાડે છે2017માં કોંગ્રેસને સત્તા નહીં મળતા અલ્પેશ ઠાકોર ઉદ્યોગપતિ મારફતે અમિત શાહને પણ મળ્યા હતા. પણ શાહે તેમને કોઈ ભાવ આપ્યો ન હતો. આમ પહેલેથી જે અનુમાન હતું કે અલ્પેશ ભાજપના ઈશારે કામ કરે છે અને શંકરસિંહના રસ્તે જે જશે. એવું જ થયું છે. જેવું શંકરસિંહે કર્યું એવું અલ્પેશ કરી રહ્યો છે. કોંગ્રેસના બ્લેકમેલ કરી છે.હીરોથી ઝીરો આમ હવે અલ્પેશ ઠાકોરની રાજકીય કારકીર્દી ખતમ થઈ ગઈ છે. હાર્દિક અને જીજ્ઞેશ દેશના નેતા બન્યા, અલ્પેશ ઠાકોર હીરોથી ઝીરો બન્યા છે. કારણ કે, લોકસભા ચૂંટણીના ખરા સમયે અલ્પેશ ઠાકોરે કોંગ્રેસ સાથે છેડો ફાડીને દગો કર્યો હતો. ઠાકોર સેનાના નામે બનાસકાંઠા અને ઊંઝા વિધાનસભાની પેટા ચૂંટણીમાં પોતાના ઉમેદવારો ઊભા કરી ભાજપને જીતાડવાની સોપારી લીધી છે. ઠાકોર સમાજના આગેવાનો જાહેરમાં કહી રહ્યા છે કે, અલ્પેશે સમાજના ખભે બંધૂક મૂકી રાજકીય રોટલા શેક્યા છે, સમાજ સાથે ગદ્દારી કરી છે.મિલકતો વધી એક સમયે તે અમદાવાદના રાણીપમાં સાદા મકાનમાં રહેતો હતો, આજે એ જ જગ્યાએ મકાન તોડીને આલીશાન બંગલો તૈયાર કરાવ્યો છે. પહેલાં તે સાદી કારમાં ફરતો હતો, આજે મોંઘીદાટ કારમાં ફરતો થયો છે, તેની પાસે એક નહીં પરંતુ સ્કોડા, ટોયોટા ઈનોવા સહિતની 4 કાર થઈ ગઈ છે. છેલ્લા એક દોઢ વર્ષમાં જ આ ગાડીઓ આવી છે.પોતે સમૃદ્ધ થયો છે પણ, જેના માટે લડાઈ લડી એ ઠાકોર સમાજના યુવાનોને હજુ સુધી નોકરી મળી નથી. શિક્ષણનો હક્ક અપાવવાની વાત કરી હતી એ આજે ય રઝળપાટ કરી રહ્યા છે. અલ્પેશ ઠાકોરની અસ્થિરતાનો ભોગ આજે ઠાકોર સમાજ બન્યો છે. સમાજને માત્રને માત્ર ગુમરાહ કર્યો છે. જે કોંગ્રેસે ધારાસભ્ય બનાવ્યો તેના જ ઉમેદવારને હરાવવા માટે ધમપછાડા કરી રહ્યો છે. અલ્પેશે અન્ય મિલકતો પણ વસાવી હોવાનો સૂત્રોનો દાવો છે.વચન ફોક કર્યા 2017ની વિધાનસભાની ચૂંટણી રાધનપુરથી લડ્યો એ પહેલાં રાધનપુરમાં એક ડોક્ટરને ટિકિટ આપવાનું વચન આપ્યું હતું. તેથી તબીબે સરકારી નોકરીમાંથી રાજીનામું આપ્યું હતું. અલ્પેશે પોતે જ ચૂંટણી લડતાં ડોક્ટરને વિશ્વાસઘાત થયો હોવાનો અહેસાસ થયો હતો. રોષે ભરાયેલા આ ડોક્ટરે એક તબક્કે અપક્ષ તરીકે પણ ઉમેદવારી કરી નાંખી હતી.અલ્પેશ ભાજપમાં જોડાય તો કોંગ્રેસની માફક ભાજપને નુકસાન કરશે. તેથી તે હવે અપક્ષ કે નાના પક્ષ સાથે જોડાઈ રહેશે. તેના પિતા ખોડાજી ઠાકોરની જેમ તેમણે પણ રાજકીય આત્મહત્યા કરી છે.