રાજકોટને 8 દિવસ ચાલે એટલું પાણી નબળી પાઈપલાઈનમાં ભંગાણથી વેડફાયુ

એક તરફ લોકોને પીવાનું પાણી મળતું નથી ત્યાં બીજી તરફ લાખો લિટર પાણીનો બગાડ નર્મદા નિગમના અધિકારીઓની બેદરકારીના કારણે થયો હતો. રાજકોટ પાસે નર્મદાની પાઇપ લાઇનમાં ભંગાણ થતાં 8 દિવસ ચાલે એટલું પાણી વેડફાઇ ગયું છે. ગૌરીદળ ગામ પાસે નર્મદાની પાણીની પાઇપલાઇનમાં ભંગાણથી લાખો લિટર બહાર આવી જઈને 3 હેક્ટર જેટલી જમીનમાં ભરાઈ ગયું હતું. ખેડૂતોની જમીનનું ધોવાણ થયું છે. પાકને પણ નુકસાન થયું છે. પાણી પૂરવઠા વિભાગની બેદરકારીને કારણે આ ઘટના બની છે. 20 એમએલડી પાણીનો બગાડ થયો છે. તેના પગલે પમ્પિંગ બંધ કરવામાં આવ્યું છે અને હાલ રિપેરીંગ કામ શરૂ કરવામાં આવ્યું છે. મધરાતે ઘટન ાબની હતી.

એક જ સ્થળે બીજી વખત આવી ઘટના બની છે. ગામ લોકોએ નબળા બાંધકામ અંગે સત્તાવાળાઓનું ધ્યાન દોર્યું હતું તેમ છતાં તે અંગે કંઈ ધ્યાન આપવામાં આવ્યું ન હતું. સવારે 10 વાગ્યે લાઇન ખાલી થઇ જતાં રિપેરીંગ કામ હાથ ધરવામાં આવ્યું છે.