ગુજરાતી
English
અમદાવાદ જિલ્લા કલેક્ટર અને જિલ્લા ચૂંટણી અધિકારી ડૉ. વિક્રાંત પાંડેએ વિધાનસભા મતવિસ્તાર મુજબ ઇ.વી.એમ. મશીનોની ફાળવણી કરી રવાના કરાવ્યા હતા. ગઇકાલે રાજકીય પક્ષોના પ્રતિનિધિઓ સાથે પ્રથમ રેન્ડમાઇઝેશન
બાદ ચૂંટણી પ્રક્રિયાની આગળની પ્રક્રિયા માટે ઇ.વી.એમ. મશીનોને વિધાનસભા મતવિસ્તાર મુજબ રવાના કરવામાં આવ્યા હતા.
જે મતવિસ્તાર માટે ઇ.વી.એમ. ઉપયોગમાં લેવાના છે તેની હાર્ડ અને સોફ્ટ કોપી રાજકીય પક્ષોને પૂરી પાડવામાં આવી છે. આ સમગ્ર પ્રક્રિયાની શરૂ થી લઇ અંત સુધીની વિડીયોગ્રાફી અને સી.સી.ટીવી સર્વેલન્સ કરવામાં આવી રહ્યું છે તેમ કલેક્ટરએ પત્રકારો સાથેના બ્રિફિંગમાં જણાવ્યું હતું.
આ વખતે ૧,૬૩,૦૦૦ મોકપોલ કરવામાં આવ્યા છે, ૧૦૬૦થી વધુ સ્થળોએ ઇ.વી.એમ.ના નિદર્શન દ્વારા ૨ લાખથી વધુ લોકોને ઇ.વી.એમ.ની કામગીરીથી વાકેફ કરવામાં આવ્યા છે અને હજુ વધુ ને વધુ લોકો ઇ.વી.એમ. ની કામગીરીથી વાકેફ થાય તે માટે નિદર્શનની કામગીરી ચાલુ છે.
રવાના થયેલા ઇ.વી.એમ. સ્ટ્રોંગરૂમમાં સંગ્રહિત કરાશે અને ઉમેદવારો નક્કી થયા બાદ પૂર્ણરૂપથી ઇ.વી.એમ.ના વિવિધ વિભાગોને તૈયાર કરવામાં આવશે.