પરપ્રાંતિઓ પર હુમલાપરપ્રાંતીયો ઉપર હિંસાની ઉપરાછાપરી ઘટનાઓ બનતા ગુજરાતમાં થોડોક સમય માટે 15 લાખ કામદારોની રોજીરોટીને સીધી અસર થઈ હતી. ગુજરાતના ઉદ્યોગો ઠપ્પ થઈ ગયા હતા. 50 લાખ પરપ્રાંતિય કામદારો ગુજરાતમાં છે. તેથી કોંગ્રેસ હાઈકમાન્ડે તેનાથી અંતર રાખવાનું શરૂ કર્યું હતું. અલ્પેશ જો ભાજપમાં જોડાય તો ભાજપને પણ ફાયદા કરતાં વધુ નુકસાન પહોંચાડે તેવી પૂરેપૂરી શક્યતા છે.પોતે લાભ લીધો ઠાકોર નેતાને ઠેંગો લોકસભાની ચૂંટણીલક્ષી 7 સમિતિમાં પોતે હોદ્દા લીધા હતા. પણ ઠાકોર સમાજના એક પણ કાર્યકર્તા કે નેતાને સ્થાન આપવાના બદલે પોતે મહત્વના પદો પર ચઢી બેઠો હતો. થોડાક સમય પહેલાં અલ્પેશના પરિવારમાં લગ્ન હતા. આ લગ્ન સમારોહમાં ભપકો-ઝગમગાટ એવાં હતા કે કોઈ ઉદ્યોગપતિને પણ ટક્કર મારે એવા લગ્ન હતા. ઓછામાં ઓછો રૂ.2 કરોડ ખર્ચ સમારોહ પાછળ થયો હતો.90 કરોડ લીધાદિયોદર તાલુકા પંચાયતના ઉપપ્રમુખ બળવંત ઠાકોરે  અલ્પેશ ઠાકોર પર ગંભીર આક્ષેપ કરતાં જાહેર કર્યું છે કે કોંગ્રેસની 4 લોકસભા બેઠક હરાવવા માટે ભાજપે અલ્પેશ ઠાકોરને ઠેકો આપ્યો છે. અલ્પેશ ઠાકોરે ભાજપ પાસેથી રૂ.90 કરોડ લીધા છે.4 કરોડની ફીનો હિસાબ નહીં રાધનપુરના ધારાસભ્ય અલ્પેશ ઠાકોરે ઠાકોર સેનાના નામે સભ્યો બનાવવાના નામે 4 લાખ લોકો પાસેથી રૂ.100 ઉઘરાવી લઈને કૌભાંડ કર્યું હોવાનો આરોપ ઠાકોર સેનાના કાર્યકરોએ મૂક્યો છે. રૂ.4 કરોડ સભ્ય ફીના થાય છે તેનો હિસાબ અલ્પેશ આપતો નથી. ઉપરાંચ ઠાકોર મોલ બનાવવા માટે રૂ.1100 વ્યક્તિ દીઠ ઉઘરાવીને ઠાકોર સમાજના કરોડો રૂપિયાનો ભ્રષ્ટાચાર કર્યો હોવાનો આરોપ મૂકવામાં આવ્યો છે.આવું કરોડો રૂપિયાનું કૌભાંડ બહાર આવતાં ચાણસ્મા તાલુકાના ક્ષત્રિય ઠાકોર સેનાના કાર્યકરોમાં અલ્પેશ ઠાકોર સામે રોષ ઊભો થયો છે. સમાજ માટે કામ કરવાના વચનો આપ્યા પણ એક પણ કામ કર્યા નથી.ઠાકોર સમાજના લોકોને રોજગારી આપવાની હતી. પણ કોઈ સ્થળે રોજગારી મળી નથી. વિધવા મહિલાઓ જે દારૂના વ્યવસાય સાથે જોડાયેલી હતી, તેમને ભેંસો આપીને રોજગારી આપીને સમાજને સ્વચ્છ બનાવવાની વાતો કરી હતી. સમાજના સંતો અને દિકરાના નામે શોગંદ ખાઈને રાજકારણમાં ના પ્રવેશવાનું જાહેર કર્યું હતું.