ગુજરાતી
English
રાજકોટની લેડી ડોન તરીકે જાણીતી અને ક્રાઇમની દુનિયામાં જેના માથે અનેક ગુના છે તેવી સોનુ ડાંગર પોલીસ સકંજામાં આવી ગઇ છે, રાજસ્થાનની ઉદેપુરની એક હોટલમાં છુપાઇને બેઠી સોનુને ગુજરાત પોલીસે ઝડપી લીધી છે, થોડા દિવસ પહેલા તેને એક વીડિયો બનાવીને અમરેલી SP નિર્લિપ્ત રોય અને PSI જલ્પા ડોડિયાને જોઇ લેવાની ધમકી આપી હતી. બાદમાં તેની સામે ધમકી આપવાનો અને સરકારી કામમાં રૂકાવટ ઉભી કરવાની કલમો હેઠળ ગુનો નોંધાયો હતો,અમરેલી પોલીસે તેને શોધવા 18 જેટલી ટીમો બનાવી હતી, જ્યારે અમરેલી ક્રાઇમ બ્રાન્ચ ઉદેપુરની હોટલમાં પહોંચી ત્યારે રૂમનો દરવાજો ખોલતા જ તે ચોંકી ઉઠી હતી, ફફડી ગઇ હતી, તે અહી છેલ્લા 5 દિવસથી રૂમમાં પુરાઇ રહી હતી
થોડા દિવસ પહેલા આરોપી મુન્ના રબારીની ધુલાઇ મામલે સોનુ ડાંગરે અમરેલી એસપી અને પીએસઆઇને ધમકી આપતા કહ્યું હતુ તે તમે મારાથી સંભાળજો, તમને છોડવામાં આવશે નહીં, મહિલા પીએસઆઇ ડોડિયાને કહ્યું હતુ તે આપણો આમનો સામનો થશે, તમને જોઇ લેવામાં આવશે, મુન્ના રબારીની હથિયારના કેસમાં પોલીસે ધુલાઇ કરી હતી, આ મામલે સોનુ ઉશ્કેરાઇ હતી
સોનુ ડાંગર અને તેના સાથીઓની અમદાવાદના વસ્ત્રાલની હોટલમાંથી દારૂ પાર્ટી વખતે ધરપકડ કરાઇ હતી, જેમાં બે આરોપીઓ હથિયારના કેસમાં અમરેલી પોલીસના વોન્ટેડ હોવાથી તેમને અમરેલી લઇ જવાયા હતા, સોનુ ડાંગર જામીન પર બહાર આવી ગઇ હતી, બાદમાં તેને વીડિયો બનાવીને ધમકી આપી હતી, સોનુ ઉપર અગાઉ હત્યા, ખંડણી, મારામારી, પોલીસ પર હુમલો, જમીનના કેસ અને દારૂ સહિતના અનેક કેસ નોંધાયેલા છે.
