હાર્દિક પટેલની ‘‘ખેડૂત વેદના યાત્રા”નો પ્રારંભ

આજે સવારે ફતેપુરથી થયો પ્રારંભ અને ર3 ડિસેમ્‍બરે બાલાપુરમાં સમાપન

પાસના કન્‍વીનર અને પાટીદાર અનામત આંદોલનના નેતા હાર્દિક પટેલની અઘ્‍યક્ષતામાં અમરેલી જીલ્‍લામાં ખેડૂત વેદના પદયાત્રાનો 4 દિવસ માટે પ્રારંભ થયો છે.

ખેડૂતોનું દેવુ માફ કરો, ખેડૂતોને ટેકાના ભાવ આપો, ખેડૂતોને પાક વીમો આપો અને ખેડૂતોને સમયસર 24 કલાક વીજળી આપવાની માંગણી સાથે આ યાત્રાનું આયોજન કરવામાં આવ્‍યું છે.

હાર્દિક પટેલની અઘ્‍યક્ષતામાં યોજાનાર ખેડૂત વેદના પદયાત્રા પ્રથમ દિવસે અમરેલી અને સાવરકુંડલાનાં ગ્રામ્‍ય વિસ્‍તારોમાં ફરશે અને સાવરકુંડલા તાલુકાના નેસડી ગામે સાંજે 6 વાગ્‍યે ગ્રામસભા યોજાશે અને રાત્રી રોકાણ કરશે.

21 ડિસેમ્બર 2018ના દિવસે પદયાત્રાના બીજા દિવસે બપોરે 12 વાગ્‍યે ચલાલા ખાતે ગ્રામસભા સાથે પદયાત્રાનો પ્રારંભ કર્યો હતો. ત્‍યારબાદ ધારીના ગોપાલગ્રામ ખાતે યાત્રાનું આગમન થશે. સાંજે 6 વાગ્‍યે ધારીના હાલરીયા ગામે ગ્રામસભા અને રાત્રી રોકાણ કરશે.

22ને શનિવારે સવારે 10 વાગ્‍યે બગસરા તાલુકાના હામાપુર ગામે પદયાત્રાનું આગમન થશે ત્‍યારબાદ બપોરે 1ર વાગ્‍યે કાગદડીમાં ગ્રામસભા બાદ લુંધીયા અને સુડાવળમાં પદયાત્રાનું આગમન થશે. સાંજે 6-30 વાગ્‍યે બગસરાના શાપરમાં ગ્રામસભા યોજાશે અને પદયાત્રા ત્‍યાં જ રાત્રી રોકાણ કરશે.

23મીએ રવિવારે પદયાત્રાના અંતિમ દિવસે બગસરામાં સવારે 10 વાગ્‍યે ગ્રામસભા યોજાશે. જયારે બપોરે 12 વાગ્‍યે ડેરી પીપળીયામાં ગ્રામસભા યોજાશે અને સાંજે પણ વાગ્‍યે માવજીંજવામાં પદયાત્રાનું આગમન થશે.

યાત્રાનું સમાપન 23મીએ રવિવારે સાંજે 7 વાગ્‍યે બગસરાના બાલાપુરમાં થશે. ખેડૂત વેદના મહાસંમેલનને હાર્દિક પટેલ સંબોધશે.