પિતાની રાજકીય કાર્કીર્દી પુત્રએ ખતમ કરી કોંગ્રેસના ગુજરાતના પ્રમુખ અમિત ચાવડાએ પૂરોગામી ભરત સોલંકીએ કરેલી ભૂલ આખરે સુધારી લીધી છે. અમદાવાદ શહેર અને અમદાવાદ જિલ્લા પંચાયતમાં જે કંઈ થાય છે તેની સીધી રાજકીય અસર સમગ્ર ગુજરાતમાં પડે છે. અમદાવાદ જિલ્લા કોંગ્રેસ પ્રમુખે કોંગ્રેસ સાથે જે રાજકીય કાવાદાવા કરીને ભાજપને ફાયદો કરાવી આપ્યો હતો તેવા પ્રમુખ ખોડાજી ઠાકોરને આખરે પડતા મૂકીને તેમની સ્થાને લડાયક અને કોંગ્રેસને વફાદાર એવા પંકજસિંહ વાઘેલાની નિમણૂક કરી છે. ખોડાજી ઠાકોરની વિવાદાસ્પદ ભૂમિકા કોંગ્રેસમાં સતત રહેતી આવતી હતી. તેથી અમદાવાદ જિલ્લા પ્રમુખ તરીકે અલ્પેશ ઠાકોરના પિતા ખોડાજી ઠાકોરને હાંકી કાઢીને તેમના સ્થાને પંકજસિંહ વાઘેલાની નિમણૂક કરવામાં આવી છે.અલ્પેશ ઠાકોર પર ભ્રષ્ટાચારના આરોપ નડી ગયારાધનપુર તાલુકા પંચાયતના કારોબારી ચેરમેન સુરેશ ઠાકોરે રાધનપુરના ધારાસભ્ય અલ્પેશ ઠાકોર પર અનેક પ્રકારના ગંભીર મૂકી જણાવ્યું હતું કે, અલ્પેશ ઠાકોરના કારણે અમે કોંગ્રેસ છોડ્યું છે. અલ્પેશ ઠાકોર સોલાર પાર્કમાં પણ ભ્રષ્ટાચાર આદરી રહ્યા છે. અલ્પેશ ઠાકોર તેમના પીએ હાર્દિક ત્રિવેદી દ્વારા રાધનપુર નગરપાલિકામાં ભ્રષ્ટાચાર આદરી રહ્યા છે. અલ્પેશ ઠાકોરે અમદાવાદમાં રૂપિયા 5 કરોડનો બંગલો લીધો છે તેમના અંગત મદદનીશ તેવી જ રીતે હાર્દિક ત્રિવેદી હમણા નવી ગાડી લાવ્યા છે. આટલા દિવસથી તેમની પાસે ગાડી લાવવાના પૈસા ન હોતા તો અત્યારે ગાડી ક્યાંથી આવી? અલ્પેશ ઠાકોર પાસે 10 ગાડી ક્યાંથી આવી? અલ્પેશના પીએ પાસે પણ 10 જેટલી ગાડીઓ છે તે ક્યાંથી આવી? સુરેશ ઠાકોરે વધુમાં જણાવ્યું કે અલ્પેશ ઠાકોરને કારણે જ પાટણ જિલ્લા અને રાધનપુરમાં તાલુકા પંચાયત ગઈ છે. અલ્પેશ ઠાકોર આડતરી રીતે ભાજપ સાથે જોડાયેલો છે. આમ આ આરોપો કોંગ્રેસે ગંભીર લીધા હોવા જોઈએ.અલ્પેશના પિતા ખોડાજી ઠાકોરની ભૂંડી ભૂમિકાકોંગ્રેસના પૂર્વ પ્રમુખ ભરત સોલંકી સાથે મળીને સવર્ણ અનામત આંદોલન સામે ઓબીસીનું આંદોલન કરનારા અલ્પેશ ઠાકોર મૂળ કોંગ્રેસમાં હતા. અલ્પેશ ઠાકોરને કોંગ્રેસથી અલગ કરીને પછી ફરી કોંગ્રેસમાં લાવનારા ભરત સોલંકી હતા. આમ તો શંકરસિંહ વાઘેલા અલ્પેશની પાછળ હતા. પણ પછી ભરત સોલંકીએ બાજી મારી હતી. પિતા ખોડાજી ઠાકોરને ભરત સોલંકીએ અમદાવાદ જિલ્લા કોંગ્રેસના પ્રમુખ બનાવ્યા હતા, તેથી તેનો ઉપયોગ કરીને અલ્પેશને પોતાની તરફે ભરત સોલંકી લવ્યા હતા. ખોડાજીને તેમને તમામ રાજકીય સત્તાઓ આપી હતી. જેના કારણે અમદાવાદમાં કોંગ્રેસને વિધાનસભાની અને જિલ્લા પંચાયતની જેટલી બેઠક મળવી જોઈતી હતી તેટલી મળી ન હતી.