ગુજરાતી
English
પાલનપુર, તા.૨૩
જિલ્લા ઉદ્યોગ કેન્દ્રમાં હંગામી કારકુન તરીકે ફરજ બજાવતો ગિરીશ પ્રજાપતિ મંગળવારે ખેડૂત પાસેથી 5 હજાર રૂપિયા લોન મંજુર કરવા માંગતા એસીબીએ ઝડપી પાડ્યો હતો. ગિરીશ પ્રજાપતિએ ભેંસોના તબેલાનો લોન કેસ મંજુર કરાવવા અરજદાર પાસે અવાર નવાર નાણા માંગ્યા હતા. જોકે પશુપાલક પૈસા આપવા માગતો ન હોઈ એસીબીનો સંપર્ક કર્યો હતો.
પાલનપુરમાં જોરાવર પેલેસ સંકુલમાં આવેલી જિલ્લા ઉદ્યોગ કેન્દ્રની કચેરીમાં ફરજ બજાવતા હંગામી કર્મચારી પાંચ હજારની અરજદાર પાસેથી રકમ લેતા એસીબીએ ઝડપી પાડયા હતા. પાછલા 7 વર્ષોથી જિલ્લા ઉદ્યોગ કેન્દ્રમાં વહીવટી કામ કરતો અને આઉટ સોર્સ એજન્સી દ્વારા ભરતી કરાયેલો કર્મી ગિરીશ શંકરભાઇ પ્રજાપતિ આ ટ્રેપમાં ઝડપાઇ ગયો હતો. જિલ્લા ઉદ્યોગ કેન્દ્રમાં લોન કેસ મંજુર કરવા નાણાંની માંગણી કરવામાં આવે છે જેમાં આરોપી નક્કી ન હતો તેવામાં અરજદાર પાસે લોન કેસ મંજુર કરવા માટે જિલ્લા ઉદ્યોગ કેન્દ્રમાં જે અરજદારને મોકલતા ગિરીશ નામના કારકુને 5 હજારની લાંચની માંગ કરી હતી. બાદમાં 6 હજાર આપી દીધા બાદ એસીબીના અધિકારીઓ ત્વરિત ઓફિસમાં પહોંચી લાંચ માંગનાર કર્મીને ઝડપી લઈ કાર્યવાહી હાથ ધરી હતી. આ અંગેની વિગતો આપતા એસીબીના પી.આઈ. કે.જે પટેલે જણાવ્યું હતું કે “આરોપીએ 5 હજાર લેતા રંગે હાથ ઝડપાતા ડિકોયની કાર્યવાહી કરવામાં આવી છે.
