ગુજરાતી
English
રાજ્યના એસ.ટી. નિગમના ૪૫૦૦૦ થી વધુ કર્મચારીઓ દ્વારા તેઓના પ્રશ્નો અંગે સરકારે ત્રણ પ્રધાનોની સમિતિ બનાવી હતી વિજયભાઇ રૂપાણી અને રાજ્ય સરકારને રજુઆતો કરાઇ હતી.
સમિતિએ સંગઠન સાથે ચર્ચા વિચારણા કરીને સાતમાં પગાર ધોરણનો સ્કેલ ટુ સ્કેલ અમલ તા.૦૧.૦૪.૨૦૧૮ થી કરવામાં આવશે. આ સેટલમેન્ટનો સમયગાળો તા.૦૧.૦૪.૨૦૧૮ થી આઠ વર્ષ એટલે કે, તા.૩૧.૦૩.૨૦૨૬ સુધીનો રહેશે તથા ત્યાર પછી દર દસ વર્ષનો રહેશે. ડ્રાઇવર કક્ષાનો ગ્રેડ-પે છઠ્ઠા પગાર ધોરણ પ્રમાણે રૂ.૧૬૫૦ થી વધારી રૂ.૧૮૦૦ અને કંડક્ટર કક્ષાનો ગ્રેડ-પે રૂ.૧૪૦૦ થી વધારી રૂ.૧૬૫૦ કરી તે મુજબ સાતમાં પગાર ધોરણનો સ્કેલ ટુ સ્કેલ લાભ આપવામાં આવશે.
ફીક્સ પગારના કર્મચારીઓ માટે નિગમ દ્વારા હવે પછી નક્કી કર્યા અનુસાર સુધારા મુજબનો ફીક્સ પગાર આપવામાં આવશે. સાતમાં પગાર પંચની અમલવારી માર્ચ-૨૦૧૯ પેઇડ ઇન એપ્રિલ-૨૦૧૯ ના પગારમાં કરવામાં આવશે તેમજ તા.૦૧.૦૪.૨૦૧૮ થી તા.૨૮.૦૨.૨૦૧૯ સુધીનું એરીયર્સ જુન, ઓગસ્ટ અને ઓક્ટોબર-૨૦૧૯ એમ ત્રણ હપ્તામાં ચુકવવામાં
આવશે.
શિક્ષકો સાથે સમજૂતી
ગુજરાત રાજ્ય પ્રાથમિક શિક્ષક સંઘના હોદ્દેદારોની પડતર માંગણીઓ સંદર્ભે રાજ્ય સરકારે જે નિર્ણય લીધા છે તેનો
લાભ ૧.૨૫ લાખથી વધુ શિક્ષકોને મળશે. જેમાં પ્રાથમિક શિક્ષકોની ફીક્સ પગારની નોકરીનો સમયગાળો સળંગ ગણવાની બાબતનો રાજ્ય સરકારે સૈધ્ધાંતિક સ્વીકાર કર્યો છે. ફીક્સ પગારની નોકરીનો સમયગાળો બઢતી, પ્રવરતા, ઉચ્ચતર પગાર ધોરણ અને નિવૃત્તિ વિષયક લાભો માટે પણ નોકરી સળંગ ગણવામાં આવશે. જે પ્રાથમિક શિક્ષકોને હાલની તારીખે જુની પેન્શન યોજના લાગુ પડે છે તેઓને જુની પેન્શન યોજના લાગુ પડશે અને જે પ્રાથમિક શિક્ષકો નવી પેન્શન યોજનામાં જોડાયેલ છે તેઓને નવી પેન્શન યોજના લાગુ પડશે. અર્થાત નોકરી સળંગ ગણવાથી તેઓને લાગુ
પડેલ પેન્શન યોજનામાં કોઇ ફેરફાર કરવાનો રહેશે નહી.
નોકરી સળંગ ગણવાને કારણે પગાર બાંધણી થતાં નક્કી થયેલ પગારનો કોઇપણ પ્રકારનો તફાવત રોકડમાં કે અન્ય રીતે ચુકવવાપાત્ર થશે નહી. આ ગણતરી નોશનલ કરવાની રહેશે. આ તમામ લાભો શિક્ષકોને તા.૦૧.૦૪.૨૦૧૯ થી મળવાપાત્ર થશે.
