હું પ્રધાન બનીશ અને તને મારી સાથે રાખીશ, સેટીંગ કરીશ – ભાજપના આશા પટેલનો ઓડિયો

ઊંઝાની વિધાનસભાના ભાજપના ઉમેદવાર આશા પટેલની એક ઓડિયો ક્લિપ વાયરલ થઈ છે. આ ઓડિયો ક્લિપમાં આશા પટેલ કહે છે કે, મેં એવું નક્કી કર્યું છે કે, આ સરકારને તું સ્વીકારી લે અને હું જો આ વખતે 25 હજારથી વધારે વોટથી જીતીશ તો હું રૂપાણી સરકારમાં પ્રધાન બનાવની છું.

નોકરી મેળવવા ઈચ્છતા બ્રિજેશ પટેલ પટેલને તે કહે છે કે, મને મિનિસ્ટર બનાવશે તો હું તને મારી સાથે રાખીશ અને એ રીતે આપણે કંઈ એવું સેટિંગ કરીશું નજીકમાં મારી જોડે રે, તને તારી જીંદગીમાં 5 વર્ષની અંદર સેટિંગ કરીશ. હું નોકરીનું ફૂલ ટાઈમ ગમે તે રીતે બરાબર અથવા મારી જોડેને જોડે રાખીશ મારે તો શું જીંદગીમાં સારા માણસોની જરૂર જ છે, બરાબર.

બ્રિજેશ પટેલ : રાઈટ

આશા પટેલ : એ રીતે આપણે આખું કરીશું, પેલુ 50 લાખ રૂપિયામાં પતિ જવું એના કરતા આ એક સારી પોલિસી એવું હું માનું હું એ આપી શકું મારી લાગણી છે. એ કોંગ્રેસમાં ન જોડાયો હોત તો એ કિંગ મેકર હોત અને આંદોલનકારીએ કિંગ મેકર જ રહેવું જોઈએ, વિમલભાઈ રૂ.35 આપતા હતા એટલું તો કરી લે સેટ.

બ્રિજેશ પટેલ : હું તો વાત કરું હમણાં કે, વિમલભાઈ રૂ.35 આપતા હોય તો રૂ.35 આપો. તમે યસ કે નો કહી દો. તમારે આપવા હોય તો યસ કહી દો અને ન આપવા હોય તો નો કહી દો.

આશા પટેલ : તમે એવું ન કહેતા કે, હું આશાબેનને મળ્યો તો.

બ્રિજેશ પટેલ : ના કરું હું વાત જ ન કરું એના મગજમાં સીધો પોઈન્ટ આવી જાય કે આશાબેન અહિયાનું કરાવતા હશે. એટલે હું કાલનો આજ વિચારતો હતો કે, આશાબેનની આપણે કોઈ વાત નથી કરવી.

આશા પટેલ : સત્તા હોયને એટલે બધા આપે, સત્તા ન હોયને તો કોઈ ના આપે અને જો હું જીતી ગઈ અને મિનિસ્ટર બની ગઈ તો તારે મને કહેવું નહીં પડે.

બ્રિજેશ પટેલ : એટલો મને વિશ્વાસ છે તમારા ઉપર તો વિશ્વાસ છે.

આશા પટેલ : તારે મને કહેવું નહીં પડે.

બ્રિજેશ પટેલ : આ પછી તમે મને એટે ટાઈમ ફોન કર્યો છે. ઘરે તમે અત્યાર સુધી આવેલો અને બેઠેલો પણ 5 લાખ રૂપિયા આપે. 5 લાખ રૂપિયાનું આપણે શું બેન થઇ જવાનું.

આશા પટેલ : 10 લાખ રૂપિયા કેતોતો અને નોકરી પેલી પ્રાઇવેટની.

બ્રિજેશ પટેલ : એ તો પ્રાઈવેટ સેક્ટરમાં જ કહેતો હતો.

આશા પટેલ : ગવર્મેન્ટ.

બ્રિજેશ પટેલ : ગવર્મેન્ટે મને એને કીધુ તો કે, હું બ્રિજેશ નોકરીનું કરાવી દવ. આ તો શું બેન હવે હું તમારા થ્રુ નહીં કેવડાવું. આજે ટ્રાય કરી જોવ ચિરાગને સીધું કઈ દવ.

આશા પટેલ : પણ તું હાલ એકદમ ઓપોઝમાં ન જતો રેતો.

બ્રિજેશ પટેલ : ઓપોઝમાં કોઈ પણ વાત નહીં. મારે કશું જ કરવાનું નહીં, મારે સમર્થન જ કરવાનું છે. ઓપોઝમાં તો જવાનું પણ નથી.