આણંદ અને દાહોદમાં બાળ ગુનેગારોની ઓન લાઈન જુબાની શરૂં

ગુજરાત વડી અદાલતના ન્યાયાધીશશ્રી શ્રી વી.પી.પટેલની પ્રેરક ઉપસ્થિતિ વ્યથિત કે પીડિતા ભયમુક્ત વાતાવરણમાં જુબાની આપી શકશે

આણંદ જિલ્લા ન્યાયાલયમાં ગુજરાત વડી અદાલતના ન્યાયાધીશશ્રી વી.પી.પટેલની પ્રેરક ઉપસ્થિતિમાં વ્યથિત સાક્ષી જુબાની કેન્દ્ર ખુલ્લુ મુકાયુ હતુ.

હાઇટેક સુવિધોથી સજ્જ અદાલતમાં વ્યથિત , પીડીતા કે સાક્ષી બાળકો ભયમુક્ત વાતાવરણમાં પોતાનો કેસ સાબિત કરવા પોતાની હકીકત લક્ષી જુબાની આપી શકશે. સાક્ષી તેમજ આરોપી બંનેને જુબાની આપવા માટે અલગ અલગ રૂમની વ્યવસ્થા કરવામાં આવી છે. જ્યાં આરોપી કે સાહેદનો પીડાતાના કોઇ પણ પ્રકારનો સંપર્ક થતો નથી.  ભયમુક્ત રીતે પોતાનો પક્ષ મુકી શકે છે.

વ્યથિત બાળ જુબાની કેન્દ્રની સુવિધાના કારણે બાળકોને ત્વરિત અને સરળ રીતે ન્યાય મળી શકશે.

પ્રાયોગિક રૂપે ગુડ ટચ બેડ ટચને લગતા એક વ્યથિત બાળકીના ડેમો કેસની જીવંત જુબાની આધુનિક ટેકનોલોજીના ઉપકરણોના માધ્યમથી સફળતા પૂર્વક નોંધવામાં આવી હતી.

દાહોદ જિલ્લા ન્યાયાલય ખાતે ‘સંવેદનશીલ સાક્ષી જુબાની કેન્દ્ર’ નું ગુજરાત હાઇકોર્ટના ન્યાયમૂર્તિ શ્રી આર.પી.ઢોલરીયાએ ઉદ્ધાટન કર્યું હતું. આ કેન્દ્ર જાતિય ગુનાઓ સહિતના વિવિધ ગુનાઓમાં ભોગ બનનારા અને બાળ સાક્ષી તથા વિવિધ જઘન્ય ગુનાઓમાં ભોગ બનનાર વિશિષ્ટ વર્ગ કે જેઓને કેસના બચાવપક્ષ તરફથી થતા અનુચિત પ્રભાવ કે દબાણ સામે રક્ષણ આપવાની જરૂર છે તેઓ માટે હશે. આ કેન્દ્રના મિત્રતાભર્યા વાતાવરણમાં સંવેદનશીલ સાક્ષી કોઇના પણ દબાણ કે ભય વિના જુબાની આપી શકશે.

સામાન્ય માણસના મનમાં કોર્ટનો એક ડર હોય છે. ત્યારે સંવેદનશીલ સાક્ષી કોઇ પણ જાતના દબાણ, ભય, પ્રલોભન કે કોઇનાથી પણ પ્રભાવિત થયા વિના જુબાની આપે તે જરૂરી છે માટે એક મિત્રતાપૂર્ણ વાતાવરણ આ કેન્દ્રનું ઉભું કરવામાં આવ્યું છે.

સંવેદનશીલ સાક્ષીને પ્રતિક્ષા કક્ષની સાથે ખાણી પીણીની જગ્યા, રમકડાં અને જુબાની કક્ષ ધરાવતો એક કોર્ટ રૂમ હશે કે જેમાં ઓડીયો વિડયો જોડાણના અમલીકરણની અધતન ટેકનોલોજીવાળી આઇપી કેમેરા આધારિત સીસીટીવી સાથે વાયરલેસ હેડફોનવાળી પીએ સાઉન્ડ મીક્સર સીસ્ટમ જેવા ઉપકરણોથી સજ્જ હશે. આ જુબાની કેન્દ્ર ભારતની નામદાર સવોચ્ચ અદાલતના વર્ષ ૨૦૧૭ અને વર્ષ ૨૦૧૮ માં આપવામાં આવેલા નિર્દશો અનુરૂપ તૈયાર કરવામાં આવ્યું છે.

સાક્ષી જુબાની કક્ષમાં રાખવામાં આવેલા વાયરલેસ હેડફોનના માધ્યમથી મદદગાર વ્યક્તિ તે પ્રશ્ન બાળ સાક્ષી કે ભોગ બનનારને મૈત્રીપૂર્ણરીતે પૂછશે.

આ તમામ બાબતો સીસીટીવી માધ્યમથી કોર્ટરૂમમાં જોઇ સાંભળી શકાશે. જુબાની નોંધી શકાશે. આરોપી કોર્ટ રૂમમાં આવેલા ખાસ રીતે તૈયાર કરવામાં આવેલા એક તરફી પારદર્શક કાચવાળા આરોપી ખંડમાં બેસશે. કોર્ટ રૂમમાં આવેલું મોટું ડીસ્પલે યુનીટ પણ ત્યાં હશે. પરંતુ સામાન્ય રીતે ન્યાયાધીશ દ્વારા આરોપીની ઓળખ કરવાનું ચોક્કસપણે કહેવામાં આવે ત્યારે જ બાળકને આરોપીનું ફુટેજ પડદા ઉપર દર્શાવવામાં આવશે.