33 ટકા વધારે  વેલ્યુ સાથે, જિયોનો ‘ન્યૂ વર્ક-ફ્રોમ-હોમ’ વાર્ષિક પ્લાન

33 ટકા વધારે  વેલ્યુ સાથે રૂ. 2,399નો પ્લાન 365 દિવસ માટે દરરોજ 2 જીબી ડેટા ઓફર કરે છે; ત્રણ નવા મૂલ્ય સંવર્ધિત પેક્સ પણ પ્રસ્તુત

મુંબઈ: રિલાયન્સ જિયો ઇન્ફોકોમ લિમિટેડે પ્રીપેઇડ યુઝર્સ માટે ‘ન્યૂ વર્ક-ફ્રોમ-હોમ’ વાર્ષિક પ્લાન પ્રસ્તુત કર્યો છે, જે રૂ. 2399 પર 33 ટકા વધારે  વેલ્યુ આપે છે. જિયોના સબસ્ક્રાઇબર નવા પ્લાન અંતર્ગત 365 દિવસ માટે દરરોજ 2જીબી મેળવશે.

આ વર્ક-ફ્રોમ-હોમ પ્લાન વાજબી 2જીબી/દરરોજ પ્લાન છે, જે દર મહિને રૂ. 200 જેટલો વાજબી ખર્ચ ધરાવે છે અને દરરોજ ફક્ત રૂ. 6.57નો ખર્ચ ધરાવે છે. આ પ્લાન સ્પર્ધક કંપનીઓનાં રૂ. 2,399ના વાર્ષિક પ્લાન કરતાં 33 ટકા વધારે વેલ્યુ ધરાવે છે. જિયોએ 336 દિવસની વેલિડિટી સાથે રૂ. 2,121નો પ્લાન જાળવી રાખ્યો છે, જેમાં દરરોજ 1.5 જીબી ડેટા મળે છે.

ઉપરાંત જિયોએ ત્રણ ન્યૂ ‘વર્ક-ફ્રોમ-હોમ’ ડેટા એડ-ઓન પેક્સ પણ પ્રસ્તુત કર્યા છે. એમાં રૂ. 151, રૂ. 201 અને રૂ. 251ના પેકમાં અનુક્રમે 30 જીબી, 40 જીબી અને 50 જીબી ડેટા મળશે. હાલનાં બેઝ પ્લાનની વેલિડિટી સાથે બંધ થતા આ પેક્સ ડેટાનો વધારે વપરાશ ધરાવતા તમામ યુઝર્સ માટે આવશ્યક છે, કારણ કે એનો ઉપયોગ મહિનામાં ગમે એ સમયે થઈ શકશે, ખાસ કરીને ડેઇલી ડેટાનો  વપરાશ સંપૂર્ણપણે થઈ જાય ત્યારે.