ડાંગર 1835, મકાઈ 1760 અને બાજરી 2000 રૂપિયે પ્રતિ ક્વિંટલથી સરકાર ખરીદશે

ગાંધીનગર, તા.04
રાજ્ય સરકારે ખેડૂતો પાસેથી ટેકાના ભાવે મગફળીની ખરીદી કરવાની જાહેરાત તો અગાઉ કરી જ છે, જ્યારે હવે સરકારે ચાલુ સિઝનમાં ડાંગર, મકાઈ અને બાજરીની પણ ટેકાના ભાવે ખરીદી કરશે એવી જાહેરાત કરી છે. રાજ્ય સરકાર 16 ઓક્ટોબરથી 31 ઓક્ટોબર સુધી આ ત્રણ પાકની ખરીદી કરશે.

ડાંગર, મકાઈ અને બાજરીનો ટેકાનો ભાવ

આ મામલે નાગરિક પુરવઠાપ્રધાન જયેશ રાદડિયાએ કહ્યું કે, સરકારે ખેડૂતો પાસેથી ડાંગર, મકાઈ અને બાજરી ટેકાના ભાવે ખરીદવાનો નિર્ણય કર્યો છે. સરકાર રૂ.1835 પ્રતિ ક્વિંટલના ભાવે ડાંગરની ખરીદી કરશે, જ્યારે રૂ.1760 પ્રતિ ક્વિંટલના ભાવે મકાઈની ખરીદી કરશે. તો રૂ.2000 પ્રતિ ક્વિંટલના ભાવથી બાજરીની ખરીદી કરાશે. આ ખરીદી સરકાર દ્વારા 16 ઓક્ટોબરથી 31મી ઓક્ટોબર દરમિયાન કરવામાં આવશે.