[:gj]કોરોના સારવારનું બિલ અમેરિકામાં 11 લાખ ડોલર, સુરતમાં 12 લાખ રૂપિયા[:]

[:gj]અમેરિકા,

સીઆટલ ટાઇમ્સે શનિવારે અહેવાલ આપ્યો છે કે 70 વર્ષીય અમેરિકન વ્યક્તિ, જેને COVID-19 થયો હતો, તેના હોસ્પિટલના ખર્ચ રૂપે 1.1 મિલિયન સોલાર એટલે કે 8 કરોડ 35 લાખ રૂપિયાનું બિલ આપવામાં આવ્યું હતું

માઇકલ ફ્લોરને 4 માર્ચે ઉત્તરપશ્ચિમ શહેરની એક હોસ્પિટલમાં દાખલ કરવામાં આવ્યો હતો, અને 62 દિવસ રોકાયો હતો – એક સમયે મૃત્યુની એટલી નજીક આવી ગઈ હતી કે નર્સોએ ફોન પકડી રાખ્યો હતો જેથી તેની પત્ની અને બાળકો વિદાય લઈ શકે.

પરંતુ તે સ્વસ્થ થઈ ગયો અને 5 મેના રોજ હોસ્પિટલ માંથી રાજા આપવામાં આવી હતી તે સમયે તેને બિલ આપવામાં આવ્યું હતું જે 181 પાનાનું હતું, જે કુલ $ 11,22,501 રકમનું હતું હતું.

સુરત,

સુરતમાં કોરોનાની મહામારી વચ્ચે હોસ્પિટલ દ્વારા દર્દીને 24 દિવસનું 12 લાખ રૂપિયાનું બિલ પકડાવી દીધું હોવાનું કિસ્સો સામે આવી રહ્યો છે. મહત્ત્વની વાત એ છે કે 24 દિવસનું 12 લાખનું બિલ પકડાવ્યું હોવા છતાં પણ દર્દી અશક્ત હોવાનું જાણવા મળ્યું છે.

રિપોર્ટ અનુસાર, સુરતના ઝાંપાબજાર વિસ્તારમાં તૈય્યબી મોહલ્લામાં રહેતા ગુલામ હૈદર શેખને 13 મેના રોજ શરદી અને ખાંસી થતા તેઓ ફેમિલી ડૉક્ટર પાસે તપાસ કરાવવા ગયા હતા.

તેથી ડૉક્ટરના કહેવા અનુસાર, તેમનામાં કોરોનાના લક્ષણો દેખાતા હોસ્પિટલમાં દાખલ થવાની સલાહ આપી હતી. જેથી ગુલામ હૈદર શેખના ફેમિલી ડૉક્ટરે એકતા ટ્રસ્ટ દ્વારા સંચાલિત એમ્બ્યુલસ મંગાવી હતી અને તેમને ટ્રાઇ સ્ટાર હોસ્પિટલમાં સારવાર અર્થે દાખલ કરવા માટે જણાવ્યું હતું.

ગુલામ હૈદર શેખને હોસ્પિટલમાં દાખલ કર્યા બાદ ડૉક્ટર દ્વારા તેમનો કોરોના ટેસ્ટ કરવામાં આવ્યા હતા અને રિપોર્ટ પોઝિટિવ આવતા તેમની સારવાર શરૂ કરવામાં આવી હતી. સારવારના 48 કલાક બાદ જ હૈદર શેખનો રિપોર્ટ નેગેટિવ આવ્યો હતો. રિપોર્ટ નેગેટિવ આવ્યો હોવા છતાં પણ ટ્રાઇ સ્ટાર હોસ્પિટલ દ્વારા હૈદર શેખને હોસ્પિટલમાં દાખલ રાખવામાં આવ્યા હતા. સારવાર દરમિયાન હૈદર શેખના ફેફસા ખરાબ થઈ ગયા હોવાથી તેમના ફેફસામાં કફ જામી ગયો હતો. તેથી હોસ્પિટલના ડૉક્ટરો દ્વારા ગાળામાં કાણું પાડીને કફ બહાર કાઢવામાં આવ્યો હતો. જેના કારણે તેમને 14 દિવસ સુધી વેન્ટિલેટર પર રાખવામાં આવ્યા હતા.

હૈદર શેખને 13 મેથી 30 મે સુધી ટ્રાઇ સ્ટાર હોસ્પિટલમાં સારવાર અર્થે દાખલ કરવામાં આવ્યા હતા. જ્યારે તેમને હોસ્પિટલમાંથી રજા આપવામાં આવી તે સમયે હોસ્પિટલ દ્વારા 12.33 લાખનું બિલ પરિવારના સભ્યોને પકડાવવામાં આવ્યું હતું. જેમાંથી 10 એક્સ-રે, 20 લેબોરેટરી રીપોર્ટ અને 2થી 3 સીટી સ્કેન સહિત કુલ 65,000 રૂપિયાનું બિલ બનાવવામાં આવ્યું હતું. આ ઉપરાંત 4.22 લાખનું દવાનું અને 8.1 લાખનું હોસ્પિટલનું બિલ બનાવવામાં આવ્યું હતું.[:]