ગુજરાતમાં એક જ દિવસમાં આઠ ટાઉન પ્લાનીંગ સ્કીમ મંજૂર અપાઈ

ગાંધીનગર, તા.૨૩

ગુજરાત સરકારે રાજ્યમાં સુઆયોજિત નગર વિકાસ માટે ટાઉન પ્લાનીંગ સ્કીમ ટી.પી. અને ડી.પી.માં જિરો પેન્ડન્સીના લક્ષ્ય સાથે ર૦૧૯ના વર્ષમાં આઠ માસમાં ૭પ યોજનાઓ મંજૂર કરી છે. જે પૈકી ૬૬ નગર રચના યોજનાઓ તથા ૯ વિકાસ યોજનાઓને આ આઠ માસના ટૂંકાગાળમાં ત્વરિત મંજૂરી આપવામાં આવી છે. તેમાં અમદાવાદની ૧૪ તથા નડીયાદ, ભાવનગર અને વડોદરા તથા સુરતની મળીને રર ડ્રાફટ નગર રચના યોજનાઓનો સમાવેશ થાય છે

રાજ્યના મુખ્યમંત્રી વિજય રૂપાણીએ ર૦૧૮ના વર્ષમાં નગર રચના યોજનાઓ મંજૂર કરવાનો શતક રાજ્યના ઇતિહાસમાં પ્રથમવાર પૂર્ણ કર્યા બાદ હવે ર૦૧૯માં પણ શતક કરવાનું નક્કી કર્યું છે. સરકારે અમદાવાદની ર ડ્રાફટ, ર પ્રિલીમીનરી, ૧ ફાયનલ તેમજ સુરતની ૧ પ્રિલીમીનરી અને ગાંધીનગર બે પ્રિલીમીનરી મળીને કુલ-૮ ટાઉન પ્લાનીંગ સ્કીમને એકજ દિવસમાં મંજૂરી આપી છે.

તદ્દઅનુસાર અમદાવાદની ડ્રાફટ ટી.પી. સ્કીમ ૪૦૮-ઓગણજને ૪૦૭ લપકામણ-રકનપુર-સાંતેજ ને મંજૂરી આપી છે. અમદાવાદમાં જે બે પ્રારંભિક ટી.પી. સ્કીમ પ્રિલીમીનરી ટી.પી.ને મંજૂરી આપવામાં આવી છે. તેમાં ર૩૮-ભાટ સુઘડ, ૮પ સરખેજ-મકરબા-ઓકફ અને ૧ ફાયનલ ટી.પી. સ્કીમ તરીકે ૧૦ર નિકોલને પરવાનગી મળી છે.

ગાંધીનગરની મંજૂર થયેલી બે પ્રારંભિક ટી.પી.માં ૧૦-અડાલજ-પોર તેમજ ૯/બી-વાસણા હડમતીયા-સરગાસણ-વાવોલનો અને સુરતની પ્રીલીમીનરી ટી.પી. સ્કીમમાં ૩૯ ઊધના લીંબાયતનો સમાવેશ થાય છે.

મુખ્યમંત્રીએ શહેરોના અદ્યતન અને સુવિધાયુકત વિકાસને વેગ આપવા જે ટી.પી, ડી.પી. મંજૂર કરી છે. તેના પરિણામે અમદાવાદ મહાનગરમાં ૪૧ર હેકટર્સ ઉપરાંતની જમીનનો સુઆયોજિત વિકાસ થશે અને રૂ. ૬૪૦ કરોડના અંદાજિત કામોને તેમજ એફોર્ડેબલ હાઉસીંગના નિર્માણને આ બે ટી.પી મંજૂર થતાં વેગ મળશે.

રૂપાણીએ અમદાવાદ, સુરત અને ગાંધીનગરની જે પાંચ પ્રીલીમીનરી ટી.પી.ને મંજૂરી આપી છે. તેના પરિણામે અંદાજે ૫૫૦ હેકટર્સ ઉપરાંતની જમીન પર સુવિધાયુકત વિકાસ થશે, જે પૈકી રપ.પપ હેકટર જમીન સામાજિક આર્થિક વર્ગના લોકોના રહેણાંક હેતુસર, ૩ર.૦૩ હેકટર બાગ-બગીચા અને ખૂલ્લી જગ્યા હેતુથી તેમજ ૧૯.૪ર હેકટર જેટલી જમીનમાં ઇન્ફ્રાસ્ટ્રકચર ડેવલપમેન્ટની સુવિધા પ્રાપ્ત થશે.

રૂપાણીએ ર૦૧૯ના વર્ષના પ્રથમ આઠ જ માસમાં ૬૬ ટી.પી. સ્કીમ ઉપરાંત રાજકોટ, સુરત, ભાવનગર, વડોદરા, અમદાવાદ, બિલીમોરા અને ગાંધીનગરની મળી કુલ-ર૩ પ્રિલીમીનરી ટી.પી. સ્કીમ મંજૂરી કરી છે.

તેમણે રાજકોટ, સુરત, અમદાવાદ, ગાંધીનગર, ઊંઝા અને વડોદરાની કુલ-ર૧ ફાઈનલ એટલે અંતિમ ટી.પી ને પણ મંજૂરી આપી છે.