ગુજરાતી
English
રાજ્યના મેડિકલનાં વિદ્યાર્થીઓ માટે આજે નાયબ મુખ્યમંત્રી નિતીન પટેલ દ્વારા એક મહત્વની જાહેરાત કરાઈ છે. જેમાં તેમણે કહ્યું છે કે અગાઉ મેડિકલનો અભ્યાસ પૂર્ણ કર્યા બાદ વિદ્યાર્થીઓને ત્રણ વર્ષ સુધી ગ્રામ્ય વિસ્તારમાં ફરજ બજાવવી પડતી હતી. તેમાં હવે સરકારે ઘટાડો કરીને માત્ર એક વર્ષ જ ગ્રામ્ય વિસ્તારમાં ફરજ બજાવવાની રહેશે.
આ ત્રણ વર્ષનાં બદલે એક વર્ષ ગ્રામ્ય વિસ્તારમાં મેડિકલનાં વિદ્યાથીઓ માટે ફરજિયાત કરીને રૂપિયા 5 લાખનાં બોન્ડની સાથે રૂ. 15 લાખની ગેરન્ટી પણ આપવાની રહેશે. જે માટે 300 રૂપિયાનાં સ્ટેમ્પ પેપર ઉપર સોગંદનામુ પણ કરવું પડશે. ગ્રામ્ય વિસ્તારમાં ફરજ નહિ બજાવનાર મેડિકલના વિદ્યાર્થીને 20 લાખ રૂપિયાનો દંડ થશે.
મેડિકલના વિદ્યાર્થીઓએ બોન્ડની રકમ રૂ.2 લાખની સામે રૂપિયા પાંચ લાખની બેન્ક ગેરેન્ટી અથવા રૂપિયા પાંચ લાખની કિંમત ધરાવતી મિલકત ગેરેન્ટી સ્વરૂપે આપવાની રહેશે.
આ જાહેરનામામાં એવું પણ જણાવાયું છે કે જે વિદ્યાર્થીઓ અતિ ગરીબ હોય અને તેના માતા પિતા કે પરિવાર પાસે કોઇ મિલકત ન હોય કે બેંક ગેરેન્ટીની ક્ષમતા ન હોય તેવા વિદ્યાર્થીઓન ખાસ કિસ્સામાં નિયત બેંક ગેરેન્ટી અથવા મિલકત ગેરંટી રજૂ કરવામાંથી મુક્તિ મળી શકશે. આવા વિદ્યાર્થીઓએ 20 લાખનાં બોન્ડની બાંહેધરી રૂપિયા 300નાં નોટરાઇઝડ સ્ટેમ્પ પેપર ઉપર આપવાની રહેશે.
