ગુજરાતી
English
અમદાવાદ ભાજપના નેતાઓ કેટરીગ કોન્ટ્રાક્ટ કબજે કરી લઈને કમાણી કરી રહ્યાં છે. પહેલા પાયાના કાર્યકરોને કમાણી થાય એનું ધ્યાન રાખવામાં આવતુ હતુ. હવે છેલ્લા બે વર્ષથી અમદાવાદ મહાનગર પાલિકા – મનપાના ભાજપના નેતાઓ પોતાના ઘરમાં જ કમાણી કરી રહ્યાં છે.
એક પ્લોટદીઠ રૂ.૯૦૦ અને હાઈ-ટી માટે રૂ.૩પ૦ લેખે ચુકવવામાં આવી રહ્યા છે. સાત વર્ષ પહેલાં ‘ગોવર્ધન કેટરર્સ’ને કોન્ટ્રાક્ટ આપવામાં આવતો હતો. જે ગાંધીનગરથી બંધ કરાવી લેવાતાં એકાદ વર્ષ માટે ‘પુરોહિત કેટરર્સે’ ને કામ આપવામાં આવ્યુ હતુ. તેના માલિક પણ ભાજપના નેતા છે. તત્કાલીન મેયર મીનાક્ષીબેન પટલે કાર્યકરને જ કામ મળે તેમાં કોઈ જ વાંધો નહોતો. હવે ‘પુરોહિત કેટરર્સ’ હંમેશા માટે બંધ કરાવ્યા છે.
આરટીઆઈ એક્ટિવિસ્ટ નિશીથ સિંગાપોરવાળાના જણાવ્યા અનુસાર તેમણે માત્ર મેયર બંગલા અને મેયરના અન્ય કાર્યકરોમાં કેટરીંગ માટે થયેલ ખર્ચની માહિતી માંગતા ચોંકાવનારી વિગતો બહાર આવી છે. મેયરના આઉટડોર કેટરીંગ માટે ‘સિલ્વર એપલ’ અને મેયર બંગલા માટે ‘વનેશ્રી’ ને જ ઓર્ડર આપવામાં આવ્યા છે.
મેયર બંગલે દિવાળી તહેવારમાં ત્રણ દિવસ માટે સ્નેહમિલન કાર્યક્રમનું આયોજન કરવામાં આવ્યુ હતુ. જેમાં કુલ ૪૮૦ જેટલા મહેમાનોને આમંત્રણ આપવામાં આવ્યુ હતુ. પ્રથમ દિવસે ૧પ૦ મહેમાનો માટે પ્રતિ ડીશ (થાળી) દીઠરૂ.૮પ૦ ચુકવાયા હતા.
બીજા દિવસે ૧૮૦ મહેમાનો માટે પ્રતિ ડીશ દીઠરૂ.૭રપ અને ત્રીજા દિવસે ૧પ૦ મહેમાનો માટે પ્રતિ ડીશ દીઠ રૂ.૮પ૦ લેખે ભાવ આપવામાં આવ્યો હતો. ત્રણ દિવસના સ્નેહમિલનમાં ૪૮૦ આમંત્રિતો માટે કુલ રૂ.૪.૦૪ લાખનું બીલ ‘સિલ્વર એપલ’ને આપવામાં આવ્યુ હતુ. જયારે ‘વનેશ્રી’ ના પાંચથી છ જેટલા બીલ છે જેમાં ર૧ ડીસેમ્બર-ર૦૧૮માં ટેબલ નં.૬માં ૬૦ વ્યક્તિ અને પ્રતિ વ્યક્તિદીઠ રૂ.૬પ૦ લેખે રૂ.૪૬૦ર૦નું બીલ ચુકવવામાં આવ્યુ છે. બીલમાં ‘મેયર બંગલા’નું સરનામું આપવામાં આવ્યુ છે.