વિરમગામમાં પિતા પૂત્રને જાકારોગંદા રાજકારણને કારણે પિતા ખોડાજી અને પુત્ર અલ્પેશ ઠાકોરને વિરમગામમાંથી લોકોએ ગઈ વિધાનસભામાં સ્પષ્ટ જાકારો આપી દીધો હતો. શંકરસિંહ વાઘેલાના કારણે આગળ આવેલાં અલ્પેશ ઠાકોરે શંકરસિંહને ઠગ કહ્યા હતા. તેથી કોંગ્રેસના ધારાસભ્ય અલ્પેશ ઠાકોર અને તેમના પિતા ખોડાજી ઠાકોર સામે કોંગ્રેસ છોડી ગયેલાં સભ્યોએ આરોપોનો મારો ચાલુ કર્યો છે. અલ્પેશ ઠાકોરે હાર્દિક પટેલ સામે OBC બચાવો આંદોલન જાહેર કરતી વખતે કર્યું હતું કે તે ચૂંટણી નહીં લડે, પરંતુ તે કોંગ્રેસના ધારાસભ્ય બની ગયા છે અને હવે તેમની સામે ભ્રષ્ટાચારના આરોપો લગાવવામાં આવી રહ્યાં છે.ઠાકોરનું જમીન કૌભાંડઅલ્પેશ અને તેમના પિતા સામે એક વીડિયો વાયરલ થયો હતો તે અંગે કોંગ્રેસના નેતા અહેમદ પટેલ, ભરતસિંહ સોલંકી કે અમિત ચાવડાએ આજ સુધી કોઈ તપાસ કરી નથી. જિલ્લાનું પ્રમુખ પદ ગુમાવવું પડ્યું છે તે પૈકીનું એક કારણ આ વીડિયો પણ છે. વીડિયોમાં એવો આરોપ હતો કે, અમદાવાદ નજીકના સીતાપુર ગામના ખેડૂત નવઘણ ઠાકોરની 39 વીઘા જમીન ઠાકોર સેનાના અલ્પેશ ઠાકોર અને કોંગ્રેસના આગેવાન ખોડાજી ઠાકોરે રિવોલ્વરની અણીએ તેમની જમીન પડાવી લીધી છે. એ જમીન પરત કરવા માટે તેમણે અમદાવાદ કલેક્ટરને અરજી પણ કરી છે. બનાવટી કાગળથી તે જમીન વેચી નાંખી છે. મેં અલ્પેશ અને તેમના પિતા ખોડાજી ઠાકોર સામે કેસ કર્યા પછી હવે તેઓ અડધી જમીન પરત કરવા માટે તૈયાર થયા છે. પણ મારે તો આખી જમીન પરત જોઈએ છે. 2013મા આ જમીન ખોડા ઠાકોરે અમદાવાદના એક બિલ્ડર પાસેથી જમીન લીધી હતી. છતાં નવઘણને ખોડાજીએ પૈસા આપ્યા હતા. આ જમીન રૂ. 20 કરોડની કિંમતની હોવાનો આરોપ પણ મૂકવામાં આવ્યો હતો. આ પ્રકરણ ભરત સોલંકીએ દબાવી દીધું હતું પણ અમિત ચાવડાએ તેની ગંભીર ગણ્યું હોય એવું લાગી રહ્યું છે.પ્રમુખ બનાવવા કરોડોની કટકીવળી, અમદાવાદ જિલ્લા પંચાયતમાં કોંગ્રેસની બહુમતી હોવા છતાં 2018માં સત્તા ગુમાવવી પડી હતી. એની પાછળ અમદાવાદ જિલ્લા કોંગ્રેસના પ્રમુખ ખોડાજી ઠાકોર પોતે જવાબદાર છે. ભારતીય જનતા પક્ષ સાથે અમદાવાદ જિલ્લા કોંગ્રેસ પ્રમુખ ખોડાજી ઠાકોર સાથે બેઠક થઈ રહી છે. વળી કોંગ્રેસ દ્વારા ભાજપના સભ્યોને ખરીદવા માટે કોંગ્રેસ દ્વારા અલગ ફંડ ઊભું કરવામાં આવ્યું હતું. જે ખોડાજી ઠાકોરને