ગુજરાતમાં ખાનગી કોલેજો વધી સરકારી 22.4 ટકા ઘટી

નેશનલ ઈન્સ્ટીટયુટ ઓફ એજયુકેશનલ પ્લાનીંગ એન્ડ એડમીનીસ્ટ્રેશન (એનઆઈઈપીએ)નાં રિપોર્ટ પ્રમાણે છેલ્લા 7 વર્ષમાં ઉચ્ચતર શૈક્ષણિક સંસ્થાઓમાં દેશમાં ગુજરાતનો હિસ્સો 22.40 ટકા ઘટી ગયો છે. પણ ખાનગી ઉચ્ચતર શૈક્ષણિક સંસ્થાઓમાં ગુજરાતનો હિસ્સો 20.20 ટકા વધી ગયો છે.

2011માં ગુજરાતમાં સરકારી અને ખાનગી બન્ને મળી કુલ 1664 ઉચ્ચતર શિક્ષણ આપતી સંસ્થાઓ હતી. 2016-17માં વધીને 2003 થઈ ગઈ હતી. આ કોલેજોમાં 66 ટકા તો ખાનગી હતી. જે ઊંચી ફી લઈને ભણાવતી હતી. ટેકનીકલ શિક્ષણ આપતી સંસ્થાઓ બંધ પડી રહી છે કે હવે તેમાં કોઈ ભણવા જતું નથી. 2018માં એન્જીનીયરીંગ અને ટેકનીકલ અભ્યાયક્રમમાં 54 ટકા બેઠકો ખાલી રહી હતી. જેની પાછળનું કારણ સરકારની નાણાંકિય સહાયથી ચાલતી શાળા-કોલેજોની સંખ્યામાં ઘટાડો, મોંઘા શિક્ષણ અને બદલાતા શૈક્ષણિક પ્રવાહો છે.

હાયર અને ટેકનીકલ એજયુકેશન વિભાગ દ્વારા વિજ્ઞાન અને આર્ટસ કોલેજ ઊભી કરી રહી છે. ગુજરાતમાં 1 લાખ યુવાનો માટે  માત્ર 30.5 ઉચ્ચ શિક્ષણ આપતી સંસ્થાઓ છે. જે ગુજરાતની કુલ વસતી પ્રમાણે 5.09 ટકા જ છે. તેની સીધો મતલબ કે ગુજરાતની માત્ર 5 ટકા પ્રજા કોલેજ પુરી કરે છે. દેશમાં ગુજરાત હવે 16માં નંબર પર આવીને ઊભું છે. ગુજરાત ઉચ્ચ શિક્ષણ માટે હવે પછાત રાજ્ય બની ગયું છે.

તેલંગણી જેવા નવા રાજ્યમાં દર 1 લાખ યુવાન દીઠ 565 ઉચ્ચ શિક્ષણ આપતી સંસ્થા છે. જેની પાસે ભાજપનું 22 વર્ષનું શાસન સાવ વામણું લાગી રહ્યું છે.

ગુજરાત સેલ્ફ ફાયનાન્સ ટેકનીકલ અભ્યાસમાં 54 ટકા બેઠકો ખાલી રહે છે. લોકો હવે ઉચ્છ ભણવાનું પસંદ કરતાં નથી.  જે ભણે છે તે મોટા ભાગે 70 ટકા યુવાનો આર્ટસ અને કોમર્સ કોલેજમાં ભણે છે. કોર્સીસમાં ડિમાન્ડ વધુ છે.