14 જાન્યુઆરીએ ઉત્તરાયણમાં 3351 બનાવોમાં 186ના ગળા કપાયા, એકનું મોત

અમદાવાદ, 15 જાન્યુઆરી 2020

જ્યભરમાં ઉત્તરાયણની ઉજવણીમાં 14 જાન્યુઆરી 2020માં ૧૦૮ એમ્બ્યુલન્સને સાંજના ૬ વાગ્યા સુધીમાં ૩૩૫૧ ઈમરજન્સી કોલ્સ મળ્યા હતા. જ્યારે ગત વર્ષે ૩૦૫૫ કોલ મળ્યા હતા. આમ ૨૦૧૯ કરતા ૨૯૬ કોલ વધુ ફોન કોલ મળ્યા છે.  દોરી વાગવાના ૧૮૬ કેસ નોંધાયા છે. સુરતમાં બાળક અને વૃદ્ધને દોરી વાગી છે અને એક યુવકની જીભ કપાઈ ગઈ છે. તેમજ અમદાવાદમાં કિશોરી ધાબા પરથી પટકાઈ છે. એક બાઈક ચાલકને દોરી વાગતા ૨૮ ટાકા આવ્યા છે.

સુરતના  ચલથાણમાં રહેતા પપ્પુસિંગ બાઈક પર ત્રણ સંતાનોને લઈ પાર્લે પોઈન્ટ ખાતે આવેલા અંબાજી માતાના દર્શન કરવા જઈ રહ્યાં હતાં ત્યારે તેમના આગળ બેઠેલા શિવમ(ઉ.વ.૪)ના ગળામાં દોરી ભરાઈ હતી.

ઘોડદોડ રોડ ખાતે આવેલી બીએસએનએલ કોલોનીમાં રહેતા બાલુભાઈ પવાર (ઉ.વ.૬૭) નિર્મળ હોસ્પિટલ સામે ફલાઈ ઓવર બ્રીજ પરથી પસાર થઈ રહ્યાં હતાં દોરાથી તેમનું ગળું કપાતા રોડ પર પડી ગયાં હતાં.

ઉધના દરવાજા બ્રિજ પર બાઇક પર જઈ રહેલા યુવકની પતંગના દોરાથી જીભ કપાઈ ગઈ હતી. જેને પગલે ઈજાગ્રસ્ત યુવકને સિવિલમાં દાખલ કરવામાં આવ્યો છે.

વડોદરાના ખોડીયાર નગર નજીક સયાજીપુરા પાણીની ટાંકી પાસે મુખ્યમંત્રી આવાસમાં બી-૭૦૬ બંસીધર હાઇટ્‌સમાં રહેતો ૧૬ વર્ષના કરણ રાઠોડ પતંગ ઉડાવવામાં મશગુલ હતો. આ દરમિયાન અચાનક જ ટેરેસ ઉપરથી પટકાતા કરણનું મોત નીપજ્યું હતું.

અમદાવાદના વસ્ત્રાલમાંથી એક બાઈકચાલક પસાર થઈ રહ્યો હતો ત્યારે તેને દોરી વાગતા પટકાયો હતો. આંખ અને કાન પાસે ૨૮ ટાંકા લેવા પડ્‌યા હતા.

વાડજમાં નેહા નામની ૧૩ વર્ષની કિશોરીને ધાબા પરથી નીચે પટકાતા મોઢાના ભાગે ઇજા થઇ હતી.

સરદારનગર વિસ્તારમાં ૪૨ વર્ષના ઉનમેશભાઈ દત્ત નીચે ધાબા પરથી પટકાતા તાત્કાલિક ૧૦૮ મારફતે બેભાન હાલતમાં સિવિલ હોસ્પિટલમાં ખસેડવામાં આવ્યા હતા.

ભિલોડાના ભૂતાવડમાં પતંગ ચગાવતી વખતે ધાબા પરથી પટકાતા યુવાનને માથામાં પાંચ ટાકા આવ્યા હતા.

રખિયાલ વિસ્તારમાં ૧૨ વર્ષનો જય નામનો કિશોર ધાબા પરથી નીચે પટકાયો હતો.

ક્યાં કેટલા ઇમરજન્સી કોલ આવ્યાં?

જિલ્લો ઇમરજન્સી કોલ્સ
અમદાવાદ 611
સુરત 300
દાહોદ 170
વડોદરા 163
રાજકોટ 159
ભાવનગર 151
વલસાડ 151
કચ્છ 119
ભરૂચ 101
પંચમહાલ 99
જામનગર 98
ગાંધીનગર 86
જૂનાગઢ 85
આણંદ 81
અમરેલી 80
બનાસકાંઠા 77
નવસારી 76
મહેસાણા 74
મહિસાગર 73
નર્મદા 69
ખેડા 67
સાબરકાંઠા 67
છોટાઉદેપુર 65
તાપી 59
ગીર-સોમનાથ 46
પાટણ 44
સુરેન્દ્રનગર 44
બોટાદ 33
પોરબંદર 31
અરવલ્લી 30
ડાંગ 26
દેવભૂમિ દ્વારકા 25
મોરબી 23
કુલ 3351