આપવામાં આવ્યું હતું. જે ફંડથી કોંગ્રેસની સત્તા બચાવવા માટે અને જેટલા સભ્યો કોંગ્રેસના ભાજપમાં જાય, એટલા જ ભાજપના સભ્યો સામે તોડવા માટે આ ફંડના નાણાં ભાજપના સભ્યોને આપવાના હતા. પરંતુ લાખો રૂપિયાનું આ ફંડ ક્યાં ગયું તે પ્રશ્ન કોંગ્રેસમાં પૂછવામાં આવી રહ્યો છે. ઘણા સભ્યોએ માગણી કરી રહ્યાં છે કે તે ફંડ ખોડાજી ઠાકોર પાસેથી પરત લેવામાં આવે. ભાજપના ભૂપેન્દ્ર ચુડાસમા સાથેની ખોડાજીની રાજકીય દોસ્તી પણ જાણીતી છે. કોંગ્રેસમાં ખોડાજીનો ભારે વિરોધ થયો છે. કોંગ્રેસના 6 સભ્યો પક્ષ છોડીને ભાજપમાં જોડાઈ ગયા છે. ખોડાજી ઠાકોર તેમને સારા હોદ્દા આપવા માટે પૈસાની માગણી કરી હતી. એક સભ્યએ ખોડાજીને મોટી રકમ આપી હતી. તમામ સભ્યો પાસેથી હોટલનું બીલ કરવાનું સૂચના આપી હતી એટલે કે એક હોટલનું બીલ તો લોકોએ ચૂકવ્યું હતું અને છ ગણા પૈસા ચૂકવાયા હતા એ પૈસાનો હિસાબ પણ આ સભ્યો માગી રહ્યા છે. અમિત ચાવડા પોતે પણ ઠાકોર છે અને ખોડાજી ઠાકોર પણ પોતે ઠાકોર તેથી કોંગ્રેસ પ્રમુખ પર એવો આરોપ મૂકવામાં આવ્યો છે કે તેઓ ખોડાજી ઠાકોરને છાવરી રહ્યા છે. ઠાકોર વાદ ચલાવે છે. આ આરોપો પણ ખોડાજીને પદ પરથી હાંકી કાઢવા માટે કારણભૂત હોવાનું કોંગ્રેસમાં 20 ઓગસ્ટે ચર્ચા થઈ રહી છે.5 કરોડનો બંગલોરાધનપુર તાલુકા પંચાયતના કોંગ્રેસના પૂર્વ પ્રમુખ બધીબેન આહિર અને કારોબારી ચેરમેન તુલસીભાઈ સુરાણી ભેમાભાઈ ચૌધરી અને સુરેશ ઠાકોર એમ ચારેય 9 જુલાઈ, 2018ના રોજ જોડાયા હતા અને અલ્પેશ ઠાકોરથી નારાજ હોવાના આક્ષેપો કરી પક્ષ પલટો કર્યા હતો. પૂર્વ તાલુકા પંચાયતના પ્રમુખના પતિ રામાભાઇ આહીરે જણાવ્યું હતું કે, ભાજપમાં અમે અલ્પેશ ઠાકોરથી ત્રાસીને ગયા છીએ અને તુલસીભાઈએ મીડિયા સમક્ષ કબૂલાત કરી હતી ત્યારે અમે ભાજપમાં જોડાયા બાદ ઠાકોર સેના અને અલ્પેશ ઠાકોર દ્વારા ડરાવામાં આવ્યા હતા. જેથી તુલસીભાઈ અને ભેમાભાઈ ફરી કોંગ્રેસમાં જોડાઈ ગયા છીએ. રાધનપુર કોંગ્રેસ શાસિત તાલુકા પંચાયતમાં બીજા ટર્મની પ્રમુખની ચૂંટણીમાં કોંગ્રસના સદસ્ય સુરેશ ઠાકોર અને પૂર્વ તાલુકા પ્રમુખ બધીબેન આહીર અલ્પેશ ઠાકોરથી નારાજ થઈ ભાજપમાં જોડાઈ ગયા હતા ભાજપના સભ્યોનો ટેકો લઈ સુરેશ ઠાકોરની કારોબારી ચેરમેન તરીકેની વરણી કરાઈ હતી. અલ્પેશ ઠાકોર દ્વારા પોતાના માણસ હાર્દિક ત્રિવેદી મારફતે તાલુકા પંચાયત અને નગરપાલિકામાં મોટો ભ્રષ્ટાચાર કરી લાખો કરોડો રૂપિયા ખંખેર્યા છે અને હાર્દિક પાસે પહેલા કોઈ સગવડ નહોતી અને હાલમાં નવી 10 લાખની ગાડી ખરીદી તો અલ્પેશ ઠાકોરે અમદાવાદમાં 5 કરોડનો બંગલો લીધો છે.