આરટીઓના કામકાજમાં નવી સિસ્ટમ લવાશે

રાજ્યમાં વાહન કાયદાનો 16મી સપ્ટેમ્બરથી કડકપણે અમલ શરૂ થવાનો છે ત્યારે નવા વાહનોની નંબર પ્લેટને જે આરટીઓ દ્વારા તૈયાર કરવાની હોય છે તેમાં ઘણો સમય જતો હોવાની ફરિયાદો રાજ્ય સરકારને મળી હોવાનો એકરાર કરીને મુખ્યપ્રધાન રૂપાણીએ કહ્યું કે, આરટીઓમાં એચએસઆરપી નંબર પ્લેટ, આરસી બૂક અને લાયસન્સમાં જે સમય લાગે છે તેની કામગીરી વધુ સરળ અને ઝડપી બને તે માટે સરકાર દ્વારા સઘન વિચારણા કરવામાં આવી રહી છે અને આગામી એક સપ્તાહમાં આ અંગેની નવી સિસ્ટમ ડેવલપ કરીને તેની સત્તાવાર જાહેરાત પણ કરી દેવાશે. આ સિસ્ટમ અમલી બન્યા બાદ આરટીઓમાંથી જે કંઈ વાહન કે વાહનચાલકને લેવાનું હોય છે તે એક દિવસમાં મળી જાય એવું આયોજન કરાશે.