પરિણીતાને પ્રેમજાળમાં ફસાવી ગર્ભવતી બનાવવાના કેસમાં આરોપીના જામીન ફગાવાયા

અમદાવાદ, તા. 19

શહેરના ઓઢવ વિસ્તારમાં એક પરણીતાને પ્રેમજાળમાં ફસાવી તેણીને ગભર્વતી બનાવી માતા બનાવી દેવામાં કેસમાં સંડોવાયેલા આરોપી ધર્મેન્દ્રસિંહ શ્રીરામ ગર્ગની જામીન અરજી આજરોજ એડિશનલ સેશન્સ જજ વી .જે . કલોતરાએ આકરા વલણ સાથે ફગાવી દિધી હતી. સેશન્સ કોર્ટે આરોપી ધર્મેન્દ્ર સિંહ ઉર્ફે રેહાન રામનરેશ ગર્ગની જમીન અરજી ફગાવી દેતાં ચુકાદામાં નોંધ્યું હતં કે , આ કેસમાં ફરિયાદી યુવતીએ ફરિયાદ આપી છે અને તેમાં આરોપીના નામનો સ્પષ્ટ ઉલ્લેખ છે. ફરિયાદી યુવતી અરજદાર આરોપી થકી જ ગર્ભવતી થઈ હતી અને તેણી એ બાળકને જન્મ આપ્યો છે. ફરિયાદી ના બાળકના પિતા હાલનો અરજદાર આરોપી હોવાનું ડીએનએ રિપોર્ટમાં પણ ફલિત થયું છે ત્યારે આરોપીને કોઈ પણ સંજોગોમાં જમીન આપી શકાય નહીં

ચકચારભર્યા કેસની વિગત એવી છે કે શહેર ના ઓઢવ વિસ્તારમાં રહેતા આરોપી ધર્મેદ્રસિંહ ઉર્ગે રેહાન ગર્ગ તા. 23- 11- 2017 ના રોજ ફરિયાદી યુવતીને કેફી પીણું પીવડાવી તેની સાથે શારીરિક સંબંધ બાંધ્યા હતા અને તેના અશ્લીલ ફોટા પાડી બાદમાં તેણીને સાસરિયાવાળા ને બદનામ કરવાની ધમકી આપી તા. 5- 7- 2019 સુધીમાં અનેક વખત શારીરિક સંબંધ બાંધ્યા હતા. આ કારણે આરોપીના ગુનાહિત કૃત્યથી ફરિયાદી યુવતી ગર્ભવતી બની હતી અને બાળકને જન્મ આપ્યો હતો. આ સમગ્ર બનાવ અંગે ઓઢવ પોલીસ મથકમાં આરોપી વિરૂદ્ધ ફરિયાદ નોંધાઇ હતી.

આરોપીની જામીન અરજીની વિરુધ્ધની દલીલો

આરોપીની જામીન અરજી નો સખત વિરોધ કરતા મુખ્ય સરકારી વકીલ સુધીર. બી. ભ્રમભટ્ટે જણાવ્યું હતું કે પ્રસ્તુત કેસમાં ખુદ ભોગ બનનાર યુવતી ઘ્વારા જ ફરિયાદ આપવામાં આવી છે અને તેમાં અરજદાર આરોપીનો નામજોગ ઉલ્લેખ કરવામાં આવ્યો છે. ફરિયાદી નું ક્રિમિનલ પ્રોસીઝર કોડ ની કલમ- 164 હેઠળનું નિવદન પણ નોંધવામાં આવ્યું છે. જેથી આરોપીના ગુનાહિત કૃત્યને સમર્થન પ્રાપ્ત થાય છે ઉપરાંત ફરિયાદીના બાળક નો પિતા હાલનો અરજદાર આરોપી હોવાના ડીએનએ રીપોર્ટ માં પણ સામે આવ્યું છે . આમ , અરજદાર આરોપી વિરૂદ્ધ પ્રથામ દર્ષ્ટીએ ગુનો બને છે. અહી મહત્વની બાબત એ પણ છે કે આરોપી ગુજરાત બહાર મધ્યપ્રદેશ નો વતની છે ત્યારે જો તેને જામીન મુક્ત કરાય તો ગુનાની ગંભીરતા અને સજાની જોગવાઈને ધ્યાનમાં લેતા તે નાસી પણ જાય અને કેસના ટ્રાયલ દરમિયાન કોર્ટમાં રૂબરૂ હાજર ના રહે તેવી પુરી શક્યતા છે ત્યારે હાઇકોર્ટ આરોપીની જામીન અરજી ફગાવી દેવી જોઈએ