જિલ્લા પંચાયતના પતનમાં ખોડાજીનો ખેલઅમદાવાદ જિલ્લા કોંગ્રેસ પ્રમુખ ખોડાજી ઠાકોર દ્વારા જે રીતે ભાજપ સાથે મળીને કોંગ્રેસનું પતન કરવામાં આવ્યું ત્યાર પછી કોંગ્રેસની પડતી ઝડપી બની હતી. કોંગ્રેસમાં સર્વમાન્ય ઉમેદવાર તરીકે મનુ ઠાકોર હતા. તેમ છતાં ખોડાજી ઠાકોરે તેમને પ્રમુખ બનવા દીધા ન હતા. અમદાવાદ જિલ્લા પંચાયતમાં કોંગ્રેસની સ્પષ્ટ બહુમતી હોવા છતાં પણ અમદાવાદ જિલ્લા કોંગ્રેસના પ્રમુખ ખોડાજી ઠાકોર પોતાના પક્ષ સામે જ દગો કરીને શાસનનો અંત લાવી દીધો હતો. કોંગ્રેસ પક્ષમાં હાલ પણ ભારે રોષ ભભૂકી રહ્યો છે, ત્યારે જે સમિતિઓ બનાવવામાં આવી હતી એ સમિતિઓમાં ભારતીય જનતા પાર્ટીના સભ્યો શામેલ કરવા માટે પણ કોંગ્રેસના આંતરિક ખેલ શરૂ થયા છે. કોંગ્રેસના 7 સભ્યો પક્ષાન્તર કરીને ભાજપમાં ગયા હતા. તેમણે આ છ ઉમેદવારોને જિલ્લા પંચાયતના પ્રમુખ બનાવવા માટે અનેક લોભ, લાલચો આપી હતી અને એમની પાસેથી પૈસાની ઉઘરાણી કરી હતી. તેમ છતાં તેમને પ્રમુખ બનાવ્યા ન હતા. તેથી કોંગ્રેસમાં બળવો થયો હતો. ખોડાજી ઠાકોરના કારણે સત્તા ગુમાવવી પડી હતી. જ્યારે કોંગ્રેસ સત્તા પર હતી ત્યારે અઢી વર્ષ દરમિયાન આરોગ્ય સમિતિ નિયુક્ત કરવાની હતી, તેમ છતાં ખોડાજી ઠાકોર એ થવા દીધી ન હતી અને હવે એ આરોગ્ય સમિતિ ઉપર ભારતીય જનતા પાર્ટીના સભ્યોનો કાબુ આવી ગયો છે.ભાજપ અને શંકરસિંહને દગો દીધોખોડાજી ઠાકોર કોઈક સમયે ભાજપના સંગઠનમાં 1997 સુધી હતા. તે સમયગાળામાં ખોડાજી ઠાકોરે શંકરસિંહ વાઘેલા, આનંદીબહેન પટેલ સાથે કામ કર્યું હતું. શંકરસિંહ વાઘેલાએ જ્યારે ભાજપને દગો દીધો તેની સાથે ખોડાજી ઠાકોર પણ ભાજપ છોડી દીધો હતો. શંકરસિંહ વાઘેલાએ શક્તિદળ બનાવ્યું. ત્યારે અલ્પેશ ઠાકોર તેની યુવા વિંગનો સંયોજક હતો. શંકરસિંહ વાઘેલાએ ભાજપ છોડ્યો ત્યારે ખોડાજી અને અલ્પેશ ઠાકોર પણ કોંગ્રેસમાં જોડાયા હતા. અલ્પેશ ઠાકોરે યુવા નેતા તરીકે અમદાવાદ જિલ્લાની પંચાયત માટે ચૂંટણી ઠાકોરના મુળ વતન-ગામ એંદ્લાથી વર્ષ 2010માં કોંગ્રેસમાંથી લડી ચૂક્યો છે. જયારે ઠાકોર સેનાનું અસ્તિત્વ વર્ષ 2011માં આવ્યુ હતું. પરંતુ ત્યારે અલ્પેશ ઠાકોર ચૂંટણી હારી ગયો હતો. ઠાકોર સમાજ માટે