ગુજરાતી
English
અમદાવાદ,તા.૧૨
અમદાવાદ શહેરના રીવરફ્રન્ટ ખાતે જાન્યુઆરી-૨૦૨૦ના પહેલા પખવાડીયામાં અમપા દ્વારા ફલાવર શોનુ આયોજન કરવામાં આવશે.આ શોમાં સોમવારથી શુક્રવાર સુધી દરેક વ્યકિત માટે ટીકીટના દર વીસ રૂપિયા અને શનિ અને રવિવાર માટે પચાસ રૂપિયા રાખવાની મંજુરી માંગતી એક દરખાસ્ત સ્થાયી સમિતિ સમક્ષ રજુ કરાઈ છે.
આ અંગે મળતી માહીતી મુજબ,જાન્યુઆરીના પહેલા પખવાડીયામાં રીવરફ્રન્ટ પર ફલાવરપાર્ક અને ઈવેન્ટ સેન્ટર વચ્ચે અમપા દ્વારા ફલાવર શોનુ આયોજન કરાશે.૧૨ વર્ષથી નીચેની વયના બાળકોને વિનામુલ્યે પ્રવેશ અપાશે.બાકીના લોકો માટે વીસ રૂપિયા ટીકીટ દર રખાશે.જયારે શનિ અને રવિવારના રોજ પચાસ રૂપિયા રાખવા અંગે દરખાસ્ત રજુ કરાઈ છે.છેલ્લા દસ વર્ષથી અમપા દ્વારા દર વર્ષે રીવરફ્રન્ટ ખાતે ફલાવર શોનુ આયોજન કરાય છે.
