ભૂગર્ભ રેલમાં મોદીએ મમતા બેનરજી માટે રાખેલી કિન્નાખોરી બહાર આવી

કોલકાતામાં પ્રથમ અંડર ગ્રાઉન્ડ મેટ્રો રેલ શરૂં થઈ છે. સેક્ટર 5 થી સોલ્ટ લેક સ્ટેડિયમને જોડનાર ઇસ્ટ-વેસ્ટ મેટ્રો કોરીડોરનું પ્રથમ ચરણ છે. પ્રથમ અંડર ગ્રાઉન્ડ સ્ટેશન ફુલબાગ દુર્ગા પૂજા પહેલા તૈયાર થઈ જશે. આ વર્ષે દુર્ગા પૂજામાં લોકો મેટ્રોથી જશે.  આ કોરિડોરને હાવડા સુધી પુરો કરાશે. બાકી ચાર લાઇનોનું કામ પુરા કરવાના રસ્તામાં ઘણી બાધાઓ છે. આ પ્રોજેક્ટ લગભગ 16 કિલોમીટર લાંબો છે. જે સોલ્ટ લેક સ્ટેડિયમથી હાવડા મેદાન સુધી ફેલાયેલ છે. પ્રથમ ફેઝ સોલ્ટ લેક સેક્ટર-5થી સોલ્ટ લેક સ્ટેડિયમ વચ્ચે 5.5 કિમી લાંબો છે. અંડરગ્રાઉન્ડ મેટ્રોનો બીજો ફેઝ 11 કિલોમીટર લાંબો છે. આ કાર્યક્રમમાં પશ્ચિમ બંગાળના મુખ્ય પ્રધાન મમતા બેનરજીને આમંત્રણ પાઠવવામાં આવ્યું ન હતું. કેન્દ્રીય રેલ મંત્રી પિયુષ ગોયલ હાજર હતા. આમ મોદી સરકારની કિન્નાખોરી બહાર આવી હતી.