મૂવમેન્ટ ચલાવવાનો અવાજ ઉઠવા લાગ્યો, તો ખોડાજી ઠાકોરે આ જવાબદારી ઉઠાવતા પોતાના પુત્ર અલ્પેશ ઠાકોરને આગળ કર્યો હતો. આવી રીતે ઠાકોર સેનાની મૂવમેન્ટ ઉભી કરવામાં આવી હતી. અલ્પેશ ઠાકોરે નશામુક્તિ, બેરોજગારીનું આંદોલન કરીને ભાજપ સામે અવાજ ઊભો કર્યો હતો. પછી હાર્દિક પટેલના આંદોલન સામે તેનો ઉપયોગ ભરત સોલંકીએ કર્યો હતો. અલ્પેશના DNAમાં કોંગ્રેસ છે. મૂળ વિચાર-ધારા કોંગ્રેસી રહી છે.વિરમગામ કેમ છોડવું પડ્યુંમાંડલ અને દેત્રોજ તાલુકાના કોંગ્રેસ અગ્રણીઓએ અલ્પેશ ઠાકોર અને તેમના પિતા ખોડાજી ઠાકોર માટે બેઠક જોખમી હોવાનું જણાવી નહીં લડવાનું જણાવ્યું હતું હતું. અલ્પેશ ઠાકોરની દાવેદારીને લઇ કોંગ્રેસ અને વિરમગામમાં છૂપો રોષ હોવાથી તેણે સિદ્ધપુર જઈને ચૂંટણી લડવી પડી હતી. અલ્પેશના પિતા ખોડાજી ઠાકોર 2017ની ચૂંટણીમાં વિરમગામ બેઠક પરથી કોંગ્રેસની ટિકિટ પરનાં લગભગ ફાઈનલ ઉમેદવાર મનાઈ રહ્યા હતાં. તેજશ્રી પટેલે કોંગ્રેસ છોડી તેની પાછળનું મુખ્ય કારણ ખોડાજી ઠાકોર હતા. તેઓ તેજશ્રીબેન પટેલને બીજું પર મૂકીને જ નિર્ણયો લેતા હતા. જેનાં કારણે જ તેજસ્વીનીબેનને પક્ષ પલટો કરવાની ફરજ પડી હતી.જિલ્લા પંચાયત કેમ ગુમાવી2016માં અમદાવાદ જિલ્લા પંચાયતની ચૂંટણીમાં કોંગ્રેસને 18 અને ભાજપને 16 બેઠકો મળી હતી. જેથી કોંગ્રેસ જિલ્લા પંચાયતમાં સત્તા પર આવી હતી અને પુષ્પા ડાભીને પ્રમુખ બનાવાયા હતા. હવે જ્યારે પ્રમુખની ટર્મ પુરી થતાં નવા પ્રમુખ માટેની ચૂંટણી થતાં કોંગ્રેસ હારી ગઈ હતી. કોંગ્રેસના જિલ્લા પંચાયતના દિગ્ગજ ગણાતા નેતા અને કારોબારી સમિતિના ચેરમેન મનુજી ઠાકોર પણ ભાજપની તરફેણમાં રહ્યા હતા. અમદાવાદ જિલ્લાના કોંગ્રેસના પ્રમુખ ખોડાજી ઠાકોર અને મનુજી ઠાકોર વચ્ચે ચાલતા શિતયુદ્ધમાં અંતે મનુજી ઠાકોર ખુલીને સામે આવ્યા હતા અને ભાજપની તરફેણમાં જતાં રહ્યા હતા. જેના પગલે કોંગ્રેસને સત્તાથી હાથ ધોવાનો વારો આવ્યો છે. જિલ્લા પંચાયતમાં છેલ્લા એક વર્ષથી કોંગ્રેસના સભ્યો વચ્ચેનો આંતરિક કલેહ ખોડાજીના કારણે રહ્યો હતો જે સપાટી પર આવ્યો હતો.