ગુજરાતી
English
૧૯ ફેબ્રુઆરીથી મહારાષ્ટ્ર રાજ્યની તમામ કોલેજોમાં રાષ્ટ્રગીત ગાવું ફરજિયાત રહેશે. જણાવી દઈએ કે ઉદય સામંતે પહેલેથી જ કહ્યું હતું કે રાજ્ય સરકાર ટૂંક સમયમાં એક આદેશ બહાર પાડશે, જે હેઠળ તમામ કોલેજો અને યુનિવર્સિટીઓમાં જાહેર કાર્યક્રમો પૂર્વે રાષ્ટ્રગીત ગાવાનું ફરજિયાત કરવામાં આવશે. તેમણે કહ્યું, આ વિદ્યાર્થીઓમાં રાષ્ટ્રવાદ અને દેશભક્તિ પણ લાવશે.
મહારાષ્ટ્ર મંત્રીમંડળની એક બેઠક મળી હતી. હવે તમામ સરકારી કર્મચારીઓ અને અધિકારીઓ અઠવાડિયામાં માત્ર ૫ દિવસ કામ કરશે. ઉદ્ધવ ઠાકરે સરકારના આ નિર્ણયથી રાજ્ય સરકારના કર્મચારીઓમાં ખુશીની લહેર છે. મહારાષ્ટ્ર સરકારના પ્રધાન ઉદય સામંતે કહ્યું હતું.
કોલેજો અને યુનિવર્સિટીઓમાં રાષ્ટ્રગીત ફરજિયાત બનાવવામાં આવે તે પહેલાં ઉચ્ચ અને તકનીકી શિક્ષણ પ્રધાન ઉદય સામંતે કહ્યું હતું કે ઘણા લોકોએ દેશ માટે પોતાનો બલિદાન આપ્યું છે અને વિદ્યાર્થીઓમાં દેશભક્તિની ભાવના ઉત્તેજીત કરવી જરૂરી છે. કોલેજમાં કાર્યક્રમ પૂર્વે રાષ્ટ્રગીત ગાયાથી વિદ્યાર્થીઓમાં આ લાગણી પ્રગટ થાય છે અને લોકોના બલિદાનને પણ યાદ કરવામાં આવશે. તેમણે કહ્યું, દરેકને તેમની માતૃભાષા પર ગર્વ હોવો જોઈએ.મહારાષ્ટ્ર વિધાનસભાનું બજેટ સત્ર ૨૪ ફેબ્રુઆરીથી શરૂ થઈ રહ્યું છે. ઉદ્ધવ ઠાકરે સરકારનું આ પહેલું બજેટ સત્ર છે, પ્રાપ્ત માહિતી અનુસાર, ૬ માર્ચે રાજ્ય સરકાર વિધાનસભામાં બજેટ રજૂ કરશે. સૂત્રો પાસેથી પ્રાપ્ત માહિતી અનુસાર, વિધાનસભામાં નાણાં પ્રધાન અને નાયબ મુખ્ય પ્રધાન અજિત પવાર અને વિધાન પરિષદમાં નાણા રાજ્યમંત્રી શંભુરાજ દેસાઇ સવારે ૧૧ વાગ્યે બજેટ રજૂ કરશે.
