એસવીપી હોસ્પિટલ અમદાવાદ

27 વર્ષના રાજમાં ભાજપની પહેલી હોસ્પિટલ, આજે લોકાર્પણ

2019, અમદાવાદ
1.10 લાખ ચોરસમીટરમાં તૈયાર કરાયેલી અદ્યતન એસવીપી હોસ્પિટલ 78 મીટરની ઉંચાઈની અને એક જ બિલ્ડીંગમાં 1500 પથારી હોય તેવી પ્રથમ સરકારી હોસ્પિટલ છે.7.5ની તીવ્રતાનો ભૂકંપ અને પ્રતિ કલાક 170 કિ.મીની ઝડપે વાવાઝોડાનો સામનો કરી શકે તેવી આ હોસ્પિટલનંુ બાંધકામ આરસીસી અને સ્ટીલફ્રેમથી તૈયાર કરાયું છે. જેના કારણે આ હોસ્પિટલનું વજન 4.34 લાખ ટન થાય છે.એક ટાઈટનિકનંુ વજન 62 હજાર ટનનું હતું. સાત ટાઈટનિક તૈયાર થાય તેટલા વજનવાળું આ બિલ્ડિંગ છે.

22 વિભાગ સાથે 18મીથી હોસ્પિટલ. 90 ઓપીડી કન્સલ્ટેશન રૂમ છે. દરેક વોર્ડમાં દર્દી સાથે 1 વ્યકિત રહી શકે તેવો બેડ અને સ્ટોરેજની વ્યવસ્થા અલાયદી છે. કોલકાતાની હોસ્પિટલમાં આગ લાગવાની ઘટનાને ધ્યાને લઈને તમામ પ્રકારની યૂટીલિટી સેન્ટર હોસ્પિટલની નીચે રાખવાને બદલે અલાયદું બિલ્ડિંગ ઊભું કરવામાં આવ્યંયુ છે.

જનરલમાં દૈનિક રૂ.300 ચાર્જ
દૈનિક પથારી ચાર્જ રૂા.300
સ્યૂટ રૂમ ચાર્જ રૂા.2500
ડિલકસ રૂમ ચાર્જ રૂા.2000
સેમિડિલકસ રૂમ ચાર્જ રૂા.1500
ઓપીડી કન્સલ્ટેશન ફી રૂા.100-300
ફોલોઅપ ફી રૂા.50-200
ડાયટ કન્સલ્ટેશન રૂા.100
ઈમરજન્સી કન્સલ્ટેશન ફી રૂા.150

ઓપરેશન માટે ચાર્જ
એ માઈનોર રૂા.3000 રૂા.10000
બી મેજર રૂા.5000 રૂા.30000
સી સયુપર મેજર રૂા.8000 રૂા.50000
જનરલ વોર્ડમાં 55 હજારનો બેડ
જનરલ વોર્ડના પ્રત્યેક બેડની કિંમત 55 હજાર છે. એબીસી પેનલવાળા આ બેડ વિવિધ પરિસ્થિતિમાં એડજસ્ટ થઈ શકે છે.બેડ સાથે દર્દીને ઓપરેશન રૂમમાં લઈ જઈ શકાય છે.
139 ICU, 4 સ્યૂટ, 36 ડીલક્સ, 140 સેમી ડીલક્સ રૂમ
રિપોર્ટ માટે ધક્કા નહીં ખાવા પડે
આ પહેલી એવી હોસ્પિટલ છે જેમાં તમામ ફ્લોર પર ન્યુમેટિક ટયૂબ સિસ્ટમ છે. બ્લડ કે યુરીન રિપોર્ટ લેવા-જવા માટે દર્દીના સગાંએ ધક્કાં ખાવા પડશે નહીં. ઓટોમેટિક હેરફેર થશે.
78 મીટર શહેરનું સૌથી ઊંચું બિલ્ડિંગ
32 ઓપરેશન થિયેટર.
2000 ટનની ક્ષમતાનો એસી પ્લાન્ટ.
90 ઓપીડી કન્સ્લટેશન.
1500 લોકોને સમાવતો પ્રવેશ ખંડ.
18મીથી પ્રારંભ | એક જ બિલ્ડિંગમાં 1500 બેડ અને હેલિપેડ ધરાવતી દેશની પહેલી સરકારી હોસ્પિટલ
એ બધું જે તમે જાણવા માગો છો
જનરલ વોર્ડના રૂ.300 ચાર્જમાં દર્દીને 3 વખત જમવાનું, ડોક્ટરની બે વિઝિટ
હોસ્પિટલ ક્યારથી અને કેટલી પથારીથી શરૂ થશે?

18 જાન્યુઆરીથી હોસ્પિટલ શરૂ થશે. પ્રારંભમાં જનરલ વોર્ડમાં 300 પથારીથી શરૂઆત થશે અને 24થી 48 કલાકમાં સ્પેશિયલ રૂમ શરૂ થશે.

જનરલ વોર્ડ
દૈનિક 300 રૂપિયાના ચાર્જમાં ડોક્ટરની બે વિઝિટ, નર્સિંગ સેવા, દર્દીના અલાયદા વસ્ત્રો અને ત્રણ ટાઈમ જમવાનો સમાવેશ થાય છે.

ઓનલાઈન રજિસ્ટ્રેશનની હાલ કોઈ વ્યવસ્થા કરવામાં આવી નથી, રૂ.100 ભરીને રૂબરૂ જઈ રજિસ્ટ્રેશન કરાવવાનું રહેશે.

