સીએમએ ફાઇનલનુ પરિણામ ૧૯.૪૩ ટકા, ફાઉન્ડેશનનુ ૫૩.૬૨ અને ઇન્ટર મિડીએટનું પરિણામ ૨૮.૨૬ ટકા

ધ ઇન્સ્ટિટયુટ ઓફ કોસ્ટ એકાઉન્ટ્સ ઓફ ઇન્ડિયા(CMA) દ્વારા જૂન ૨૦૧૯માં લેવાયેલી પરીક્ષાનુ પરિણામ જાહેર કરી દેવામાં આવ્યુ છે. અમદાવાદ ચેપ્ટરનું ફાઇનલનુ પરિણામ ૨૦.૯૯ ટકા આવ્યુ છે. અગાઉ ડિસેમ્બર ૨૦૧૮માં લેવાયેલી ફાઇનલની પરીક્ષાનુ પરિણામ ૨૬.૩૮ ટકા આવ્યુ હતુ. આ વખતે ફાઇનલ પરિણામમાં સામાન્ય ઘટાડો નોંધાયો છે.

સીએમએ.ની ફાઉન્ડેશનની પરીક્ષામાં અમદાવાદ ચેપ્ટરમાંથી કુલ ૬૯માંથી ૩૭ વિદ્યાર્થીઓ પાસ થતાં ૫૩.૬૨ ટકા પરિણામ આવ્યુ હતુ. ઓવરઓલ ઇન્સ્ટિટયુટનું ફાઉન્ડેશનનું પરિણામ ૭૫.૬૬ ટકા આવ્યુ હતુ. આજ રીતે ઇન્ટરમીડીયેટમાં અમદાવાદ ચેપ્ટરમાં ૩૨૯ વિદ્યાર્થીઓએ પરીક્ષા આપતા ૪૮ પાસ થતાં ૨૮.૨૬ ટકા પરિણામ આવ્યુ. ચેપ્ટરનુ પરિણામ ૨૬.૮૦ ટકા આવ્યુ છે. આજ રીતે ફાઇનલની પરીક્ષામાં ૨૪૭ વિદ્યાર્થીઓ ઉપસ્થિત રહ્યા હતા જે પૈકી ૪૮ પાસ થતાં ૧૯.૪૩ ટકા પરિણામ આવ્યુ હતુ. જયારે ઇન્સ્ટિટયુટનુ પરિણામ ૨૦.૯૯ ટકા આવ્યુ હતુ. આમ, અમદાવાદ ચેપ્ટરના ફાઇનલના પરિણામમાં ૬.૭૩ ટકાનો ઘટાડો અને ઇન્ટરમીડીયેટના પરિણામાં ૦.૮૯ ટકા વધારો નોઁધાયો છે. અમદાવાદ ચેપ્ટરમાંથી ૨૮ વિદ્યાર્થીઓે સીએમએ થયા છે. જયારે ૫૭ વિદ્યાર્થીઓ ઇન્ટરમીડીયેટ પાસ કરવામાં સફળ રહ્યા છે.

ફાઇનલમાં સ્થાન મેળવનારા   વિદ્યાર્થીઓ
નામ -માર્કસ
વત્સલ ગાંધી -૪૫૨ -(૪૦મો રેંક)
ઉમેશ ચૌધરી -૪૩૬
કિંજલ પટેલ- ૪૨૬

ઇન્ટર મીડીયેટમાં પાસ થનારા વિદ્યાર્થીઓ
નામ -માર્કસ
મિહિર ત્રિપાઠી- ૫૫૦ (ઓલ ઇન્ડિયામાં ૧૭મો રેંક)
દિવ્યા ટહેલરામાની -૫૩૬(ઓલ ઇન્ડિયા ૨૫ મો રેંક
વિદિશા પટેલ -૪૫૮

ઇન્ટરવ્યુ ….
મારા પિતાને મદદરૂપ થવા શાકની લારીએ બેસતો હતો : ઉમેશ ચૌધરી (ફાઇનલ પાસ)
કોસ્ટ એકાઉન્ટિંગના ફાઇનલમાં ૪૩૬ માર્કસ લાવનારા ઉમેશ કહે છે, મારા પિતા શાકભાજીના લારી ચલાવે છે. હુ ધો.૧૨માં પિતાજીને મદદ કરવા માટે સાથે જતો હતો ત્યારથી નક્કી કર્યુ હતુ કે, પ્રોફેશનલ કોર્સમાં પ્રવેશ લઇને મારા પિતાના સંઘર્ષને સફળ બનાવીશ. બી.કોમનો અભ્યાસ પૂર્ણ કર્યા બાદ મે સીએમએના કોર્સમાં પ્રવેશ લીધો હતો. પ્રથમ પ્રયાસે જ મે પરીક્ષા પાસ કરી દીધી છે. સીએમએના સમગ્ર અભ્યાસ દરમિયાન વાંચનનો સમય નક્કી નહોતો. જોકે, હુ કોન્સેપ્ટ કલીયર રહે તે રીતે વાંચન કરતો હતો. દરરોજ ૯ કલાક સુધી વાંચન થાય તેવા પ્રયાસ કરતો હતો. હુ માનુ છુ કે, આપણી પાસે કંઇજ ન હોય અને અભાવમાં જાત મહેનત કરીને ભણવાની ચેલેન્જ સ્વીકારી અને તેમ સફળતાં મેળવવાની ખુશી કઇક અલગ છે.