ધારાસભ્ય પોતાની ગ્રાન્ટમાંથી રૂ.25 લાખ કોરોના વાયરસના ઇલાજ માટે આપશે

દરેક ધારાસભ્ય પોતાની ગ્રાન્ટમાંથી રૂ.25 લાખ કોરોના વાયરસના ઇલાજ માટે દવાઓ-સાધન સુવિધાઓ માટે ગુજરાત હેલ્થ સોસાયટીને આપશે. મુખ્યમંત્રી વિજય રૂપાણીએ જણાવ્યું કે કોરોનાની આ વિશ્વવ્યાપી મહામારી સામે રાજ્યના આરોગ્ય વિભાગની કામગીરીમાં સહાયરૂપ થવા દરેક ધારાસભ્યએ રજૂઆત કરી હતી.
ધારાસભ્યોની આ રજૂઆતને ધ્યાને લઇને રાજ્ય સરકારે નિર્ણય કર્યો છે કે તમામ ધારાસભ્યો રૂ.25 લાખ સુધીની ગ્રાન્ટ કોરોના વાયરસના ઇલાજ અને દવાઓ, વેન્ટીલેટર, ડાયાલીસીસ મશીન, પોષાક સુવિધાઓ તથા ટેસ્ટીંગ સાધનો માટે ગુજરાત હેલ્થ સોસાયટીને આપશે.