નેશનલ હાઇવે પર આવેલા પ્રાંતિજ પાસે ઇકો કારમાં આગ લાગી, ત્રણ લોકોનો આબાદ બચાવ

પ્રાતિંજ, તા.૩૧

સાબરકાંઠા જિલ્લામાંથી પસાર થતા નેશનલ હાઇવે પર આવેલા પ્રાંતિજ ગામ પાસે અચાનક જ ઇકો કારમાં આગ લાગવાની ઘટના બની હતી. ઉલ્લેખનીય છે કે, શોર્ટ સર્કિટને કારણે કારમાં અચાનક જ આગ લાગી હતી. થોડી વારમાં જ આગે વિકરાળ સ્વરૂપ ધારણ કરી લીધું હતું અને બળીને ખાખ થઈ ગઈ હતી. મહત્વનું છે કે, કારમાં સવાર ત્રણેય લોકોનો આબાદ બચાવ થયો છે. ઇકો કાર ગાંધીનગરથી પ્રાંતિજ તરફ આવતી હતી ત્યારે આ બનાવ બન્યો હતો. આ ઘટનાની જાણ ફાયર વિભાગને થતા ફાયર બ્રિગેડની ટીમ ઘટનાસ્થળે પહોંચી હતી અને આગ પર કાબૂ મેળવ્યો હતો.