ભારત કોરોના સામે લડવા રૂ.42000 કરોડની લોન લેશે

સરકારે એશિયન ડેવલપમેન્ટ બેંક અને એશિયન ઇન્ફ્રાસ્ટ્રક્ચર ઇન્વેસ્ટમેંટ બેન્ક પાસેથી 6 અબજ ડોલર લેવાનું નક્કી કર્યું છે. 600 કરોડ ડોલર – 42000 કરોડ થાય છે.

આ નાણાંનો ઉપયોગ કોરોના સામે લડવા માટે કરવામાં આવશે.

એડીબીનું શું કહેવું છે?
એશિયન વિકાસ બેંકે એક દિવસ અગાઉ કહ્યું હતું કે કોરોના સંક્રમણને કારણે ભારતમાં આર્થિક વિકાસની ગતિ ધીમી થશે. તે અનુમાન કરે છે કે 2020 માં ભારતના કુલ ઘરેલુ ઉત્પાદન (જીડીપી) નો વૃદ્ધિ દર ઘટીને 4 ટકા થશે.

એડીબીએ એમ પણ કહ્યું છે કે કોરોના વાયરસના ચેપને કારણે આંતરરાષ્ટ્રીય આર્થિક સ્થિતિ ખરાબ રહેશે અને ભારતીય અર્થતંત્ર પર પણ તેની અસર પડશે.
સમગ્ર વિશ્વમાં લગભગ 11 લાખ લોકોને કોરોના વાયરસનો ચેપ લાગ્યો છે અને તેનાથી 50,000 થી વધુ લોકો મૃત્યુ પામ્યા છે. ભારતમાં અત્યાર સુધીમાં આશરે 2,500 લોકોને ચેપ લાગ્યો છે અને 62 લોકોનાં મોત નીપજ્યાં છે.
લાઇવમિન્ટ અનુસાર, ભારતમાં ફક્ત 66 હજાર લોકોની જ કોરોના પરીક્ષણ કરવામાં આવી છે. યુ.એસ. અને દક્ષિણ કોરિયામાં કરવામાં આવેલી તપાસ કરતા આ ઘણી ઓછી છે. તેથી વધુ તપાસની જરૂર છે.

વર્લ્ડ બેંક પણ પૈસા આપશે
આ રકમ વિશ્વ બેંક તરફથી એક અબજ ડોલરની આર્થિક સહાય ઉપરાંત હશે. વિશ્વ બેંકે કોરોના ચેપ સામે લડવા માટે 25 દેશોને તાત્કાલિક લોન આપવાની જાહેરાત કરી છે. તેમાં ભારતનો સમાવેશ પણ છે. વર્લ્ડ બેંકે એમ પણ કહ્યું છે કે તે ભારતને ટેસ્ટ કીટ અને રક્ષણાત્મક સાધનો વગેરે ખરીદવા માટે પૈસા આપશે.
વર્લ્ડ બેંક ઇન્ડિયાના ડિરેક્ટર ઝુનાઈદ અહમદે લાઇવમિન્ટને જણાવ્યું હતું કે, “કોરોના સામાન્ય રોગચાળો નથી, તે આખી દુનિયા સામે મોટો આરોગ્ય પડકાર છે. તેના ગંભીર સામાજિક અને આર્થિક પરિણામો આવશે. તેથી અમે તેની અસરોને રોકવા અને જીવન બચાવવા માટે ઘણા દેશો સાથે મળીને કામ કરી રહ્યા છીએ. ‘