મેડિક્લેઈમ અને કેશલેસની સુવિધા સુવિધા ઉપલબ્ધ નથી. જો કે બંને સુવિધા પૂરી પાડવા જરૂરી કંપનીઓ સાથે જોડાણની પ્રક્રિયા ચાલુ છે. ટૂંક સમયમાં શરૂ થઈ જશે.

મા કાર્ડ અને આયુષ્યમાન ભારત સરકારી યોજના લાગુ પડે છે. આયુષ્યમાન ભારત સાથે જોડાણ માટે કાર્યવાહી ચાલી રહી છે અને એક સપ્તાહમાં સત્તાવાર જાહેરાત થશે.

સ્પેશિયલ રૂમ માટે રૂ.8 હજાર ડિપોઝિટ છે.
નિવૃત્ત અને પ્રવર્તમાન કર્મચારીએ પણ બિલ ભરવું પડે છે. આ કર્મચારી પછીથી બિલની રકમ રિઈમ્બર્સ કરાવી શકે છે.

વીવીઆઈપી માટે હોસ્પિટલમાં આવી કોઈ ફાળવણી કરાઈ નથી.
18 માળની હોસ્પિટલમાં કુલ 20 લિફ્ટની વ્યવસ્થા છે. દરેક લિફ્ટની ક્ષમતા 20ની છે અને એક ફ્લોર સુધી પહોંચવા માત્ર 1 સેકન્ડ લાગે છે.
પ્રારંભમાં જનરલ વોર્ડના 300 બેડ માટે 85 ડોક્ટર્સની ટીમ છે.

વીએસ સંકુલમાં બનેલી એસવીપી હોસ્પિટલનું વજન 4.34 લાખ ટન છે. હોસ્પિટલ બિલ્ડિંગ પર લેસર-શો થાય છે.

કોંગ્રેસના શાસનમાં 5 હોસ્પિટલ બની
મ્યુનિસિપલ કોર્પોરેશન સંચાલિત જૂની વીએસ હોસ્પિટલ, શારદાબેન, એલજી, નગરી અને ચેપીરોગ સહિતની હોસ્પિટલ કોંગ્રેસના કાર્યકાળ દરમિયાન બનાવાઈ હતી. 18 માળની આ હોસ્પિટલ પહેલી છે જે ભાજપના 28 વર્ષના શાસનમાં પહેલી બનાવવામાં આવી છે.

માળ
બેઝમેન્ટ 1 અને 2 : પાર્કિંગ
ગ્રાઉન્ડ ફલોર : ઈમરજન્સી, ડાયગ્નોસ્ટિક, ઓપીડી, ઓર્થો, ન્યૂરોસર્જરી વોર્ડ
પ્રથમ : ઓપીડી
બીજો : સર્જરી વોર્ડ અને ઓપરેશન થિયેટર, આઈસીયુ, ગેસ્ટ્રોલોજી, યુરોલોજી
ત્રીજો : કેથલેબ, કાર્ડિયોલોજી અને કાર્ડિયો સર્જરી વોર્ડ તથા ઓપરેશન થિયેટર
ચોથો : બર્ન્સ, ન્યૂરો સર્જરી, પ્લાસ્ટિક સર્જરી વોર્ડ
પાંચમો : ન્યૂરોલોજી, ઓર્થોપેડિક ઓપરેશન થિયેટર
છઠ્ઠો : ઓબસ્ટ્રેટીક અને ગાયનેકોલોજી, પિડિયાટ્રીક વોર્ડ, આઈસીયુ અને ઓ.ટી
સાતમો : ગેસ્ટ્રો એન્ટ્રો સર્જરી, મેડિસીન વોર્ડ અને ઓપરેશન થીયેટર
આઠમો : પીડિયાટ્રીક સર્જરી, ઈએનટીવોર્ડ, આઈસીયુ અને ઓપરેશન થિયેટર
નવમો: સેન્ટ્રલ સ્ટરીલાઈઝેશન, ગેસ્ટ્રો મેડીસીન, ટી.બી વોર્ડ અને આઈસીયુ
દસમો: બ્લડબેંક, લેબોરેટરી, ઓર્થોપેડિક વોર્ડ
અગિયારમો : જનરલ મેડીસીન વોર્ડ
બારમો : સ્પે રૂમ્સ, સ્કીન, સાઈકીઆટ્રી, ડાયાલીસીસ, એન્ડોક્રાઈન,નેફ્રોલોજી
તેરમો : સ્પે.રૂમ, ડોકટર્સ રેસીડેન્ટ (પોસ્ટ ગ્રેજયુએટ)
ચૌદમો : સ્પે.રૂમ્સ, ડોકટર્સ રેસીડેન્ટ (પોસ્ટ ગ્રેજયુએટ)
પંદરમો : ડોકટર્સ રેસીડેન્ટ (પોસ્ટ ગ્રેજયુએટ)
સોળ-સત્તરમો : શેલ ફ્લોર
ટેરેસ : હેલીપેડ અને ઓડિટોરિયમ

OTમાં 24 લાખની લાઈટ મુકાઈ
ઓપરેશન થિયેટરની એક લાઈટ 24 લાખની છે. જર્મનીની કંપની પાસેથી મંગાવેલી લાઈટ ઓપરેશન વખતે ડોકટર્સ સેટ કરી શકશે. તેનો શેડો પડતો નથી.

હોસ્પિટલ વર્ષ
વી.એસ.હોસ્પિટલ 1931
એલ.જી.હોસ્પિટલ 1954
શારદાબેન હોસ્પિટલ 1959
ચેપીરોગ હોસ્પિટલ 1941
નગરી હોસ્પિટલ 1963