અમદાવાદ પૂર્વઃ ભાજપના ગઢમાં પણ પરેશ રાવલ અભિનેતામાંથી નેતા બની ન શક્યા

અમદાવાદ પૂર્વ વિસ્તાર ભાજપનો ગઢ ગણાય છે. અમદાવાદનો ઔદ્યોગિક વિસ્તાર અહીં આવેલો છે. તેથી અહીં શ્રમજીવી વધું છે. નાના ગામડાઓ શહેરમાં ભળી જતાં આ વિસ્તાર પાછળથી અમદાવાદ મ્યુનિસિપલ કોર્પોરેશનમાં ભેળવવામાં આવ્યો હતો.

વિધાનસભા બેઠકો: – 34-દહેગામ, 35-ગાંધીનગર સાઉથ, 43-વટવા, 46-નીકોલ, 47-નરોડા, 48-ઠક્કરબાપા નગર, 49-બાપુનરગ.

લોકસભામાં જ્ઞાતિના સમીકરણ:

2014 લોકસભા

છેલ્લી ત્રણ લોકસભામાં જીતેલા ઉમેદવારો

2004       હરિન પાઠક                                                       BJP

2009       હરિન પાઠક                                                        BJP

2014       પરેશ રાવલ                                                        BJP

વિકાસના કામો

• સંયુક્ત રાષ્ટ્રસંઘની સંસ્થાઓએ 20 માપદંડોના તારણ બાદ અમદાવાદને સંતુલિત અને સર્વગ્રાહી વિકાસ માટે શ્રેષ્ઠ ઠરાવ્યું છે. ઇ ગર્વનન્સમાં અમદાવાદ ગુજરાતનું રોલમોડેલ બની શકે એવું થયું છે.
• શહેરી ગરીબ લોકોને અપાતી સવલતોમાં ગુજરાતના અન્ય વિસ્તારો કરતાં અમદાવાદ અમલીકરણની દ્રષ્ટિએ પ્રથમ નંબર છે.
• ફાઇનાન્સિયલ ડિસિપ્લિનમાં અમદાવાદ સમગ્ર દેશમાં અવ્વલ પર છે.
• રિંગરોડ પરના ઓઢવ ચાર રસ્તા પાસે નવું ડ્રેનેજ પમ્પિંગ સ્ટેશન અને તેને સંલગ્ન નેટવર્ક ઊભું કરવામાં આવ્યું છે.
• પૂર્વ અમદાવાદમાં રહેણાંક વિસ્તાર માટે સુવિધાઓ ઊભી કરાતાં દશ લાખથી એક કરોડ રૂપિયાના ફ્લેટ્સ પૂર્વ વિસ્તારમાં વેચાઇ રહ્યા છે
• વાઇબ્રન્ટ ગુજરાતને કારણે અમદાવાદમાં દોઢ લાખ કરોડનું મૂડીરોકાણ આવ્યું છે. આ મૂડીરોકાણને પગલે રોજગારીની નવી તકો ઊભી થઈ છે.
• અમદાવાદ અને આસપાસના વિસ્તારમાં 60થી 70 ટકા પ્રોજેક્ટ ચાલુ થઇ ચૂક્યા છે, કાં તો ટેઇક ઓફફ્ થયાના સ્ટેજ પર છે

પ્રશ્નો – ઘટનાઓ

• અમદાવાદ પૂર્વ બેઠકના સાંસદ પરેશ રાવલ ગુમ થયા હોવાના પોસ્ટર અહીં લોકોએ લગાવ્યા હતા. શોધી આપનારને રૂ.21 હજારનું ઈનામ જાહેર કરાયું છતાં તેઓ લોકોના પ્રશ્નના ઉકેલ માટે કોઈ પ્રયાસ કર્યો નથી.
• અમદાવાદ પૂર્વના ભાજપના સાંસદ પરેશ રાવલની લોકસભામાં 73% હાજરી રહી છે. પણ તેમણે પૂર્વ અમદાવાદને કેન્દ્ર સરકાર તરફથી સીધો ફાયદો મળે એવી કોઈ વાત કરી નથી. માત્ર પ્રશ્નો પૂછ્યા છે.
• અમદાવાદ શહેરી વિકાસ સત્તા મંડળ – ઔડાના સમયમાં બનેલા ગટર અને વરસાદી પાણીના નિકાલના નેટવર્કમાં કોઇ સુધારો કરાયો નથી. પરિણામે આ વિસ્તારોમાં કાયમ ગટર ઊભરાતી હોય છે
• 17 કિમી લાંબી ઈન્દિરાબ્રિજથી કોતરપુર અને નરોડાથી લઈને નારોલ-અસલાલી સુઘીની ખારીકટ કેનાલ અહીંના વિસ્તારનો સૌથી મોટો ખતરો છે. જેને ભૂગર્ભમાં બનાવવા કે તેની ઉપર રસ્તો બનાવવા માટે પરેશ રાવલે કોઈ ધ્યાન આપ્યું નથી.
• ઔદ્યોગિક એકમો ગેરકાયદે ગટર જોડાણથી ખારીકટ કેનાલમાં કેમિકલ અને કચરો ઠાલવે છે. આ વિસ્તારમાં ખુલ્લી, ગંદકીથી ખદબદતી કેનાલ રોગચાળાનું કારણ બની છે. છતાં તેનો કોઈ ઉપાય મળતો નથી.
• પૂર્વ અમદાવાદમાં વર્ષે એક લાખ વાહનો નવા નોંધાય છે, પણ તેની સામે રસ્તાઓ સારા થતાં નથી. તેથી ટ્રાફિક અને હવાનું પ્રદૂષણ વધે છે.
• રોડ રિસરફેસિંગમાં મોટા કૌભાંડ થઈ રહ્યાં છે. એક વર્ષમાં જ રોડ તૂટી જાય છે. નાના અધિકારીઓ સામે પગલાં લેવાય છે, પણ રાજકારણીઓ અને ડેપ્યુટી કમિશનર કક્ષાની વ્યક્તિની સામે પગલાં લેવાતા નથી.
• નવા વિસ્તારોમાં હજુ પૂરતા પ્રેશરથી પાણી મળતું નથી.
• નિકોલ, ઓઢવ, ગોમતીપુર, રામોલ-હાથીજણ સહિત 8 વોર્ડના કોર્પોરેટરોએ તેમના વોર્ડના પ્રશ્નોની રજુઆત કરી પણ ઉકેલ આવતો નથી.

