પોશીનાના દેલવાડા વિસ્તારમાં વાવાઝોડા સાથે વરસાદ

પોશીના, તા.૧૯

પોશીના તાલુકાના દેલવાડા(છો.) તથા તેના આજુબાજુના ગામો જેવા કે સેબલિયા, છોછર, ગણેર, ગાંધીસણ જેવા ગામોમાં બુધવારે સાંજે છ વાગ્યાના સુમારે અચાનક વાતાવરણમાં પલટો આવતાં વાવાઝોડા સાથે વરસાદ વરસતાં માર્ગો ઉપર પાણી ફરી વળ્યા હતા. જેથી દેલવાડા લાંબડીયા માર્ગ ઉપર આવેલ ગણેર તળાવ પાસે  યુ.જી.વી.સી.એલની દેલવાડા ગામની જોડતી મેઈન લાઈનના બેથી ત્રણ પોલો પડી જતા દેલવાડા વિસ્તારનો વીજ પુરવઠો ખોરવાઇ જવા પામ્યો છે. જ્યારે દેલવાડા લાંબડીયા માર્ગ ઉપર બાવળના ઝાડ પડતાં વાહન વ્યવહારને પણ અસર થવા પામી હતી.