ગુજરાતી
English
વર્ષ ૨૦૧૯ મા યોજાયેલા ખેલ મહાકુંભમા રમત ગમત ક્ષેત્રે ભાવનગરના ખેલાડીઓએ સમગ્ર રાજ્યમા સૌથી આગળ રહ્યાં હતા. ભાવનગર મહાનગરપાલિકા કક્ષાના કુલ ૧૩૯ ખેલાડીઓ અલગ અલગ રાજ્ય કક્ષાની સ્પર્ધા જેવી કે એથ્લેન્ટિક્સ, બાસ્કેટબોલ, ટેબલ ટેનિસ, જુડો, યોગાસન, સ્વિમિંગ, સ્કેટિંગ, કુસ્તી, રાઈફલ શુટિંગ, લોન ટેનીસ, હોકી રમતોમાં મેડલ પ્રાપ્ત કરેલ. જેમાં ૫૭ ગોલ્ડ, ૫૧ સિલ્વર અને ૩૧ બ્રોન્ઝ મેડલોનો સમાવેશ થાય છે.
ગ્રામ્યકક્ષાના ખેલાડીઓએ જીતેલા મેડલમા ૨૫ ગોલ્ડ, ૩૬ સિલ્વર અને ૩૨ બ્રોન્ઝનો સમાવેશ થાય છે. આમ સમગ્ર રાજ્યમા ભાવનગર જિલ્લાના ખેલાડીઓએ ૮૨ ગોલ્ડ,૮૭ સિલ્વર તેમજ ૬૩ બ્રોન્ઝ મેડલ મેળવેલા છે.
ભાવનગર મહાનગરપાલિકામાં કુલ ૭૦,૧૫૯ રજિસ્ટ્રેશન થયા અને ૫૨,૪૬૨ ખેલાડીઓએ વિવિધ રમતોમાં ભાગ લીધો જેમાંના ૨,૮૨૫ ખેલાડીઓને રાજ્ય સરકાર દ્વારા ૪૮ લાખ થી વધુ રૂપિયાના રોકડ પુરસ્કારથી સન્માનિત કરવામા આવશે.
જ્યારે ભાવનગર ગ્રામ્યમાં કુલ ૧,૫૯,૩૯૯ રજિસ્ટ્રેશન થયા અને ૧,૩૧,૧૨૧ ખેલાડીઓએ વિવિધ રમતોમાં ભાગ લીધો જેમાં કુલ ૨,૭૯૨ ખેલાડીઓને કુલ ૪૭,૭૭,૭૫૦ રૂપિયાના રોકડ પુરસ્કાર સરકાર દ્વારા આપવામાં આવેલો છે તથા સ્પેશ્યલ ખેલ મહાકુંભમાં ચાર કેટેગરીમાં ભાગ લીધેલ ૧,૫૮૧ દિવ્યાંગ ખેલાડીઓને પણ રોકડ પુરસ્કારથી સન્માનિત કરવામાં આવ્યા છે.
