ગુજરાતી
English
ડીસા તાલુકાના ડાવસ ગામે સડેલા બટાકા ખાતા 2 ગાયોના મોત નિપજ્યા હતા. ગાય માલિકે બટાકા ફેકનાર કોલ્ડ સ્ટોરેજ માલિકો સામે આક્ષેપ કર્યા હતા કે તેઓએ ગાયના મરણ બાદ સડેલા બટાકા અને મૃત ગાયનો નાશ કરવા પ્રયત્ન કર્યો હતો. ડીસા ખાતે અગાઉ નાયબ કલેકટર દ્રારા જાહેર માં સડેલા બટાકા નાખવા ઉપર પ્રતિબંધ મુક્યો હતો. અને જાહેરનામું પ્રસિદ્ધ કરવામાં આવ્યું હતું. જો કે, તેમ છતાં કેટલાક કોલ્ડ સ્ટોરેજ માલિકો દ્વારા જાહેરનામાને ઘોળીને પી ગયા હોવાની વ્યાપક બુમરાડ ઉઠવા પામી છે. ડીસા તાલુકાના ડાવસ ગામ ખાતે સડેલા બટાકા ખાવાના કારણે ગુરુવારે બે ગાયોનાં મોત નિપજ્યા હોવાના અહેવાલ સાંપડ્યા હતા. ગાયોના મોત નિપજતાં ગામમાં અરેરાટી મચી ગઈ હતી. બીજી તરફ આ સડેલા બટાકા ડાવસ રોડ પર આવેલ કોલ્ડ સ્ટોરેજ સંચાલકોએ ફેક્યા હોવાનું ગાય માલિકોએ જણાવ્યુ હતું. આ અંગે ગાય માલિક ધુખાભાઈ ઠાકોરે જણાવ્યું હતું કે, કોલ્ડ સ્ટોરેજ સંચાલકોએ સડેલા બટાકા ફેંક્યા હતા. જે આરોગ્યા બાદ અમારી ગાયોના મોત નિપજ્યા છે. ગાયોના મોત નિપજ્યા બાદ કોલસ્ટરજ સંચાલકોએ અમારી ગાયોને દાટી દીધી હતી
