અમદાવાદમાં લોકો ક્યાં કામ કરવા જાય છે ? કોટ વિસ્તાર નોકરી-ધંધા માટે પહેલા જેટલું ધમધમે છે

અમદાવાદ, 3 નવેમ્બર, 2020

અમદાવાદ શહેર હવે ઔદ્યોગિક નથી, સેવાકીય અને કચેરીઓમાં કામ કરનારાઓનું બની ગયું છે. અમદાવાદ શહેરમાં લોકો નોકરી માટે ક્યાં મુસાફરી કરે છે? વિશ્વ વારસાના શહેરમાં કોટ વિસ્તારમાં સૌથી વધું નોકરી કે ધંધો છે. અમપાના પશ્ચિમ વિસ્તાર પછી આવે છે. જેમાં મુખ્યત્વે આશ્રમ રોડ, સીજી રોડ અને આસપાસના વિસ્તારો રોજગારી માટે કેન્દ્રિત છે. ત્યારબાદ અમદાવાદ-ગાંધીનગર માર્ગ – અગા માર્ગ – એસ.જી.રોડ અને પ્રહલાદનગર વિસ્તારમાં સૌથી વધું રોજગાર છે.

શહેરના 28 જોબ ક્લસ્ટરોમાં નોકરીની સંખ્યા 10,615 થી લઈને ક્લસ્ટરમાં મહત્તમ 1.9 લાખની નોકરી સુધીની છે. જોબ ક્લસ્ટરો શહેરમાં 1.25 ચો.કિ.થી માંડીને 5 ચો.કિ.મી.માં છે. આ આશરે 0.75 ચોરસ કિ.મી. દીઠ ઓછામાં ઓછી 300 થી વધુ નોકરીઓ માટે પ્રવાસ કરે છે.

એરિઝોના સ્ટેટ યુનિવર્સિટીના સંશોધનકારે અમદાવાદના ટ્રાવેલ-જોબ ડેન્સિટી ડેટાને આર્કિટેક્ચર એન્ડ અર્બનિઝમના હાલની બાબતોના ત્રીજી આંતરરાષ્ટ્રીય સંમેલનમાં રજૂ કર્યા હતા. એવો અહેવાલ ટાઈમ્સ ઓફ ઈન્ડિયાના પત્રકાર પોલ જ્હોન દ્વારા આપવામાં આવ્યો છે.

શહેરની આસપાસના વિસ્તારોમાં ઓછામાં ઓછા 16 જોબ ક્લસ્ટરો છે. જેમાં મુખ્યત્વે આસપાસના ઔદ્યોગિક ઝોન અને તેની સાથે જોડાયેલા ઉદ્યોગો દ્વારા પ્રભાવિત છે. આ ક્લસ્ટરોમાં પ્રતિ ચોરસ કિલોમીટરમાં 100 થી 210 જેટલી નોકરી હોય છે.

અહમદાબાદની શક્તિ

ફોર્બ્સ મેગેઝિન 2010 અનુસાર ત્રીજા નંબરનું સૌથી ઝડપથી વિકસિત શહેર.
ટાઈમ્સ ઓફ ઈન્ડિયાના સર્વેક્ષણમાં અમદાવાદ શહેરને ઈન્ફ્રાસ્ટ્રક્ચરની બાબતમાં ભારતનું શ્રેષ્ઠ શહેર તરીકે સ્થાન આપવામાં આવ્યું છે.
વેપાર, વાણિજ્ય અને ઉદ્યોગનો મુખ્ય આધાર અને રાજ્યના ઓદ્યોગિક અને નાણાકીય વિકાસનું એન્જિન.
યુનેસ્કો દ્વારા વર્લ્ડ હેરિટેજ સિટીનો દરજ્જો પ્રાપ્ત કરનાર અમદાવાદ પ્રથમ ભારતીય શહેર બનશે
ગુણવત્તાયુક્ત જળ, સ્વચ્છતા અને ગટર સેવાઓ
ગુણવત્તાવાળી જાહેર પરિવહન પ્રણાલી
નાણાકીય રીતે વ્યવસ્થિત શહેર
સંવેદનશીલતા સાથે શહેરી ગરીબને સમાવવા સહિતનું શહેર.
ઇકોલોજીકલ મૈત્રીપૂર્ણ અને ઉર્જા કાર્યક્ષમ
ટૂંકી મુસાફરીનું અંતર ધરાવતતું કોમ્પેક્ટ શહેર.
વિકાસ અને રોજગાર નિર્માણ માટે મજબૂત આર્થિક લોકોનું મૂડીકરણ.

અમદાવાદ મ્યુનિસિપલ કોર્પોરેશન ક્ષેત્રનો ડેટા – વસ્તી ગણતરી 2011
ઘર: 1179823
વસ્તી: 5577940
પુરુષ વસ્તી: 2938985
સ્ત્રી વસ્તી: 2638955
0 થી 6 વર્ષ સુધીની વસ્તી: 621034
0 થી 6 વર્ષની વચ્ચે પુરુષ વસ્તી: 336063
0 થી 6 વર્ષ વચ્ચેની સ્ત્રી વસ્તી: 284971
સાક્ષર વસ્તી: 4376393
સાક્ષર પુરુષ વસ્તી: 2402523
સાક્ષર સ્ત્રી વસ્તી: 1973870
નિરક્ષર વસ્તી: 1201547
નિરક્ષર પુરૂષ વસ્તી: 536462
નિરક્ષર સ્ત્રી વસ્તી: 665085