મનુજી ઠાકોરની અવગણના ખોડાજીને ભારે પડીજિલ્લા પંચાયત પર કોંગ્રેસે કબજો જમાવ્યો ત્યારે સૌથી મજબૂત સભ્ય તરીકે મનુજી ઠાકોરનું નામ હતું. પણ ખોડાજી ઠાકોરે તેમને પ્રમુખ બનવા દીધા ન હતા. તેમને કારોબારી સમિતિના ચેરમેન બનાવવામાં આવ્યા હતા. કોંગ્રેસ જિલ્લા પંચાયતમાં ખરાબ હાલતમાં આવતી ત્યારે મનુજી ઠાકોર જ કોંગ્રેસની બાજી સંભાળતા હતા. વિધાનસભાની ચૂંટણી વખતે તેમણે ટિકિટ માગી હતી પરંતુ તેમને ખોડાજીએ ટિકિટ આપવા દીધી ન હતી. ત્યાર બાદ જિલ્લા પંચાયતના પ્રમુખ બનવાની પણ ઈચ્છા વ્યક્ત કરી હતી પરંતુ તેમના સ્થાને અન્યને ખોડાજીએ મેન્ડેટ અપાવતા નારાજ મનુજી ઠાકોરે કોંગ્રેસ છોડી હતી અને ભાજપને ટેકો આપ્યો હતો. આ બાજી ખોડાજી ઠાકોરને ભારે પડી છે. અમદાવાદ જિલ્લાનાં કોગ્રેસ પ્રમુખ ખોડાજી ઠાકોરની મનમાનીને કારણે નારાજ કોંગ્રેસના સભ્યનો લાભ ભાજપે ઉઠાવી લીધો અને કોંગ્રેસના છ સભ્યોએ બળવો પોકારી ભાજપને ટેકો જાહેર કરતા અમદાવાદ જિલ્લા પંચાયતના પ્રમુખ તરીકે ભાજપના જીતેન્દ્રસિંહ ચૂંટાઈ આવ્યા હતા. અમદાવાદ જિલ્લા પંચાયતમાં કોંગ્રેસના 18 અને ભાજપના 15 સભ્યો હતા, પરંતુ કોંગ્રેસના સભ્ય મનુજી ઠાકોર પ્રમુખ થવા માગતા હતા પરંતુ કોંગ્રેસના જિલ્લા પ્રમુખ ખોડાજી ઠાકોર દ્વારા અમરસિંહને પ્રમખ તરીકેનો મેન્ટેડ આપતા કોંગ્રેસમાં બળવો થયો હતો.પ્રમુખ બનાવવા કરોડોની કટકીઅમદાવાદ જિલ્લા પંચાયતમાં કોંગ્રેસની બહુમતી હોવા છતાં સત્તા ગુમાવવી પડી છે એની પાછળ ઘણાં કારણો હતા તેમાં એક ભારતીય જનતા પક્ષ સાથે અમદાવાદ જિલ્લા કોંગ્રેસ પ્રમુખ ખોડાજી ઠાકોર સાથે બેઠક થઈ રહી છે. વળી કોંગ્રેસ દ્વારા ભાજપના સભ્યોને ખરીદવા માટે કોંગ્રેસ દ્વારા અલગ ફંડ ઊભું કરવામાં આવ્યું હતું. જે ખોડાજી ઠાકોરને આપવામાં આવ્યું હતું. જે ફંડથી કોંગ્રેસની સત્તા બચાવવા માટે અને જેટલા સભ્યો કોંગ્રેસના ભાજપમાં જાય, એટલા જ ભાજપના સભ્યો સામે તોડવા માટે આ ફંડના નાણાં ભાજપના સભ્યોને આપવાના હતા. પરંતુ લાખો રૂપિયાનું આ ફંડ ક્યાં ગયું તે પ્રશ્ન કોંગ્રેસમાં પૂછવામાં આવી રહ્યો છે. ઘણા સભ્યોએ માગણી કરી રહ્યાં છે કે તે ફંડ ખોડાજી ઠાકોર પાસેથી પરત લેવામાં આવે. ભાજપના નેતા ભૂપેન્દ્રસિંહ ચુડાસમા સાથેની ખોડાજીની રાજકીય દોસ્તી પણ જાણીતી છે. કોંગ્રેસમાં ખોડાજીનો ભારે વિરોધ થયો હતો. ખોડાજી ઠાકોર તેમને સારા હોદ્દા આપવા અને પ્રમુખ બનાવવા માટે પૈસાની માગણી કરી હતી. એક સભ્યએ ખોડાજીને મોટી રકમ આપી હતી. તમામ સભ્યો પાસેથી હોટલનું બીલ કરવાનું સૂચના આપી હતી એટલે કે એક હોટલનું બીલ તો લોકોએ ચૂકવ્યું હતું અને છ ગણા પૈસા ચૂકવાયા હતા એ પૈસાનો હિસાબ પણ આ સભ્યો માગી રહ્યા હતા.