VIDEO- ઉડતી કાર કેવી છે ? વિડિયો જૂઓ, ગુજરાતમાં ઉડતી કાર બનશે

PAL-V Liberty, the world’s first flying car, is now on sale in the Gujarat


દેશના મેન્યૂફેકચરીંગ હબ અને ઓટો હબ બનેલા ગુજરાતમાં હવે નેધરલેન્ડની PAL-V ફલાઇંગ-ઉડતી કાર બનાવશે. આ અંગેના મેમોરેન્ડમ ઓફ એસોસિયેશન MoU ગાંધીનગરમાં થયા હતા. ગુજરાતમાં નેનો કાર સદંતર નિષ્ફળ રહી છે.  એક લાખની કાર તો ટાટા કંપની આપી ન શકી અને ઉત્પાદન પણ કરી ન શકી. હવે આ પ્લાંટ બંધ થઈ ગયો છે. એક પણ નેનો કાર સાણાંદના પ્લાંટમાં બનતી નથી. પણ હવે રોડ પરથી 3 મીનીટમાં જ હવામાં ઉડતી થઈ જાય એવી કાર બનવાની છે.

આ MoU પર ગુજરાત સરકાર વતી ઊદ્યોગ અગ્ર સચિવ એમ. કે. દાસ તથા PAL-V વતી ઇન્ટરનેશનલ બિઝનેસ ડેવલપમેન્ટના વાઇસ પ્રેસિડેન્ટ કાર્લો માસબોમીલે Mr. Carlo Massbommel વચ્ચે હસ્તાક્ષર થયા હતા. PAL-Vને ગુજરાતમાં પોતાનો ઉત્પાદન પ્લાન્ટ શરૂ કરવા હેતુસરની ભારત સરકાર પાસેથી લેવાની થતી જરૂરી પરવાનગીઓ મેળવવામાં રાજ્ય સરકાર તેમને મદદરૂપ થશે.

ગુજરાતમાં  ઇન્ફ્રાસ્ટ્રકચર તેમજ લોજિસ્ટીકસ અને પોર્ટ ફેસેલીટીઝ વિકસ્યા છે, તે સંદર્ભમાં પોતાની ફલાઇંગ કાર ઉત્પાદનનો સૌપ્રથમ પ્લાન્ટ રાજ્યમાં શરૂ કરવા PAL-V એ ગુજરાત પર પસંદગી ઉતારી છે એમ શ્રીયુત કાર્લોએ આ અવસરે જણાવ્યું હતું. ગુજરાતમાં હાલ સૂઝૂકી અને ફોર્ડ મોટર્સના એકમો કાર્યરત છે તેમજ રાજ્યમાં લો કોસ્ટ ઓફ પ્રોડકશન અને અનૂકુળ ઇકોસિસ્ટમને પરિણામે અન્ય દેશોમાં નિકાસની સરળતા રહેલી છે તેનો સર્વગ્રાહી અભ્યાસ પણ PAL-V એ કર્યો છે એમ તેમણે કહ્યું હતું.

ર૦ર૧ના મધ્યમાં ગુજરાતમાં ઉત્પાદિત થનારી આ ફલાઇંગ કાર્સનું કોમર્શિયલ લોન્ચીંગ કરવાના આયોજન સાથે તેઓ આગળ વધી રહ્યા છે. એટલું જ નહિ, યુરોપ અને યુ.એસ.માંથી આવી ૧૧૦ કારના ઓર્ડર્સ પણ તેમને મળી ગયા છે.  ફલાઇંગ કાર્સનો પ્રોડકશન પ્લાન્ટ નવા કિર્તીમાન અપાવશે.

શ્રીયુત કાર્લો માસબોમિલે આ ફલાઇંગ કારના કોમર્શીયલ પ્રોડકશન લોન્ચીંગની જરૂરી પરમીશન તેમને મળી ગઇ છે તેની વિગતો આપતાં ઉમેર્યુ કે, નાના એરક્રાફર્ટ –પ્લેનમાં હોય છે તેવાં રોટેક્ષ એન્જીનનો ઉપયોગ આ ફલાઇંગ કારમાં કરવામાં આવશે. જ્યારે કાર લેન્ડ થશે ત્યારે એક એન્જીન કાર્યરત રહેશે જેના પરિણામે કલાકના ૧૬૦ કિ.મી.ની ઝડપ આ ફલાઇંગ કારની હશે, જ્યારે આ કાર પ્લેનની જેમ હવામાં તરતી હશે ત્યારે તેના બેય એન્જીન કામ કરતા હોવાને કારણે કલાકના ૧૮૦ કિ.મી.ની ઝડપે તે ઊડશે.
આ ફલાઇંગ કારની ખાસિયત એ છે કે માત્ર ૩ મિનિટમાં જ તે રોડ પર દોડતી કારમાંથી ફલાઇંગ કાર – હવામાં ઉડતી કારની ગતિ પકડી લેશે અને પ૦૦ કિ.મી.ની સફર એકવાર ફૂલ ટેન્ક ઇંધણથી કરી શકશે.  MoU વેળાએ ઊદ્યોગ કમિશનર શ્રી રાહૂલ ગુપ્તા અને ઇન્ડેક્ષ-બી ના એમ.ડી. નિલમ રાની પણ જોડાયા હતા.