પ્રભાવશાળી વ્યક્તિઓ

• હરીન પાઠક, વલ્લભ કાકડીયા, ડો.પ્રફુલ ઠાકર, જગદીશ ઠાકોર, શંકરસિંહ વાઘેલા, હિંમતસિંહ પટેલ.

સંભવિત સ્થિતી

• દહેગામ, ગાંધીનગર દક્ષિણ, વટવા, નિકોલ, નરોડા, ઠક્કરબાપા નગર અને બાપુનગર વિધાનસભાનો સમાવેશ થાય છે. હાલ આ લોકસભા વિસ્તારની બાપુનગર વિધાનસભામાં જ કોંગ્રેસના ધારાસભ્ય છે. બાકીની વિધાનસભા પર ભાજપના જ ધારાસભ્યો છે. કોંગ્રેસ દ્વારા અહીં સારા ઉમેદવાર મૂકવામાં આવે તો પણ જીત શક્ય નથી. પોતાના મત વિસ્તાર બહાર પરેશ રાવલની લોકપ્રિયતા હોવાથી ભાજપને ફાયદો પહોંચાડી શકે તેમ છે.

ભાજપ

• અહીં પરેશ રાવલને બદલીને બીજા કોઈને ઉમેદવાર બનાવવામાં આવ્યા છે.
• પરેશ રાવલને લોક નેતા બનવાની તક હતી. પણ તેઓએ માત્ર અભિનેતા બનવાનું પસંદ કર્યું છે.
• લોકોપયોગી કાર્યોના નામે નહિંવત કામગીરી હોવાને કારણે લોકોમાં તેમના પ્રત્યે રોષ છે.
• અમદાવાદ પૂર્વમાં લઘુમતી સમાજની સંખ્યા વધુ હોવાથી ઉમેદવાર બદલવામાં આવ્યા હોઇ શકે.
• પૂર્વમાં નરોડા વિસ્તાર ભાજપનો ગઢ સાબિત થયો છે.

કોંગ્રેસ

• અમદાવાદ પૂર્વ બેઠક માટે ચૂંટણી લડવા માટે કોંગ્રેસમાંથી કોઈએ દાવેદારી કરી ન હતી.
• અમદાવાદ પૂર્વ લોકસભા બેઠક વર્ષ 2014ની લોકસભાની ચૂંટણીમાં કોંગ્રેસ 32,6633 મતથી હારી હતી. ફરી એજ હાલત છે.
• અમદાવાદ શહેરની 16 વિધાનસભા બેઠકોમાં કોંગ્રેસનો ગઢ ગણાતા લઘુમતી ધર્મના મતદારોની વર્ચસ્વવાળી જમાલપુર અને દાણીલીમડા બેઠક ઉપર કોંગ્રેસને નજીવી સરસાઇ મળી હતી.
• કોંગ્રેસે હારવા માટે અહીં ઉમેદવાર ઊભા રાખે છે.

વચનો પુરા ન થયા

• વસ્ત્રાલમાં ગટરના પાણી બહાર આવતાં હોવાની કાયમી સમસ્યા છે. જે અંગે તમામ ચૂંટણીમાં અહીં ભાજપે વચનો આપ્યા હતા પણ પૂરા થતાં નથી.
• રિંગરોડ ઉપરના ઓક્ટ્રોય નાકા પાસે નવું ડ્રેનેજ પમ્પિંગ સ્ટેશન અને સમ્પ બનાવીને ગટર બેકિંગના પ્રશ્નના નિરાકરણ લાવવાનું આશ્વાસન જ રહ્યું છે.
• આદિનાથનગર જેવાં નીચાણવાળા ભાગમાં ભરાતાં વરસાદી પાણીના પ્રશ્ન ઉકેલવા માટે સમ્પ બનાવવા વચન અપાયું હતું.
• પૂર્વ ઝોનની કચેરીને મળેલી ફરિયાદોના ઝડપી નિકાલ કરવાનું આશ્વાસન આપ્યું હતું. પણ લોકોના ફોનના જવાબો પણ આપવામાં આવતાં નથી.
• પૂર્વ વિસ્તારના સાસંદ પરેશ રાવલે લોકોના પ્રશ્નોના કાર્યક્રમોમાં ફોટો પડાવવા હાજરી પુરાવે છે. પછી 15 મિનિટ રહી જતા રહે છે. તેથી મેયર અને કમિશનર સામે ભાજપ અને કોંગ્રેસના કોર્પોરેટેરે પ્રશ્નોની ઝડી વરસાવી હતી. તેઓએ લોકો સાથે રહેવાનું વચન આપ્યું હતું તે પાળી બતાવ્યું નથી.
• પૂર્વ અમદાવાદમાં વિકાસના કામોના વચનો નાગરિકોને પૂરો સંતોષ આપી શક્યા નથી.