પરંતુ ટેબલ નંબરનો ઉલ્લેખ હોવાથી ૬૦ વ્યક્તિએ હોટેલમાં જઈને જ ભોજન લીધું હોય એમ માની શકાય છે. તેવી જ રીતે રર ડીસેમ્બર ર૦૧૮ ના દિવસે પ૦ વ્યક્તિ માટે રૂ.૩૮૩પ૦, ૧પ મી જાન્યુઆરી ર૦૧૯ના દિવસે ૪૦ વ્યક્તિ માટે રૂ.૩૦૬૮૦, રપમી મે ર૦૧૯ના દિવસે ૬૦ વ્યક્તિ માટે રૂ.૩૭૮૦૦ના કેટરીંગ બીલ ‘વનેશ્રી’ ને ચુકવાયા છે. જ્યારે ૪ ફેબ્રુઆરી ર૦૧૯ના દિવસે ૧૦૦ વ્યક્તિની હાઈ-ટી માટે ટેક્ષ સાથે રૂ.૪૧૩૦૦ ચુકવાયા છે.
એક હાઈ-ટીનો ભાવ રૂ.૩પ૦ ભરવામાં આવ્યો છે. ૧ જુલાઈ ર૦૧૯ના રોજ પણ ૧ર૦ વ્યક્તિ માટે રૂ.૭ર હજારનું બીલ ‘વનેશ્રી’ ને ચુકવાયુ છે. જ્યારે સિલ્વર એપલ’ કેટરીંગને ૧૦ મી ફેબ્રુઆરી ર૦૧૯ના દિવસે ર૦૦ વ્યક્તિઓના કેટરીંગ માટે ઓર્ડર આપવામાં આવ્યો હતો. જેના પેટ રૂ.૧,પ૩,૪૦૦ની રકમ ચુકવવામાં આવી છે.
ગુરૂકૃપાનો ઓછો ભાવ
તદુપરાંત, ૧૮ મી ફેબ્રુઆરી ર૦૧૯ના રોજ ગુરૂકૃપા કેટરર્સને ૩૦૦ વ્યક્તિઓનો ઓર્ડર પ્રતિ ડીશ રૂ.૧૪પના ભાવથી આપવામાં આવ્યો હતો. જેમાં રીવરફ્રન્ટનું એેડ્રેસ લખવામાં આવ્યુ છે. માહિતીમાં જણાવ્યા અનુસાર મેયરને દર વર્ષે અલગથી મેયર્સ ડીસ્કડીશનલ કન્ટીની બજેટ મળે છે. જેમાંથી તેમને ખર્ચ કરવાની છૂટ છે. કેટરીંગ માટે ટેન્ડર કે ક્વાટેશન પ્રક્રિયા કરવામાં આવતી નથી.
કુનાલ રેસ્ટોરાનું કૌભાંડ
જે અંતર્ગત ૧૯મી જૂન ર૦૧૮ના રોજ કુણાલ રેસ્ટોરન્ટમાંથી પાંચ ડીશ બિસ્કીટ અને ૩૦૦ ગ્રામ લુઝ વેફર્સ પેટે રૂ.૧૩૯૬નું બીલ આપવામાં આવ્યુ હતુ. એક ડીશ બિસ્કીટ પેટે રૂ.ર૪૭.૬૧ અને ૩૦૦ ગ્રામ વેફર્સ માટે રૂ.૯૧.૪૩ ચુકવાયા હતા. મેયર બિજલબેન પટેલે પદભાર સંભાળ્યો એ સમયથી નવેમ્બર ર૦૧૯ સુધી અગત્યની મીટીંગો અને સ્નેહમિલ કાર્યક્રમમાં ભોજન વ્યવસ્થા પેટે લગભગ રૂ.નવ લાખનો ખર્ચ કર્યો છે. જ્યારે મેયર બંગલે ‘વનેશ્રી’ કુણાલ, તથા હેવમોર ને ચુકવવામાં આવેલ બીલનો સમાવેશ તેમાં થતો નથી.
ર૦ર૦-ર૦ર૧ ના એએમટીએસ અને સ્ટેન્ડીંગ કમિટિ બજેટના કેટરીંગ કોન્ટ્રાક્ટ ‘સિલ્વર એપલ’ ને જ આપવામાં આવ્યા હતા. મ્યુનિસિપલ બજેટ સત્રમાં પણ ‘ટીફીન’ વ્યવસ્થા બંધ કરીને ‘સિલ્વર એપલ’ને કોન્ટ્રાક્ટ આપવા વિચારણા થઈ હતી. પરંતુ કોર્પોરેટરોના ગણગણાટના કારણે આ વિચારનો અમલ કરવામાં આવ્યો નથી.
