ગુજરાતી
English
અમદાવાદ જિલ્લામાં છેલ્લાં ર વર્ષમાં રૂ.૪.૪૧ લાખ દસ્તાવેજોની નોંધણી તથા સ્ટેમ્પ ડ્યૂટીની મળી કુલ ૬૭૨.૧૭ કરોડની નોંધણીની આવક થઇ છે. વિધાનસભામાં વર્ષ ૨૦૧૭-૧૮માં અમદાવાદ જિલ્લામાં ૨,૦૯,૭૪૭ દસ્તાવેજો, વર્ષ ૨૦૧૮-૧૯માં ૨,૩૧,૭૩૮ દસ્તાવેજો મળી કુલ ૪,૪૧,૪૮૫ દસ્તાવેજોની નોંધણી કરાવવામાં આવી હોવાનું જણાવ્યું હતું.
વર્ષ ૨૦૧૭-૧૮માં સ્ટેમ્પ ડ્યૂટીની રૂા.૧૭૮૮.૪૧ કરોડ તથા વર્ષ ૨૦૧૮-૧૯માં રૂા.૨૦૮૫.૪૨ કરોડની આવક મળી કુલ રૂા.૩૮૭૩.૮૩ કરોડની સ્ટેમ્પ ડ્યૂટીની આવક તથા ૨૦૧૭-૧૮માં નોંધણી ફીની રૂા.૩૦૬.૫૨ કરોડ તથા વર્ષ ૨૦૧૮-૧૯માં નોંધણી ફીની રૂા.૩૬૫.૬૫ કરોડની આવક થઇ છે.
છેલ્લાં બે વર્ષમાં રૂા.૩૮૭૩.૮૩ કરોડની સ્ટેમ્પ ડ્યૂટીની આવક તથા નોંધણી ફીની રૂા.૬૭૨.૧૭ કરોડની આવક મળી કુલ ૪,૫૪૬ કરોડની સ્ટેમ્પ ડ્યૂટીની આવક થઇ છે તેમ મહેસૂલ મંત્રીએ પ્રત્યુત્તરમાં વધુ વિગતો આપી હતી.
કોઇપણ જમીન-મિલકત ખરીદવામાં કે વેચવામાં આવે ત્યારે તેની કાયદેસરની નોંધણી થાય તે જરૂરી છે. આવી નોંધણી દ્વારા કાયદેસરની મિલકતમાં દબાણ, ભાગ, હિસ્સો ખોટી રીતે કોઇ નોંધાવી ન જાય કે પોતાનો કાયદેસરનો હક્ક અન્ય કોઇ વ્યક્તિ ખોટી રીતે છીનવી ન જાય તે રીતે સુરક્ષિત કરી શકાય છે.
સમયાંતરે સરકાર દ્વારા સ્ટેમ્પ ડ્યૂટીનાં નિર્ધારીત કરેલ દરે પોતાની અસ્કયામતોની નોંધણી કરાવી પોતે જે તે મિલકતનાં કાયદેસરનાં હક્કદાર બની પોતાની મિલકત માટે નિશ્ચિત બની શકાય છે.
